Իսրայելը մտադիր չէ դուրս բերել զորքերը Հարավային Լիբանանից՝ նույնիսկ ԱՄՆ-ի պահանջով

Իսրայելը մտադիր չէ դուրս բերել իր զորքերը Հարավային Լիբանանից, նույնիսկ եթե նման պահանջ ներկայացվի ԱՄՆ-ի կողմից։ Այս մասին հայտարարել է հրեական պետության պաշտպանության նախարար Իսրայել Կացը։

«Նույնիսկ եթե լինի Ամերիկայի պահանջը, մենք հեռանալու Հարավային Լիբանանից», - նրա խոսքերն է մեջբերում «Kan» պետական հեռուստառադիոընկերությունը։

Կացն ընդգծել է, որ Իսրայելը մտադիր է թույլ չտալ լիբանանցի խաղաղ բնակչության վերադարձն այն շրջաններ, որոնք այժմ վերահսկվում են իսրայելական բանակի կողմից։ «200 000 մարդ չի վերադառնա։ Այնտեղ չկան ո՛չ տեղի բնակիչներ, ո՛չ ահաբեկիչներ, քանի որ մենք թույլ չենք տա այն, ինչ նախկինում եղել է անվտանգության գոտիներում։ Երբ այնտեղ խաղաղ բնակչություն կար, այնտեղ լինում էին նաև ընդհատակյա պայթուցիկ սարքեր և հարձակումներ [իսրայելցի] զինվորների վրա։ Մենք նահանջելու», - նշել է նա։

Ավելի վաղ Իրանի ներկայացուցիչները ԱՄՆ-ի հետ բանակցություններում պահանջել էին Լիբանանում կրակի ամբողջական դադարեցում և այնտեղից իսրայելական զորքերի դուրսբերում՝ զգուշացնելով, որ հակառակ դեպքում Թեհրանը կրկին կփակի Հորմուզի նեղուցը։ Իսրայելի իշխանություններն իրենց հերթին հայտարարել են, որ բանակը դուրս չեն բերի Լիբանանից այնքան ժամանակ, քանի դեռ հրեական պետությունը «Հեզբոլլահի» ջոկատների կողմից սպառնալիք է տեսնում իր հյուսիսային շրջանների համար, իսկ իսրայելական զորքերը շարունակում են պահպանել Հարավային Լիբանանում զբաղեցրած դիրքերը և այնտեղ ունեն «գործողությունների լիակատար ազատություն»՝ «առաջացող սպառնալիքները վերացնելու համար»։