Թուրքիան կշարունակի դիվանագիտությունը Ուկրաինայի հարցով, ներառյալ՝ բանակցությունների կազմակերպումը․ Ֆիդան

Թուրքիայի արտգործնախարար Հաքան Ֆիդանը հայտարարել է, որ իր երկիրը կշարունակի ակտիվ դիվանագիտությունը Ուկրաինայում հակամարտության կարգավորման համար, ներառյալ՝ ռուս-ուկրաինական բանակցությունների նոր փուլ կազմակերպելու նախաձեռնությունը։

«Ցավոք, վերջին իրադարձությունները մտահոգություն են առաջացնում։ Այն ժամանակ, երբ դիվանագիտական ջանքերը փակուղի են մտել, մենք դիտարկում ենք հակամարտության սրացում։ Մեզ հատկապես անհանգստացնում է քաղաքացիական ենթակառուցվածքների և բնակավայրերի վրա հարձակումների քանակի վերջին աճը։ Մենք կարծում ենք, որ անհրաժեշտ է շուտափույթ վերադառնալ բանակցությունների սեղանի շուրջ և վճռականորեն ձգտել դիվանագիտական լուծումների։ Մենք կշարունակենք ավելացնել մեր ուղղակի դիվանագիտական ջանքերը, ներառյալ՝ կողմերի միջև բանակցությունների կրկնակի անցկացումը», - ասել է նա Կիևում՝ իր ուկրաինացի գործընկեր Անդրեյ Սիբիգայի հետ համատեղ մամուլի ասուլիսի ժամանակ։ Հեռարձակումն իրականացրել է Թուրքիայի ԱԳՆ-ն սոցցանցերում։