«Հրապարակ». Փաշինյանը վախենում է սեփական թիմից, որ իմպիչմենթ կհայտնեն

«Նիկոլ Փաշինյանի նկատմամբ անվստահությունն ամենուր է, անգամ իր թիմում։ Ահա թե ինչու Փաշինյանը հրաժարվում է չեղարկել ռազմական դրությունը, որից հետո վարչապետին անվստահություն հայտնելու հնարավորություն կառաջանա»,-գրում է «Հրապարակը»։

«Եթե նա համոզված լիներ, որ թիմը հավատարիմ է, արդեն չեղարկած կլիներ ռեժիմը, սակայն կարծում է, որ հենց մեծամասնության պատգամավորներն են իրեն անակնկալներ մատուցելու՝ իմպիչմենթ սկսելով։

Մեզ ասացին, որ քայլ առ քայլ կվերացնեն ռազմական ռեժիմից բխող բոլոր սահմանափակումները։ Արդեն չեն գործում հավաքների, մամուլի հրապարակումների սահմանափակումները, հաջորդը կլինի երկրից մեկնելու հնարավորության վերականգնումը։

Բայց ռազմական դրությունը կպահպանվի ռազմական՝ զորքի տեղաշարժի և այլ նպատակներով, իսկ իրական նպատակը կլինի վարչապետին անվստահություն  հայտնելու գործընթացը կանխելը»,-ավելացնում է թերթը: