ԵՄ-ն Լիբանանի բանակին կտրամադրի 100 միլիոն եվրո․ Կալլաս

Եվրամիությունը 100 միլիոն եվրո է խոստացել Լիբանանի բանակին՝ Իսրայելի հետ հերթական զինադադարը պաշտպանելու համար։ Այս մասին X-ում գրել է եվրոպական դիվանագիտության ղեկավար Կայա Կալլասը։

«Իսրայելի և Լիբանանի միջև ընթացիկ զինադադարը հնարավորություն է տալիս խուսափել լայնամասշտաբ ռազմական գործողությունների վերադարձից», - գրել է նա։

Կալլասի կարծիքով՝ շիական «Հեզբոլլահ» կազմակերպության ազդեցությունը նվազեցնելու լավագույն միջոցը «լիբանանյան պետության հզորացումն ու նրա ինստիտուտների ամրապնդումն է»։ «Այս ջանքերին աջակցելու համար ԵՄ-ն որոշում է կայացրել Լիբանանի զինված ուժերին լրացուցիչ 100 միլիոն եվրո տրամադրել», - հայտնել է նա։

Ավելի վաղ «Հեզբոլլահ»-ը հայտարարել էր, որ մերժում է այս զինադադարը, որն անվանել է կեղծ։