Սամվել Կարապետյանը դարձավ առաջին մարդը, ով ԱԲ-ի միջոցով հայտարարեց վարչապետի պաշտոնում իր թեկնածությունն առաջադրելու մասին

Քաղբանտարկյալն օգտագործում է արհեստական բանականությունը՝ վարչապետի թեկնածություն առաջադրելու և իրեն բանտարկած բռնապետի դեմ պայքարելու համար։ Այս մասին հայտարարություն է տարածել «Amsterdam & Partners»-ը, միջազգային փաստաբան Ռոբերտ Ամստերդամի թիմը։

«Սամվել Կարապետյանը հայտարարում է Հայաստանի վարչապետի պաշտոնում առաջադրվելու մասին՝ չնայած տնային կալանքին։

Արհեստական բանականությունը շրջանցում է խոսքի ազատության քաղաքական սահմանափակումները։

Փաշինյանի կառավարությունը դատապարտվել է բոլոր ոլորտներում ձախողելու համար։

Քաղբանտարկյալ Սամվել Կարապետյանը դարձավ պատմության մեջ առաջին մարդը, ով արհեստական բանականության միջոցով հայտարարեց վարչապետի պաշտոնում իր թեկնածությունն առաջադրելու մասին։

Անսպասելի քայլով ընդդիմության առաջնորդ Սամվել Կարապետյանը, ում վարչապետ Նիկոլ Փաշինյանի վերահսկողության տակ գտնվող պետական մարմինների կողմից արգելված է հրապարակավ հանդես գալ, հայտարարեց, որ կառաջնորդի իր նորաստեղծ «Ուժեղ Հայաստան» կուսակցությունը հաջորդ ընտրություններում։

Պարոն Կարապետյանը, ով Հայաստանյայց Առաքելական Սուրբ Եկեղեցու մեծագույն բարերարն է, հայտարարությունն արեց իր գրած ելույթի միջոցով, որը հնչեցվեց արհեստական բանականությամբ ստեղծված տեսանյութի օգնությամբ՝ հինգշաբթի (փետրվարի 12-ին) երկրում տեղի ունեցած հանրահավաքի ժամանակ։

Երևանում կայացած հանրահավաքում հայտարարելով իր թեկնածության մասին՝ պարոն Կարապետյանն ասաց. «Ինձ ձերբակալելով և կալանքի տակ պահելով՝ մի փոքրիկ խմբակ կարծում էր, թե կարող է լռեցնել և մեկուսացնել ոչ միայն ինձ, այլև Հայաստանի ձայնը, մեր ժողովրդի ձայնը, մեր քաղաքացիների ձայնը՝ բոլորիդ ձայնը։ Բայց նրանք հերթական անգամ սխալվեցին և ձախողվեցին»։

Պարոն Կարապետյանը շարունակեց՝ նշելով, որ «չի կարող անտարբեր նստել և հանգիստ հետևել, թե ինչպես է մի կառավարություն, որը «ձախողել է ամեն ինչում», «հայրենիքը տանում դեպի աղետ և կործանում»։ Հետևաբար, նա իր ողջ «ստեղծագործական ներուժը և ուժերը կնվիրաբերի Հայաստանին և մեր ժողովրդին ծառայելուն»։

2025 թվականի հունիսին պարոն Կարապետյանը բանտարկվել էր Հայ Առաքելական Եկեղեցու պաշտպանությամբ հանդես գալուց հետո։ Նրան մեղադրանք էր առաջադրվել պետական կարգը տապալելու փորձի համար, և այժմ նա առաջադրվում է որպես Հայաստանի վարչապետի թեկնածու հունիսին կայանալիք ընտրություններում։

Պարոն Փաշինյանը նույնպես փորձում է գահընկեց անել ՀԱԵ հոգևոր առաջնորդ Ամենայն Հայոց Կաթողիկոս Գարեգին Բ-ին և նրան փոխարինել պետության կողմից հաստատված հոգևորականով։ Պարոն Կարապետյանը լրագրողին ասել է.

«Քանի որ ես միշտ կանգնած եմ եղել Հայ Եկեղեցու և հայ ժողովրդի կողքին, ես անմիջականորեն կներգրավվեմ։ Եթե քաղաքական գործիչները ձախողեն, ապա մենք մեր ձևով կմասնակցենք այս ամենին»։

Պարոն Կարապետյանը պահվում էր Երևանի խորհրդային ժամանակաշրջանի բանտում, իսկ դեկտեմբերին տեղափոխվել է տնային կալանքի։

Լոնդոնում բնակվող միջազգային իրավաբան Ռոբերտ Ամստերդամը, ով ներկայացնում է պարոն Կարապետյանի շահերը, ելույթ ունեցավ հանրահավաքում և ողջունեց պարոն Փաշինյանին մարտահրավեր նետելու գործարարի որոշումը։

Պարոն Ամստերդամն ասաց. «Ինձ համար մեծ պատիվ և արտոնություն է հանդես գալ Հայաստանի այս մեծ հայրենասերի անունից։ Նա մի մարդ է, ով կառաջնորդի հայերին, որպեսզի հարգեն իրենց կրոնը, մշակույթն ու պատմությունը և չհանձնվեն օտար ուժերին։

Նա մի մարդ է, ով հասկանում է, որ խաղաղություն՝ չի նշանակում հանձնվել, և որպես հայ, հասկանում է, որ որ ապագայի որևէ ծրագիր կամ քաղաքական շահ մեկ օրով անգամ չի հիմնավորում Բաքվում գտնվող քրիստոնյա հալածյալների ապօրինի բանտարկությունը։

Սամվել Կարապետյանի պատմությունը ազնվության, հաջողության և վճռականության հազվագյուտ համակցություն է։

Իրականում, հենց այս կառավարության պատրաստակամությունը՝ մերժելու թե՛ երկրի սահմանադրությունը, թե՛ իր եկեղեցու առաքելական էությունը, պահանջում է հզոր պատասխան այսօր այստեղ և հունիսին՝ քվեախցիկների մոտ։ Մեր ներկա իրավիճակի մեծագույն զավեշտն այն է, որ նրանք, ովքեր պաշտպանում են իրավունքի գերակայությունը, այսօր այստեղ սկսում են քարոզարշավ ընդդեմ նրանց, ովքեր օրենքը հարմարեցնում են իրենց անձնական շահերին»։

Պարոն Կարապետյանի միջամտությունը հաջորդում է Եկեղեցու և Հայաստանի կառավարության միջև ամիսներ տևած թշնամանքին, որը հանգեցրել է լարվածության սրմանը և վարչապետի կողմից Եկեղեցուն ուղղված սպառնալիքներին։ Հայաստանի կառավարությունը հայտարարել է, որ կարող է փորձել վերահսկողություն հաստատել ՀԱԵ-ի նկատմամբ, ինչը մտահոգություններ է առաջացնում երկրի սահմանադրության 17-րդ հոդվածի հնարավոր խախտումների վերաբերյալ։

Կուսակցության գլխավոր խոսնակ Նարեկ Կարապետյանն ասել է.

«Ցավոք, նա այսօր մեզ հետ չէ, որովհետև վարչապետի աթոռը զբաղեցնող անձը վախենում է նրանից և զրկել է նրան խոսքի ազատությունից։ Բայց նրանք մի բան սխալ էին հաշվարկել այս պատմության մեջ. քաղաքական բանտարկությունը երբեք չի կարող բանտարկել գաղափարը։ Եվ հիմա մենք պատրաստվում ենք անել պատմության մեջ աննախադեպ մի բան. մենք անակնկալ ենք պատրաստել. երկրի ապագա առաջնորդի ուղերձը կընթերցի Սամվել Կարապետյանի փաստաբանը՝ արհեստական բանականության օգնությամբ։

Ոչինչ չի լռեցնի մեր ձայնը և չի բանտարկի մեր ազատությունը։ Պարոն Կարապետյանի կուսակցությունն արդեն հրապարակել է հինգ քայլից բաղկացած ծրագիր՝ Հայաստանի թուլացող տնտեսությունն աշխուժացնելու և համատարած աղքատության դեմ պայքարելու համար։

Հիմնական նպատակը տնտեսության վերակառուցումն է և Հայաստանը արտահանմանն ուղղված ներդրողների համար գրավիչ դարձնելը»։

Պարոն Ամստերդամը հավելեց. «Կա՞ ավելի լավ միջոց ցույց տալու, որ կալանքը չի լռեցնի ձեզ, քան հայտարարել այն քաղաքական առաջնորդի դեմ պայքարելու ծրագրերի մասին, ով բանտարկել է ձեզ:

Զարմանալի չէ, որ պարոն Կարապետյանի հավատը Հայ Առաքելական Սուրբ Եկեղեցու հանդեպ, համակցված այն համոզմունքի հետ, որ պարոն Փաշինյանն անպիտան է Հայաստանը ղեկավարելու համար, հանգեցրել է այս որոշմանը»։

Ուղերձը հղելու համար արհեստական բանականության օգտագործումը նորարարական պահ է համաշխարհային քաղաքականության մեջ՝ ընդգծելով, թե ինչպես են թվային գործիքները վերափոխում քաղաքական հաղորդակցությունը նույնիսկ կալանքի և սահմանափակված խոսքի պայմաններում։

Պարոն Կարապետյանը մնում է իրավական սահմանափակումների տակ՝ իր ներկայացուցիչների և կուսակցական կառույցների միջոցով նախապատրաստելով իր քարոզարշավը»։