Չարբախցիներն անելանելի վիճակում են․ «Իրավունք»

«Իրավունք» թերթը գրում է.

«Արդեն մեկ շաբաթից ավել է, ինչ 41 համարի և 67 համարի երթուղայինները չեն աշխատում: Առավոտյան Ներքին Չարբախից և Չարբախից աշխատավայր, համալսարան կամ դպրոց գնալը դարձել է իսկական պատուհաս:

Սկզբում լուրեր էին շրջանառվում, թե փետրվարի 1-ից նախկին երթուղիների փոխարեն կլինեն նոր ավտոբուսներ, հիմա դրա մասին էլ խոսակցություններ չկան: Առավոտյան մարդիկ ստիպված են լինում մի քանի կանգառ ոտքով գնալ և մի քանի երթուղի փոխելով` մի կերպ հասնել A կետից B կետ:

Փաստորեն, այս իշխանության կողմից հռչակված «հուսահատության գազելիներին» փոխարինելու եկավ հուսահատությունը` առանց գազելների: Իսկ թե ի՞նչ է մտածում այս մասին Երևանի քաղաքապետարանը, կներկայացնենք առաջիկա համարներից մեկում»: