Նույն քաղաքացին և նույն թմբուկը. մեկ տարի անց

Քաղաքացու օրվա տոնակատարությունների համար պետությունը գնումներ կանի՝ նորից առանց մրցույթ անցկացնելու: Այդ որոշումը հաստատվել է կառավարության վերջին նիստում: Տոնի գումարը կա, բայց թե ապրիլի 27-ին ի՞նչ է նշելու Հայաստանի քաղաքացին ու ինչպե՞ս, տեղյակ չէ անգամ խորհրդարանի ղեկավարը: Մաշտոցի պողոտայում մանղալով խորոված անելու վարչապետ Փաշինյանի հուշումից հետո, Արարատ Միրզոյանն էլ քաղաքացիներին առաջարկել է փողոցները սիմվոլիկ փակել: Այս առաջարկներից ոչ մեկին էլ մեր ռեպորտաժի հերոսը չի հետևի ու իր հեղափոխական թմբուկը այս տարի փողոց դուրս չի բերի: