Տեսանյութում երևացող ծառայողի լիազորությունները կասեցվել են․ խոսնակը՝ ոստիկանի մասնակցությամբ համացանցում տարածված տեսանյութի մասին

Լրագրող Սյուզի Բադոյանն այսօր տեսանյութ էր հրապարակել, որում երևում էր, թե ինչպես են ոստիկանության Երևան քաղաքի վարչությունում քաղաքացուն ծեծով, հայհոյանքներով խոշտանգում՝ ցուցմունք կորզելու համար։

ՆԳՆ-ից արձագանքել են՝ նշելով, թե տեսանյութում երևացող ծառայողի լիազորությունները կասեցվել են։

«Ոստիկանի մասնակցությամբ համացանցում տարաված տեսանյութի առնչությամբ հայտնում եմ, որ ՆԳՆ ներքին անվտանգության և հակակոռուպցիոն վարչությունում կա նշանակված ծառայողական քննություն, տեսանյութում երևացող ծառայողի լիազորությունները կասեցվել են։ Առերևույթ հանցագործության վերաբերյալ տրվել է հաղորդում»,- նշել է ՆԳՆ խոսնակ Նարեկ Սարգսյանը։