Լրահոս

«Աղքատությունը մարդկանց գլուխներում է» մտքի հեղինակը Հայաստանի վարչապետը, այսօր էլ ասել է, որ կառավարությունը չի պատրաստվում հաղթահարել բազմոցին պառկած մարդու աղքատությունը: 

Վերջին երկու տարվա ընթացքում Հայաստանում ավոտվթարի զոհերի թիվը ավելացել է մոտ 30 տոկոսով: Եվ սա այն դեպքում, երբ վերջին երկու տարիներին հանրապետության գրեթե բոլոր մեծ ու փոքր ճանապարհներին աչագաչափեր, տեսանկարահանող սարքեր են հայտնվել: Այս տարվանից էլ բալային համակարգն է ուժի մեջ մտել, որ փոխվի սև վիճակագրությունը:

Մարալիկի ծննդատունը փակելու մտքից առողջապահության նախարարությունը չի պատրաստվում հրաժարվել: Նախարար Արսեն Թորոսյանն այսօր հայտարարել է, որ ծննդատունը փակում են ոչ թե գումար խնայելու համար, այլ որովհետև այն վտանգավոր է մարալիկցի ծննդկանների ու նորածինների համար, նաև ծնունդներն են քիչ: Ինչպես հիշում եք, Մարալիկի բնակիչները երեկ փակել էին Գյումրի-Երևան մայրուղին՝ պահանջելով չփակել ծննդատունը:

Երևանում այսօր վերսկսված՝ Ռոբերտ Քոչարյանի և մյուսների գործով դատական նիստի ընթացքում միջադեպ է տեղի ունեցել: Տուժածներից մեկի ներկայացուցիչը, ըստ Քոչարյանի փաստաբանների, սպառնացել է իրենց: Հայկ Ալումյանը փորձել է դատավոր Աննա Դաիբեկյանի ուշադրությունը հրավիրել կատարվածի վրա, սակայն Դանիբեկյանը կողմերից պահանջել է չխաթարել դատական նիստի ընթացքը:

Միացյալ Նահագների ներկայացուցիչների պալատը այս շաբաթ քվերակության կդնի մի բանաձև, որը կկապի նախագահ Թրամփի ձեռքերը՝ Իրանի նկատմամբ որևէ ռազմական գործողություն սկսելու համար: Պալատի նախագահ Նենսի Փելոսին ասել է եթե այն հաստատվի նաև Սենատում, ապա պարտադիր ուժ կունենա: Սակայն Թրամփի կուսակից հանրապետականները պնդում են, որ բանաձևը դաշնային օրենքի կարգավիճակ չունի, քանի որ այն նախագահի կողմից վավերացում չի պահանջում: Եվ չնայած Իրան-Միացյալ Նահանգներ հարաբերություններում հիմա լարվածությունը թուլացել է, վերլուծաբանները չեն շտապում լավատեսական կանխատեսումներ անել: Իրանի զինված ուժերի ներկայացուցիչը ժամեր առաջ հայտարարել է, որ Իսլամական հեղափոխության պահապաների կորպուսը մոտ ժամանակներս վրեժխնդիր կլինի երկրի թշնամիներից:

Աշխարհը սարսափով շարունակում է հետևել Կանաչ մայրացամաքը մոխրի վերածող հրդեհին: Կրակը ամեն ժամ նոր տարածքներ է գրավում, իսկ բնապահպանները հաշվում են վնասները: Բնությունը վերականգնելու համար կպահանջվեն տասնյակ տարիներ:

Սահմանադրական դատարանի նախագահ Հրայր Թովմասյանի սանիկին կրկին կալանավորեցին: Դատարանը այսօր բավարարել է ՀՔԾ-ի միջնորդությունը: Թովմասյանի սանիկը արդարադատության նախարարության նախկին պաշտոնյա Նորայր Փանոսյանն է: Դատարանի այսօրվա որոշումը խայտառակություն է որակել փաստաբան Տիգրան Աթանեսյանը:

ՀՀ երկրորդ նախագահ Ռոբերտ Քոչարյանի Փաստաբանական թիմը պատրաստվում է ինքնաբացարկի միջնորդություն ներկայացնել նախագահող դատավոր Աննա Դանիբեկյանին։

Ամերիկացիների 71 տոկոսը հավանական է համարում Իրանի ու Միացյալ Նահագների միջև պատերազմը: Սա «Ռոյթերս» գործակալության հարցման արդյունքն է: Այն անցկացվել է Իրաքում իրանցի լեգենդար գեներալ Ղասեմ Սոլեյմանիի սպանությունից հետո: Մերձավոր Արևելքում այժմ զգացվում է հնարավոր պատերազմի շունչը և աշխարհը տագնապով հետևում է, թե ի՞նչ ընթացք կստանան իրադարձությունները: Իսկ դրանք հուսադրող սցենարով չեն զարգանում: Իրանի գերագույն հոգևոր առաջնորդը հայտարարել է, որ ԱՄՆ ներկայությունը պետք է բացառել այս տարածաշրջանում: Թեհրանը 35 հրթիռ է արձակել Իրաքի ամերիկյան ռազմաբազաների ուղղությամբ:

Իրանում այսօր հուղարկավորել են գեներալ Ղասեմ Սոլեյմանիին: Նա Իրանի ամենաժողովրդական դեմքերից մեկն էր: Ամերիկացի վերլուծաբանները նրա հռչակը համեմատում են Ջեյմս Բոնդի, Լեդի Գագայի եւ անցած դարի ամենանահզոր զորավրների համբավի հետ: 80 միլիոնանոց Իրանում Սոլեյմանին իր ազդեցիկությամբ կարող էր համեմատվել որեւէ պետության փոխնախագահի հետ:

Կանաչ մայրցամաքը չի ազատվում կրակից: Ամազոնի անտառներից հետո, վերջին տարիների ամենամեծ անտառային հրդեհներն են Ավստրալիայում: Վերջին հաշվարկով մոտ վեց միլիոն հեկտար տարածք է այրվել: Կրակի զոհ դարձած կենդանիները մոտ մեկ միլիարդ 25 միլիոնն են:

Ի դեպ, այսօր կալանավորվել է հունվարի հինգին ԱԱԾ բերման ենթարկված մի երիտասարդ, որը կեղծ ֆեյսբուքյան էջով լուր էր տարածել, թե իբր Փաշինյանը ԱՄՆ նախագահին շնորհավորել է իրանցի գեներալի սպանության համար: ԱԱԾ-ի տեսանյութում երիտասարդը նշում էր, որ ինքը Ռոբերտ Քոչարյանի կալանավորումը համարում է անարդարացի: Քոչարյանի փաստաբանական խումբը կարծում է, որ վերջին շրջանում տարբեր հանցանքների մեջ կասկածվողներին Քոչարյանի աջակից ներկայացնելը կա՛մ նախապատարստված գործողություն է, կա՛մ բերման ենթարկվածները ազդանշան են ստանում, որ իրավապահներից մեղմ վերաբերմունք կարող են ակնկալել, եթե իրենց գործը կապեն Քոչարյանի անվան հետ: Այդպիսի մի քերական գործով մոտ երկու շաբաթ կալանավորված է 5-րդ ալիքի սեփականատեր Արմեն Թավադյանը:

Հունվարի մեկից գործող բալային համակարգը խոցելի կողմեր ունի: Ճանապարհային երթևեկության փորձագետի գնահատականով, եթե դրանք չվերացվեն, ապա ոչ մեկ , ոչ էլ 10 տարի անց՝ Երեւանը Օսլո չի դառնա: Նորվեգիայի՝ մեկուկես միլոն բնակչությամբ մայրաքաղաքում, անցած տարի ընդամենը մեկ մարդ է ավտովթարի զոհ դարձել:

Տոնական պայթուցիկներից ստացած վնասվածքների պատճառով այս տարի ամանորը հիվանդանոցում է անցկացրել 52 քաղաքացի: Պայթուցիկների ցավոտ հետևանքները անգամ ստիպում են երեխաներին փոխել երազանքները: