Երբ երկրի ղեկավարը խամաճիկ է, անողնաշար, մեծամիտ. Աշոտ Մինասյան

Երբ թշնամի երկիրը տեսնում է, որ քո երկրի ղեկավարը խամաճիկ է, անողնաշար, մեծամիտ, ունակ չէ որևէ բան ղեկավարելու ինքը պատեհ առիթ է փնտրում, որ կարողանա կատարել այն, ինչ 25-30 տարի իր ճակատին կրել է պարտության խարանը և այսօր պետք է իրագործեր իր ծրագիրը: Այս մասին դեկտեմբերի 4-ին կայացած ասուլիսի ժամանակ նշեց «Սիսական» ջոկատի հրամանատար Աշոտ Մինասյանը:

«Նա տեսնում է, որ իր թշնամի պետության ղեկավարն ունակ չէ վարելու պատերազմ: Բնականաբար, թույլ ղեկավարի օրոք, դիմացինդ նախընտրում է այդ պատեհ առիթը և սկսում է վարել իր պատերազմը: Պատերազմը սկսվեց նաև նրա համար, որ մեր պետության այսպես կոչված ղեկավարը, պաշտոնների նշանակեց մարդկանց, որոնք ունակ չէին ղեկավարելու համապատասխան ոլորտները՝ սկսած ռազմական, տնտեսական, քաղաքական ոլորտներից:

Պարտության մասով էլ կասեմ հետևյալը։ Երբ պաշտպանության ներսում նշանակումներ են կատարում , այսինքն՝ երկրի հրամանատարներին հանում են հրամանատարական կետերից ու այլ մարդկանց են նշանակում, մարդկանց , ովքեր ամենևին պատրաստ չէին պատերազմ վարելու, բնականաբար, պարտություն էր լինելու։ Այդ մարդիկ ուղղակի չգիտեին՝ ինչ է պատերազմը , ուղղակի աճել էին ինչ-որ տաքուկ վայրերում, աճել էին շտաբներում։ Երբ չկայացած գերագույն հրամանատարը բանակը այլասերողին նշանակում է բարձր պաշտոնի և վստահում ամբողջ սահմանային պաշտպանությունը, բնականաբար մենք պետք է պարտություն կրեինք։ Սահմանապահ զորքերի հրամանատարի մասին է խոսքը» ,- ասաց Մինասյանը։

Շարունակելով խոսքը, Աշոտ Մինասյանն ընդգծեց «Մեր այսպես կոչված գերագույն գլխավոր հրամանատար կոչեցյալը ոչ ադեկվատ վիճակում,  գուցեև հարբած վիճակում, ինչպես լինում է հաճախ, հրաման է արձակում, որ եթե կարողանաք գրավել Լելե Թեփեն, դրա համար ես ձեզ կպարգևատրեմ հերոսի կոչումներով: Չկայացված գեներալիտետը դա համարում է հրաման, անցնում են հարձակման, գնում հասնում են իմ ասած Քյանթ Հորադիզ կայանի խաչմերուկ:

Երբ Փաշինյանին զեկուցում են, որ հասել են այնտեղ, նա մեկին գեներալի կոչում է շնորհում, երկուսին՝ հերոսի կոչում»: