Լրահոս

Հայտնել էինք, որ սեպտեմբերի 7-ին ծառայողական պարտականությունները կատարելիս զոհվել է ՆԳՆ ոստիկանության Արմավիրի բաժնի քրեական հետախուզության բաժանմունքի օպերլիազոր, ոստիկանության կապիտան Հայրապետ Ստեփանյանը։

Այսօր՝ ժամը 20:00-ի սահմաններում, Նալբանդյան գյուղում կրակոցներ են հնչել, ինչի հետևանքով մեկ ոստիկան է սպանվել, ևս մեկը վիրավոր է: Գյուղի 41-ամյա բնակիչ Մանուկ Մարգարյանը, որը կասկածվում է ոստիկանին սպանելու և մյուսին վիրավորելու մեջ, որոնվում է: Ոստիկանությունից հայտնում են, որ նա զինված է: ՆԳՆ-ն հայտնել է սպանված ոստիկանի անունը. «Ծառայողական պարտականությունները կատարելիս զոհվել է ՆԳՆ ոստիկանության Արմավիրի բաժնի քրեական հետախուզության բաժանմունքի օպերլիազոր, ոստիկանության կապիտան Հայրապետ Ստեփանյանը»։ Հրազենային վիրավորում է ստացել նույն բաժնի համայնքային ոստիկանության տեսուչ, ոստիկանության լեյտենանտ Արթուր Այվազյանը, որը տեղափոխվել է բուժհաստատություն: Դեպքի վայրում այս պահին աշխատում են քննիչներ, քրեագետներ և Քննչական կոմիտեի աշխատակիցներ: Նալբանդյան գյուղում են եղել նաև ՆԳՆ նախարարը և ՀՀ ոստիկանապետը:

Արմավիրի մարզի Նալբանդյան բնակավայրում իրենց ծառայողական պարտականությունները կատարող` Ոստիկանության աշխատակիցների ուղղությամբ, այլոց համար վտանգավոր եղանակով, կրակոցներ արձակելու, դրա արդյունքում Ոստիկանության մեկ ծառայողի սպանության և մեկ ծառայողի սպանության փորձի դեպքի առթիվ ՀՀ քննչական կոմիտեի Արմավիրի մարզային քննչական վարչությունում ՀՀ քրեական օրենսգրքի 155-րդ հոդվածի 2-րդ մասի 1-ին և 7-րդ կետերի, 44-155-րդ հոդվածի 2-րդ մասի 1-ին և 7-րդ կետերի, 335-րդ հոդվածի 1-ին մասի հատկանիշներով նախաձեռնվել է քրեական վարույթ։ Այս մասին հայտնում են ՀՀ ՔԿ-ից։ Ձևավորվել է քննչական խումբ և իրականացվում են անհետաձգելի քննչական, այլ վարութային գործողություններ` դեպքի ամբողջական հանգամանքները պարզելու համար։ Կատարվել է դեպքի վայրի զննություն, նշանակվել են դիակի դատաբժշկական և դատաբժշկական փորձաքննություններ։ Առերևույթ հանցագործություն կատարած անձի ինքնությունը պարզված է։ Միջոցներ են ձեռնարկվում վերջինիս, ինչպես նաև հանցագործության գործիք հրազենը հայտնաբերելու ուղղությամբ։ ՀՀ քննչական կոմիտեն նախաքննության ընթացիկ արդյունքների մասին հետագայում տեղեկատվություն կտրամադրի։ Ավելի վաղ հայտնել էինք, որ Արմավիրի մարզի Նալբանդյան համայնքի բնակիչներից մեկը կրակել է ոստիկանների ուղղությամբ․ մեկ ոստիկան զոհվել է, մեկը՝ վիրավորվել։ Ոստիկանությունից հայտնել են, որ սպանություն և սպանության փորձ կատարելու կասկածանքով որոնվում է Նալբանդյան գյուղի 41-ամյա բնակիչը․ նա զինված է։ Ծառայողական պարտականությունները կատարելիս զոհվել է ՆԳՆ ոստիկանության Արմավիրի բաժնի քրեական հետախուզության բաժանմունքի օպերլիազոր, ոստիկանության կապիտան Հայրապետ Ստեփանյանը։

Սոցցանցերում և լրատվամիջոցներում տարածվում է «Մայրենի 3» դասագրքի կազմի վերջին էջի լուսանկարը, որտեղ Հայաստանի դրոշն է՝ վերևում կրակ, ինչը լայն քննարկումների ու քննադատությունների է արժանացել: Tert.am-ի հետ զրույցում դասագրքի հեղինակ Վաչագան Սարգսյանը հայտնել է, որ ի սկզբանե իրենց կողմից նախատեսված է եղել այլ տարբերակ, և նշված էջը բացարձակապես կապ չունի իրենց ներկայացրածի հետ: «Մեր ուղարկածը տարբերվում է տպագրվածից: Նախկինում շատ լավ պրակտիկա կար. երբ գիրքը տպագրվում էր, մեկ օրինակ ուղարկում էին հեղինակներին, որոնք նայում էին, եթե ամեն ինչ ճիշտ էր լինում, ստորագրում էին: Հիմա, ցավոք սրտի, այդ պրակտիկան վերացել է, ինչը հաճախ թյուրիմացությունների է հանգեցնում: Ես չեմ տեսել տպագրված տարբերակը, ինչ-որ ծրագրի խափանման պատճառով էջերի տեղերը փոխվել են, տպարանում դա չեն նկատել ու այդպես տպագրվել է: Չեմ կարծում, որ այդտեղ որևէ միտում կա, անիմաստ եմ համարում կարծիքները, որ «Անտարես»-ից որևէ մեկը պետք է նման բան աներ։ Պարզ է, որ տեղի ունեցածը թյուրիմացության արդյունք է»,- ասաց Սարգսյանը: Հարցին՝ անհրաժեշտություն տեսնո՞ւմ է հետ կանչել դասագրքերի տպաքանակը, Սարգսյանը նշեց. «Չեմ կարծում, որ դա որևէ բան կփոխի, մանավանդ, որ կարելի է ստացվածը տարբեր կերպ մեկնաբանել: Այն բնականաբար իմ սրտով չէ, կուզենայի, որ իմ ներկայացրած տարբերակով հրատարակվեր, բայց հիմա նախարարությունը և «Անտարես»-ը տեղյակ են այդ ամենից, իրենք ինչպես որոշեն, այդպես էլ կանեն։ Այս պահին չունեմ որևէ առաջարկ, որը կարող է շտկել իրավիճակը»: Անդրադառնալով դասագրքի շուրջ առաջացած քննադատություններին՝ հեղինակն ընդգծեց. «Խնդիրն այն է, որ մարդիկ, հասկանալի պատճառներով, մի տեսակ չարացած են, ու այդ չարությունը որևէ տեղ պարպելու հնարավորություն է տրվել: Գտնում են ինչ-որ ծիծաղելի նշաններ, օրինակ՝ ձեռքսեղմման նշանը, որը ես 30 տարի շարունակ օգտագործել եմ «Այբբենարան»-ում և որը տպագրվել է տասնյակ հազար տպաքանակներով: Եթե մարդիկ ցանկանում են մի բան գտնել, միևնույն է գտնում են: Ասում են՝ ինչո՞ւ կազմի վրա չկա Մասիս սարը, Աստղադիտարանի մասին նյութ կա, Աստղադիտարանն էլ գտնվում է Արագածի լանջին, ես Աստղադիտարանը տանեմ տեղադրեմ Մասիսի՞ լանջին։ Անհեթեթ պնդումներ են անում: Կամ գտնում են ծիծաղելի խորհրդանիշներ նկարված դռների վրա, որը շատ պարզ ու հասարակ մեկնություն ունի: Նկարը վերցված է համապատասխան դասից, նկարում պատկերված են խորհրդանշական դռներ, որոնցով անցնում է փոքրիկ հերոսը, առաջին աշխարհում ֆիզիկապես կոփվում է, երկրորդում ապահովվում է նրա մտավոր զարգացումը, երրորդում ձևավորվում է ստեղծագործական, հոգևոր մտածողությունն ու վերջում դուրս է գալիս ավելի զարգացած ու կոփված։ Սա՛ է: Ինչ վերաբերում է կրակին, ջրին, հողին, դրանք սովորական տարերքներ են, որոնք ներկայացված են խորհրդանշական ձևով: Անհեթեթություն է «ձվի մեջ մազ փնտրելը»: Մարդիկ, որոնք ասում են նկարում ես դրոշը վառել եմ, գոնե մեկ անգամ թող բացեն գիրքն ու տեսնեն, թե ինչպիսի նյութեր են ներառված գրքում, ինչ հերոսներ, նշանավոր հայեր են ներկայացված, ինչքան հերոսական էջեր կան, ինչքան հայրենիք կա: Եթե մեկ անգամ թերթեին գիրքը, այդպիսի անհեթեթություններ չէին գրի»: Վաչագան Սարգսյանի գնահատմամբ՝ դասագիրքը բավականին լավն է, և աշակերտները հաճույքով կաշխատեն դրանով: «Փոքր կասկած ունեմ, որ այս «շիլաշափոթը» ստեղծեցին մեզ ու մեր դասագիրքը վարկաբեկելու համար, որովհետև այնպիսի մարդիկ սկսեցին գրել այդ մասին, որ ես շատ զարմացա։ Առիթն օգտագործեցին իրենց ցածրակարգ նպատակներին հասնելու ու հեղինակային կազմին վարկաբեկելու համար»,- ասաց հեղինակը: Նշենք, որ «Անտարես» հրատարակչությունից երեկ մեկնաբանել են, որ խնդիրը տեխնիկական է և մարդկային գործոն չկա:

ՀՀԿ փոխնախագահ, քաղբանտարկյալ Արմեն Աշոտյանը «Նուբարաշեն» քրեակատարողական հիմնարկից հեռավար կարգով պատասխանել է քաղաքացիների կողմից իրեն ուղղված հարցերին։ «Զանգեզուրի միջանցքի» շուրջ վերջին զարգացումներին վերաբերող հարցին ի պատասխան՝ Արմեն Աշոտյանը նշել է․ «Ակնհայտ է, որ այդ հարցը տարածաշրջանի կոմունիկացիաների և ապաշրջափակման անվան տակ մնում է թե՛ Նիկոլի, թե՛ Ալիևի, թե՛ Էրդողանի, թե՛ գերտերությունների օրակարգում։ Իշխող ռեժիմը փորձեց «դիվանագիտական հաղթանակ» ներկայացնել սեփական նախաձեռնությամբ և Ադրբեջանի համաձայնությամբ այդ խնդրի դուրս մնալը հայ-ադրբեջանական «խաղաղության» փաստաթղթից, և նման պահվածքը սեփական ժողովրդին հիմարացնելու հերթական փորձն է։ Հիշեցնում եմ՝ «Զանգեզուրի միջանցքի» հարցը ոչ թե փակվել է, ոչ թե դուրս է մնացել օրակարգից, ոչ թե մոռացվել է, այլ ընդամենը չի ներառվելու «խաղաղության» պայմանագրում։ Եվ այս փուչիկը շատ արագ պայթեց նախ՝ Զանգեզուրի միջանցքի շուրջ քննարկումների մասին նոր տեղեկատվության, իսկ հետո՝ Նիկոլի հրապարակային առաջարկից բոլոր դժվար և չհամաձայնեցված հարցերը հայ-ադրբեջանական թղթի կտորից հանելու մասին։ Հիշեցնեմ նաև, որ նման քարոզչական փոշի նիկոլական թիմը փչում էր մեր աչքին Իրանով ամիսներ առաջ բացված ճանապարհի առիթով՝ Ադրբեջանից Նախիջևան։ Ինչ վերաբերում է Լավրովի աղմկահարույց հայտարարությանը, ապա ակնհայտ է, որ Մոսկվային ոչ թե միջանցքն է պետք, այլ դրա գործարկման դեպքում՝ միջանցքի նկատմամբ հսկողությունը։

Telegram-ը սպառնալիք է ներկայացնում Ուկրաինայի ազգային անվտանգությանը: Ուկրաինայում այն փակելը տեխնիկապես դժվար է, բայց հնարավոր է: Ինչպես հայտնում է «ՌԲԿ-Ուկրաինա»-ն, այս մասին հայտնել է պաշտպանության նախարարության հետախուզության գլխավոր վարչության ղեկավար Կիրիլ Բուդանովը: «Ես երբեք չեմ վախեցել և այժմ ուղիղ ասում եմ ՝ Telegram-ը սպառնալիք է մեր ազգային անվտանգությանը։ Ես դա բացարձակապես ուղիղ եմ ասում, և մենք դա նույնիսկ փաստաթղթերով ենք ասել»,-հայտարարել է Բուդանովը։

Ծառայողական պարտականությունները կատարելիս զոհվել է ՆԳՆ ոստիկանության Արմավիրի բաժնի քրեական հետախուզության բաժանմունքի օպերլիազոր, ոստիկանության կապիտան Հայրապետ Ստեփանյանը։ Հայտնում են ՆԳՆ ոստիկանությունից: «Ցավակցում ենք մեր զոհված գործընկերոջ ընտանիքի անդամներին ու հարազատներին, կիսում կորստյան վիշտը։ Հրազենային վիրավորում է ստացել նույն բաժնի համայնքային ոստիկանության տեսուչ, ոստիկանության լեյտենանտ Արթուր Այվազյանը, որը տեղափոխվել է բուժհաստատություն»,-ասվում է հաղորդագրությունում։ Ավելի վաղ հայտնել էինք, որ Նալբանդյան գյուղում կրակոցներ են հնչել, մեկ ոստիկան է սպանվել, եւս մեկը վիրավոր է: Նալբանդյան գյուղի 41-ամյա բնակիչ Մանուկ Մարգարյանը, որը կասկածվում է ոստիկանին սպանելու եւ մյուսին վիրավորելու մեջ, որոնվում է: Ոստիկանությունից հայտնումեն, որ նա զինված է:

Ըստ նախնական տվյալների՝ շուրջ մեկ ժամ առաջ, նշված անձին վնասազերծելու ընթացքում նա կրակոցներ է արձակել ոստիկանության ծառայողների ուղղությամբ։

Սեպտեմբերի 7-ին ՀՀ Սահմանադրական դատարանի նախագահ Արման Դիլանյանի հրավերով պաշտոնական այցով Երևան է ժամանել Իրաքի Հանրապետության Դաշնային գերագույն դատարանի նախագահ Ջասիմ Մուհամմադ Աբուդի գլխավորած պատվիրակությունը։

Սեպտեմբերի 10-ին Հայաստան կայցելի Հունգարիայի արտաքին գործերի և առևտրի նախարար Պետեր Սիյարտոն։ Կկայանա հանդիպում ՀՀ ԱԳ նախարար Արարատ Միրզոյանի հետ։ Պետեր Սիյարտոն «Երևանյան երկխոսություն» միջոցառման շրջանակներում նաև կմասնակցի «Փոխկապվածության աշխարհաքաղաքականություն. մրցակցությունից համագործակցություն» խորագրով պանելային քննարկմանը։

Ռուս-ուկրաինական ռազմաճակատում իրավիճակն անփոփոխ է: Մոսկվան Դոնբասում և Զապորոժիեյում նոր տարածքներ վերահսկելու մասին է հայտնում: Կիևը նոր՝ իրանական զենքերի անուններ է տալիս, որոնցով Ռուսաստանի բանակը ռմբակոծում է Ուկրաինայի բնակավայրերը և Արևմուտքից ավելի մեծ հեռահարությամբ զենքեր է խնդրում, ցանկալի է մինչև Կրեմլ հասնող:

Ինչպես հայտնում է ֆոտոլրագրող Գագիկ Շամշյանը, ոստիկանության Կենտրոնական բաժնի քրեական հետախուզության բաժանմունքի ծառայողների կողմից կատարված հեռախոսազանգի ընթացքում Գագիկ Ե․-ն հրաժարվել է ներկայանալ ոստիկանության Կենտրոնական բաժին և հաղորդում ներկայացնել: 

Նոր ուսումնականի շեմին՝ նոր «սև» ցուցակներ են հանվել գզրոցներից: Բուհերում պայմանագրերը չեն երկարաձգվում փորձառու և հեղինակավոր դասախոսների հետ: Քաղաքական են որոշումները՝ կարծում են այսօր կրթելու հնարավորությունից զրկված վաստակաշատ մասնագետները:

ՈւԵՖԱ Ազգերի լիգայի խաղարկության շրջանակում Երևանի Վազգեն Սարգսյանի անվան «Հանրապետական» մարզադաշտում Հայաստան-Լատվիա հանդիպումն ավարտվեց Հայաստանի հավաքականի հաղթանակով՝ 4-1 հաշվով։ Առաջին խաղակեսն ավարտվեց 2։1 հաշվով՝ Հայաստանի հավաքականի առավելությամբ ։ Առաջին գոլի հեղինակն է Վահան Բիչախչյանը։ Երկրորդ գոլը Հայաստանի օգտին գրանցվեց Լատվիայի հավաքականի պաշտպանի ինքնագոլից հետո։ Երկրորդ խաղակեսում Հայաստանի հավաքականը խփեց իր 3-րդ գոլը։ Այս անգամ լատվիացիների դարպաս գնդակն ուղարկեց Լուկաս Սելարայանը: Էդուարդ Սպերցյանը 4-րդ գնդակն ուղարկեց լատվիացիների դարպասը։

Սեպտեմբերի 7-ին, ժամը 12։21-ին Վայոց ձորի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Հերհերի ջրամբարի մոտակայքում տեղի է ունեցել ՃՏՊ՝ բախվել է երկու ավտոմեքենա, կա արգելափակված քաղաքացի․ անհրաժեշտ է փրկարարների օգնությունը: Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ: Պարզվել է, որ Երևան-Մեղրի ավտոճանապարհից Հերհեր գյուղ տանող ավտոճանապարհի 6-րդ կմ-ին բախվել է երկու «ՎԱԶ» մակնիշի ավտոմեքենա (վարորդներ՝ Վ․ Վ․, ծնված 1961 թ. և Գ․ Գ․, ծնված 1991 թ.)․ վարորդ Վ․ Վ․-ն մահացել է, իսկ մյուս վարորդ Գ․ Գ․-ն արգելափակվել է ավտոմեքենայում։ Երթևեկությունը երկկողմանի փակ է: Փրկարարները հոսանքազրկել են ավտոմեքենաները, փակել գազի բալոնների փականները, հատուկ տեխնիկայի օգնությամբ Գ․ Գ․-ին դուրս բերել ավտոմեքենայից,մոտեցրել շտապօգնությանը, Վ․ Վ․-ի դին դուրս են բերել ավտոմեքենայից ու մոտեցրել դի տեղափոխող ավտոմեքենային, այնուհետև դուրս բերել ավտոմեքենաները ճանապարհի երթևեկելի հատվածից և կատարել ավտոճանապարհի լվացման աշխատանքներ․ երթևեկությունը երկկողմանի վերականգնվել է: Տուժած Գ․ Գ․-ն հոսպիտալացվել է բժշկական կենտրոն, որտեղ բժիշկները նրա առողջական վիճակը գնահատել են կայուն ծանր։

Սեպտեմբերի 7-ին, ժամը 16։33-ին Լոռու մարզային փրկարարական վարչության ճգնաժամային կառավարման կենտրոն տեղեկություն է ստացվել, որ Հարթագյուղ գյուղի «Սուրբ Հովհաննես» կոչվող մատուռի մոտակայքում՝ սարալանջին, քաղաքացին ընկել և վնասել է ոտքը․ անհրաժեշտ է փրկարարների օգնությունը։ Այս մասին հաղորդում են ՆԳՆ-ից: Տեղում հերթապահություն իրականացնող փրկարարներն Ա․ Ա․-ին (ծնված 1958 թ․) մոտ 100 մ պատգարակով և մոտ 2 կմ ամենագնացով իջեցրել են սարալանջից և մոտեցրել շտապօգնության ավտոմեքենային։

ՀՀ-ում Նիդերլանդների Թագավորության նորանշանակ դեսպան Մարիկե Հարիետ Մոնրո-Վինտերին սեպտեմբերի 6-ին այցելեց Հայոց ցեղասպանության հուշահամալիր, հայտնում են Հայոց Ցեղասպանության թանգարան-ինստիտուտից։

Սպանություն և սպանության փորձ կատարելու կասկածանքով որոնվում է Արմավիրի մարզի Նալբանդյան գյուղի 41-ամյա բնակիչ Մանուկ Մարգարյանը։ Այս մասին հայտնում են ՆԳՆ ոստիկանությունից։ Ուշադրություն․ ըստ տեղեկությունների՝ նա զինված է։ Նրա գտնվելու վայրի վերաբերյալ տեղեկություններ ունենալու դեպքում խնդրում ենք անմիջապես զանգահարել ՆԳՆ ոստիկանություն՝ 1-02 հեռախոսահամարին։ Ավելի վաղ հայտնել էինք, որ Արմավիրի մարզի Նալբանդյան համայնքի բնակիչներից մեկը զինված է։ Ըստ նախնական տվյալների՝ շուրջ մեկ ժամ առաջ, նշված անձին վնասազերծելու ընթացքում նա կրակոցներ է արձակել ոստիկանության ծառայողների ուղղությամբ։ Ոստիկանության մեկ ծառայող զոհվել է, մյուս ծառայողը տեղափոխվել է բժշկական կենտրոն։

Հայաստանը Թուրքիային է փոխանցել Անիի կամրջի վերականգնման իր տարբերակը։ Այս մասին Sputnik Արմենիայի հարցմանն ի պատասխան հայտնել են Հայաստանի արտաքին գործերի նախարարությունից։ «Հայաստանը Թուրքիային է փոխանցել պատմական Անիի կամրջի վերականգնման աշխատանքների իրականացման վերաբերյալ արձանագրության նախագծի` Հայաստանի խմբագրությամբ տարբերակը»,– ասված է հարցման պատասխանում։ Ի դեպ, Թուրքիան Հայաստանին էր փոխանցել կամրջի վերականգնման իր տարբերակը 2024 թվականի փետրվարին։ Հիշեցնենք՝ ՀՀ ԱԳ նախարար Արարատ Միրզոյանը 2023թ.փետրվարի 15-ին Անկարայում կայացած համատեղ մամուլի ասուլիսի ժամանակ հայտարարել էր, որ Հայաստանն ու Թուրքիան կվերանորոգեն Անիի սահմանային կամուրջը։

Նալբանդյան գյուղում շուրջ մեկ ժամ առաջ, զինված բնակչին վնասազերծելու ընթացքում վերջինս կրակոցներ է արձակել ոստիկանության ծառայողների ուղղությամբ։ Այս մասին հայտնում են ՀՀ ՆԳՆ-ից: «Ոստիկանության Արմավիրի բաժնում տեղեկություններ են ստացվել, որ Արմավիրի մարզի Նալբանդյան համայնքի բնակիչներից մեկը զինված է։ Ըստ նախնական տվյալների՝ շուրջ մեկ ժամ առաջ, նշված անձին վնասազերծելու ընթացքում նա կրակոցներ է արձակել ոստիկանության ծառայողների ուղղությամբ։ Ոստիկանության մեկ ծառայող զոհվել է, մյուս ծառայողը տեղափոխվել է բժշկական կենտրոն։ Կտրվի լրացուցիչ տեղեկատվություն»,-ասվում է հաղորդագրութունում։ Ավելի վաղ հայտնել էինք, որ Նալբանդյան գյուղում կրակոցներ են հնչել, մեկ ոստիկան է սպանվել, եւս մեկը վիրավոր է: