ՄԽ համանախագահները «հստակ քայլերի առաջարկներ» են ներկայացրել

ԵԱՀԿ Մինսկի խմբի համանախագահները Արցախի հարցի կարգավորման համար հստակ քայլերի առաջարկներ են ներկայացրել՝ չմանրամասնելով՝ խոսքը կոնկրետ ինչ առաջարկների մասին է: Միջնորդ եռյակը մեր տարածաշրջան այցը ամփոփող հայտարարություն է տարածել: Նշել է, որ Հայաստանի, Արցախի ու Ադրբեջանի ղեկավարության հետ հանդիպումից բացի, Բաքվում հանդիպել են Լեռնային Ղարաբաղի՝ այսպես կոչված՝ ադրբեջանական համայնքի ղեկավարի հետ: Եռանախագահների հայտարարության այս հատվածը մեր արտգործ նախարարությունը դեռ չի մեկնաբանում: Համանախագահները նաև հայտնել էին, որ առաջիկայում սպասվում է Հայաստանի և Ադրբեջանի արտգործ նախարարների հանդիպում: