Իսրայելը լուծում է փնտրում պայթուցիկով հագեցած անօդաչուների դեմ պայքարելու համար․ Նեթանյահու

Իսրայելը «լայնածավալ ազգային ջանքեր» է գործադրում պայթուցիկ սարքերով հագեցած անօդաչու թռչող սարքերի կիրառմանը հակազդելու «ստեղծագործական և նորարարական» մեթոդներ մշակելու ուղղությամբ։ Այս մասին Լիբանանում տիրող իրավիճակին նվիրված անվտանգության հարցերով նեղ կաբինետի նիստի սկզբում հայտարարել է Իսրայելի վարչապետ Բենիամին Նեթանյահուն։

«Մենք (Իսրայելը - խմբ.) լայնածավալ ազգային ջանքեր ենք իրականացնում պայթուցիկ սարքերով անօդաչուների կիրառման դեմ ստեղծագործական և նորարարական լուծումներ մշակելու համար», - ասել է Նեթանյահուն։ Վարչապետի խոսքերը տարածել է նրա գրասենյակը»։