Լրահոս

2024-04-13
  • Img default alt hy
    Աշխարհ
    «Ռուսական զորքերը մարտավարական հաջողության են հասնում»․ Ուկրաինական բանակի գլխավոր հրամանատար Սիրսկի
    «Ռուսական զորքերը մարտավարական հաջողության են հասնում»,- «Страна.ua»-ի փոխանցմամբ՝ հայտարարել է Ուկրաինայի գլխավոր հրամանատար Ալեքսանդր Սիրսկին։ «Հակառակորդը ավելացնում է իր ուժերը՝ ներգրավելով զրահատեխնիկա, նոր ստորաբաժանումներ, ինչի արդյունքում պարբերաբար մարտավարական հաջողությունների է հասնում»,- ասել է Սիրսկին։ Ռուսական կողմն էլ, օրեր առաջ ամփոփելով ուկրաինական կողմի մարդկային ու նյութատեխնիկական կորուստները, հայտարարել էր, որ հունվարից այս կողմ Ուկրաինան 80 000 զինծառայող է կորցրել, 14 000 միավոր տարբեր սպառազինություններ, այդ թվում՝ 1 200 -ից ավելի տանկ ու այլ զրահատեխնիկա։ Ըստ ՌԴ ՊՆ-ի, ուկրաինական կողմը, ամռանը ձեռնարկած հակահարձակումը տապալելուց հետո, փորձում է ամրանալ առանձին ուղղություններում, սակայն արդյունքի չի հասնում․ ռուսական զինուժը արևմտյան ուղղությամբ շարունակում է ճնշել ու հետ մղել ուկրաինականին։
    19:45
    13.04.24
    Ավելին
  • Img default alt hy
    Իրավական
    Քերոբյանը ևս 2 ամիս կմնա տնային կալանքի տակ․ Փաստաբանը հայտնում է՝ գրավ վճարելու հնարավորություն չեն տվել
    Փաստաբան Տիգրան Եգորյանը գրել է․ «Վահան Քերոբյանի դեմ քրեական գործով իրադրությունը հետևյալն է․ Այդ գործով բոլոր մեղադրյալներն այսօրվա դրությամբ արդեն գտնվում են ազատության մեջ, մեծ մասն անցել են իրենց նախկին աշխատանքին, այդ թվում՝ Էկոնոմիկայի նախարարությունում։ Վահան Քերոբյանի նկատմամբ տնային կալանքը բոլոր հնարավոր սահմանափակումներով (նրան նույնիսկ չեն թույլատրում բժշկական ծառայություններ ստանալ) 12.04.2024թ․ ևս երկու ամսով երկարաձգվեց։ Պատճառաբանությունն ու հիմնավորումները առաջին հայացքից ժպիտ առաջացնող են, իսկ իրականում արդարադատության ոլորտում մասնավորապես՝ նախաքննություն, դատախազական հսկողություն և դատական վերահսկողություն ինստիտուտները շարունակում են գտնվել ճգնաժամի վիճակում և բավական ցածր մակարդակի անալիտիկ կարողություններով և հետսովետական ռեպրեսիվ մեխանիզմներից մեծապես կախվածության մեջ։ Ըստ երկարաձգման միջնորդության և դատարանի որոշման՝ հաշվի չեն առնվել մեր ներկայացրած հիմնավորումները, Վ․Քերոբյանի անձնական և ընտանեկան դրությունն ու հանգամանքները։ Անտեսվեցին ՀՀ ում և միջազգային շրջանակում ճանաչված և հեղինակավոր 45 գործիչների անձնական երաշխավորությունները, ինչպես նաև գրավի կիրառման հնարավորությունը։ Ըստ պաշտոնական դիրքորոշման՝ վարույթ իրականացնող մարմնին անհրաժեշտ է Վ․Քերոբյանին ևս երկու ամսով կալանքի տակ պահել, քանի որ նրանք պետք է դեռ բազմաթիվ թղթեր ուսումնասիրեն իրենց գրասենյակներում և մի երկու հոգու էլ հարցաքննեն։ Անկեղծորեն ցավում եմ այս մտավոր «մթության» մեջ գտնովող բոլորի համար։ Իսկ իրական պատճառները բոլորովին այլ են, դրանց մասին խոսել ենք և դեռ կխոսենք»։
    19:30
    13.04.24
    Ավելին
  • Img default alt hy
    Միջազգային
    Իսրայելն Իրանին սպառնացել է, որ իրավիճակի սրացումը հետևանքներ կունենա
    Իսրայելի բանակի պաշտոնական ներկայացուցիչ Դանիել Հագարին հայտարարել է, որ Իրանը պատասխանատվություն է կրելու հետագա էսկալացիայի գնալու որոշման համար և հավելել, որ իսրայելական բանակը պատրաստ է բոլոր սցենարներին: Այս մասին հայտնում է «ՌԻԱ Նովոստի»-ն՝ մեջբերելով իսրայելցի պաշտոնյայի տելեգրամյան հայտարարությունը: «Իրանը պատասխանատվություն է կրելու իրավիճակի հետագա սրման գնալու որոշման համար: Իսրայելի պաշտպանության բանակը պատրաստ է բոլոր սցենարներին և մեր դաշնակիցների հետ միասին անհրաժեշտ քայլեր կձեռնարկենք Իսրայելի ժողովրդին պաշտպանելու համար»,- ասել է Հագարին: Նրա խոսքով՝ Իսրայելը գտնվում է բարձր պատրաստվածության վիճակում և պատրաստ է պատասխանել։ Ավելի վաղ, The Wall Street Journal-ը հայտարարել էր, որ Իրանի պատասխան հարվածը կարող է տեղի ունենալ առաջիկա 24-48 ժամվա ընթացքում։ Հրատարակության տվյալներով՝ հրեական պետությունն, Իրանի հյուսիսից կամ հարավից ուղղակի հարձակման է պատրաստվում։ Միաժամանակ, ինչպես նշել է թերթը, Թեհրանը դեռ վերջնական որոշում չի կայացրել։ Իր հերթին, Axios պորտալը, հղում անելով աղբյուրներին, հայտնել է, որ Իսլամական Հանրապետության արտաքին գործերի նախարար Հոսեյն Ամիր Աբդոլլահյանն իր գերմանացի գործընկեր Աննալենա Բաերբոքին ասել է, որ Իրանը սահմանափակ կերպով կպատասխանի, որպեսզի չհրահրի լարվածության սրացում: Ապրիլի 1-ին Դամասկոսում Իրանի հյուպատոսարանը ենթարկվել էր հարձակման, որի մեջ Իրանը մեղադրել է Իսրայելին: Իսրայելը ո՛չ հերքել է, ո՛չ հաստատել հյուպատոսարանին հարվածելու մեղադրանքները: Հարձակման ժամանակ զոհվել է 13 մարդ, այդ թվում՝ ԻՀՊԿ-ի երկու բարձրաստիճան գեներալ։ Իրանի իշխանությունները խոստացել են պատասխան միջոցներ ձեռնարկել Իսրայելի դեմ։
    19:15
    13.04.24
    Ավելին
  • Img default alt hy
    Քաղաքական
    Դեսպան Լիլիթ Մակունցը հանդիպել է ԱՄՆ կոնգրեսական Ռոբերտ Ադերհոլթի հետ
    Ապրիլի 12-ին ԱՄՆ-ում ՀՀ դեսպան Լիլիթ Մակունցը հանդիպում է ունեցել ԱՄՆ կոնգրեսական Ռոբերտ Ադերհոլթի հետ (հանրապետական, Ալաբամա)։ Զրուցակիցները քննարկել են Հարավային Կովկասում անվտանգային մարտահրավերները, ՀՀ և Ադրբեջանի միջև խաղաղության գործընթացի հեռանկարները, առկա հումանիտար խնդիրները։
    19:00
    13.04.24
    Ավելին
  • Img default alt hy
    Աշխարհ
    ԱՄՆ-ն և Մեծ Բրիտանիան արգելել են ալյումինի, պղնձի և նիկելի ներկրումը Ռուսաստանից
    Միացյալ Նահանգների և Մեծ Բրիտանիայի կառավարությունները փոխադարձ համաձայնությամբ արգելել են ալյումինի, պղնձի և նիկելի ներկրումը Ռուսաստանից։ «Արմենպրես»-ի հաղորդմամբ՝ այդ մասին տեղեկացնում է «Ինտերֆաքս»-ը։ Գործակալությունը ներկայացնելով ԱՄՆ ֆինանսների նախարարության հայտարարությունը՝ հայտնում է, որ Միացյալ Նահանգները և Մեծ Բրիտանիան փոխհամաձայնությամբ սահմանել են միջոցառումների երկու շարք, որոնք ուղղված են ալյումինի, պղնձի և նիկելի արտահանումից Ռուսաստանի եկամուտների կրճատմանը։ «Դրանք նաև սահմանափակում են Ռուսաստանից ալյումինի, պղնձի և նիկելի օգտագործումը մետաղների համաշխարհային բորսաներում և ածանցյալ գործիքների առևտրում»,- նշված է ԱՄՆ ֆիննախի հաղորդագրությունում։ Ամերիկյան նախարարությունը մանրամասնել է, որ Վաշինգտոնի և Լոնդոնի նախաձեռնության արդյունքում մետաղների այնպիսի բորսաների, ինչպիսիք են London Metal Exchange-ը (LME) և Chicago Mercantile Exchange-ը (CME), կարգելվի ալյումինի, պղնձի և նիկելի նոր խմբաքանակներ ընդունել Ռուսաստանից։ Սահմանափակումները կկիրառվեն 2024 թվականի ապրիլի 13-ից հետո արտադրված մետաղների նկատմամբ։ Միաժամանակ, նախարարությունը նշում է, որ որոշ դեպքերում բացառության կարգով կարող է թույլատրվել ալյումինի, պղնձի և նիկելի ներկրումը։ Մեծ Բրիտանիայի կառավարությունն արդեն հաստատել է, որ մասնակցում է այս նախաձեռնությանը։ «London Metal Exchange (LME) և Chicago Mercantile Exchange (CME) բորսաներն այլևս չեն իրականացնելու Ռուսաստանում արտադրված ալյումինի, պղնձի և նիկելի նոր խմբաքանակների առևտուր»,- նշված է բրիտանական կողմի հաղորդագրությունում։
    18:45
    13.04.24
    Ավելին
  • Հայլուր
    Հայլուր 18։30 Նոր մանրամասներ՝ «Ուրալի» ողբերգական վթարի հանգամանքների մասին. ի՞նչ կպատմի վարորդը
    Հայլուր 18։30 Նոր մանրամասներ՝ «Ուրալի» ողբերգական վթարի հանգամանքների մասին. ի՞նչ կպատմի վարորդը
    18:30
    13.04.24
    Ավելին
  • Img default alt hy
    Քաղաքական
    Փաստացի հրամանատարներից մնչև ԳՇ պետ պատասխանատու են. փորձագետը՝ 4 զինվորի կյանք խլած վթարի մասին
    «Տեսականորեն չեմ բացառում, որ վարորդն իր կամքից անկախ է դուրս եկել տարածքից. Կարող է Նախիջևանի սահմանի մոտ անցնելիս է եղել, կարող է դիպուկահար է վարորդի վրա կրակել, կարողաները շատ են»,- YerevanToday-ի հետ զրույցում, մեկնաբանելով 4 զինծառայողի կյանք խլած վթարը, ասաց ռազմական փորձագետ Հայկ Նահապետյանը: «Այս պահին չեմ ուզում որոշակի առումով հստակ բան ասել, քանի դեռ նախաքննություն է ընթանում և դեպքի հանգամանքներն ամբողջովին պարզված չեն, բայց սա ինքնին արտառոց դեպք է, քանի որ անձնակազմի տեղափոխումը բավականին պատասխանատու գործ է»,- նշեց Նա: Նահապետյանն արձանագրեց փաստը, որ դեպքը համընկել է Անվտանգության խորհրդի արտահերթ նիստի հետ՝ զուգահեռներ տանելով Ազատի զինվորական կացարանում 15 զինվորի կյանք խլած հրդեհի և վթարի միջև: «Կարող եմ ենթադրել, որ գուցե դեպքի հետ էր կապված նիստը: Եթե հիշում եք՝ այսպես կորված մի զորանոցում, որը զորանոց էլ չէր՝ տուն էր, 15 զինծառայող այրվեցին: Այն ժամանակ Փաշինյանը մի քանի ժամ անց կառավարության շենքում նստած պատմում էր, թե ինչպես է եղել: Ունեցանք 15 զինածառայողի կորուստ, բայց ԱԽ նիստ չհրավիրվեց, իսկ այստեղ հրավիրվել է: Եթե տեսականորեն նայենք, որ ԱԽ նիստը կապված էր այս դեպքի հետ, ապա սկզբունքորեն չեմ բացառում, որ կարող է հակառակորդի միջամտություն է եղել: Ուղղակի 15 զոհի ժամանակ ԱԽ նիստ չեղավ, իսկ 4 զոհի ժամանակ եղավ. տեսականորեն կարող եմ հետևություններ անել, որ մեքենան ընթացքից շեղվել է ոչ իր կամքից անկախ, եղել է արտաքին միջամտություն: Իհարկե սա ենթադրություն է, քանի որ փակ է եղել ԱԽ նիստը և չգիտեմ, թե ինչ է քննարկվել իրականում»,- ասաց Նահապետյանը՝ նշելով, որ ԱԽ նիստը կարող էր կապված լինել նաև պաղեստինաիսրայելական հակամարտության հետ, քանի որ Իրանն ասել էր, որ հրթիռակոծելու է Իսրայելը կամ ամերիկյան և իսրայելյան այն կետերը, որոնք առկա են այլ երկրներում, իսկ Իսրայելն Ադրբեջանում բավականին տարածված ռազմական ցանց ունի: Խոսելով պատասխանատուների մասին՝ փորձագետը նշեց, որ փաստացի հրամանատարներից մինչև ԶՈւ ԳՇ պետը կրում են պատասխանատվություն, որը պետք է բացահայտվի պատշաճ քննությամբ: «Փաստացի հրամանատար, գումարտակ, վաշտ և այլն, որոնք որ պատրաստել են, զորամասի հրամանատար, ավտոծառայություն, մարտական հերթապահության գծով հրամանատարի տեղակալ, ով պարտավոր է ստուգել այն մեքենանրեը, որոնք անձնակազմ են տեղափոխում: Հերթափոխների ժամանակ միշտ լինում էին ներկայացուցիչներ նաև բանակային կորպուսից, ովքեր կրկնակի անգամ ստուգում էին այդ գործի համար պատասխանատուներին՝ որքանով են պատրաստ, չլինեն ավելորդ իրեր, ինչքանով է անձնակազմը բարոյահոգեբանական վիճակով պաստրաստ՝ վերջիվերջո զենքերով սահման են գնում: Կա նաև բանակային կորպուսի հրամկազմի պատասխանատվության չափը և այդպես մինչև ԶՈւ ԳՇ պետ»,- հավելեց փորձագետը՝ հորդորելով սպասել պաշտոնական տեղեկություններին և քննության արդյունքներին, որպեսզի ավելի հստակ կարողանա մեկնաբանել դեպքը: Հիշեցնենք. Ապրիլի 12-ին ՀՀ ՊՆ N զորամասի զինծառայողներին տեղափոխող «Ուրալ» մակնիշի ավտոմեքենան դեռևս չպարզված հանգամանքներում դուրս է եկել ճանապարհի երթևեկելի հատվածից և հայտնվել հարակից ձորակի տարածքում, ինչի հետևանքով զոհվել է 4, վիրավորվել՝ 20 զինծառայող:
    18:15
    13.04.24
    Ավելին
  • Img default alt hy
    Քաղաքական
    Արմեն Ղազարյանն ընտրվել է CDCJ միգրացիայի հարցերով աշխատանքային խմբի անդամ
    ՆԳՆ միգրացիայի և քաղաքացիության ծառայության պետ Արմեն Ղազարյանն ընտրվել է Եվրոպայի խորհրդի իրավական համագործակցության եվրոպական կոմիտեի (CDCJ) միգրացիայի հարցերով աշխատանքային խմբի անդամ (CDCJ-MIG)։ CDCJ-ի բյուրոյի կողմից ձեռնարկված ընտրության գործընթացի արդյունքում, որը ապրիլի 2-ին գրավոր ընթացակարգով հաստատվել է CDCJ-ի կողմից, նոր աշխատանքային խումբը կազմող ութ փորձագետներից մեկն ընտրվել է ՀՀ ՆԳՆ միգրացիայի և քաղաքացիության ծառայության պետ Արմեն Ղազարյանը: Աշխատանքային խմբի առաջադրանքը քաղաքացիության կամ դրա որոշման ընթացակարգերում իրավաբանական օգնության և ներկայացուցչության, երեխաների համար տեղեկատվության և արդարադատության հասանելիության վերաբերյալ լավ փորձի ամփոփագրի պատրաստումն է (2024-2025 թթ.), ինչպես նաև քաղաքացիություն չունեցող երեխաների քաղաքացիության հասանելիության առնչությամբ ոչ պարտադիր իրավական գործիքի պատրաստման նպատակը: Բոլոր փորձագետներն ընտրվել են՝ հաշվի առնելով պրակտիկ փորձը և իրավունքի, քաղաքականության ու գործնական հատուկ գիտելիքները քաղաքացիության և քաղաքացիության հասանելիության ոլորտում՝ հատկապես երեխաների համար, ինչպես նաև աշխարհագրական և գենդերային հավասարակշռությունն ու լեզվական հմտությունները: CDCJ-MIG-ի առաջին հանդիպումը տեղի կունենա առցանց՝ 2024 թ․ մայիսի 2-րդ կեսին:
    18:00
    13.04.24
    Ավելին
  • Քաղաքական
    Զգույշ լայքիր Հայաստանում. քաղաքական վրեժխնդրություն՝ «ժողովրդավարության բաստիոնում»
    Իշխող ուժի ներկայացուցիչները պարբերաբար խոսում են Հայաստանում ժողովրդավարության կարևորության մասին, հպարտությամբ նշում իրենց բերած արժեքների բացառիկության մասին: Բայց արի ու տես, որ հենց ազգային ժողովրդավարական կառավարման վարկանիշում է անկում գրանցել Հայաստանը՝ ըստ Freedom House հեղինակավոր իրավապաշտպան կազմակերպության 2024 թվականի զեկույցի:
    17:55
    13.04.24
    Ավելին
  • Img default alt hy
    Հասարակական
    Երկրաշարժ՝ Երևանից 8 կմ հյուսիս-արևելք
    ՆԳՆ փրկարար ծառայությունից հայտնում են, որ ապրիլի 13-ին՝ տեղական ժամանակով ժամը 17:10-ին (Գրինվիչի ժամանակով ժամը 13։10-ին) ՀՀ ՆԳՆ Սեյսմիկ պաշտպանության տարածքային ծառայության սեյսմոլոգիական ցանցի կողմից գրանցվել է հյուսիսային լայնության 40.21⁰ և արևելյան երկայնության 44.61⁰ աշխարհագրական կոորդինատներով Հայաստան՝ Երևան քաղաքից 8 կմ հյուսիս-արևելք, օջախի 10 կմ խորությամբ, 1․9 մագնիտուդով երկրաշարժ: Էպիկենտրոնային գոտում ստորգետնյա ցնցման ուժգնությունը կազմել է 2-3 բալ: Երկրաշարժը զգացվել է Երևանում, Գառնի և Ձորաղբյուր գյուղերում՝ 2-3 բալ ուժգնությամբ։
    17:50
    13.04.24
    Ավելին
  • Img default alt hy
    Քաղաքական
    ԵՄ դիտորդները հեռադիտակները նետելու և փախնելու են սահմանային առաջին իսկ լուրջ միջադեպի ժամանակ․ Թևանյան
    «Մայր Հայաստան» դաշինքի ղեկավար Անդրանիկ Թևանյանը ֆեյսբուքյան իր էջում գրել է. «Հայաստան-Ռուսաստան կապի վերականգնման սուր անհրաժեշտությունը․ Փաշինյանը, Սահակաշվիլին, Զելենսկին՝ «ռասխոդնի մատերիալ» Փաշինյանն առաջարկում է թուրքական վեկտորը, քանզի միայն այդ դեպքում ինքն իշխելու (թեկուզև միայն Երևանի Կոնդ թաղամասում) կամ բարեհաջող փախնելու հնարավորություն կունենա։ Անվտանգային հարցերում «Ռուսաստա՞ն, թե՞ Արևմուտք» երկընտրանք չկա։ Քանզի Արևմուտքը չի կարող գետնի վրա անվտանգություն ապահովել։ Իրենք էլ են դա ազնվորեն հայտարարում, բայց մեր տնաբույծ «արևմտամետներն» ավանակի համառությամբ հակառակ բաներն են զռռում։ ԵՄ դիտորդները հեռադիտակները նետելու և փախնելու են սահմանային առաջին իսկ լուրջ միջադեպի ժամանակ։ Շտապ օգնության զրահապատ ավտոմեքենանե՞րն են բարձրանալու մեր լեռները, թե՞ ֆրանսիական ամենագնացներն են հասնելու առաջնագիծ։ Պարզ չէ՞, որ Արևմուտքի միակ խնդիրն այս տարածաշրջանից Ռուսաստանին հեռացնելն ու Իրանի շուրջ օղակը սեղմելն է։ Հայաստանի դեմ Արևմուտքը թշնամանք չունի, բայց Ռուսաստանի դեմ էքզիստենցիալ կռիվն իրեն չի կանգնեցնի, եթե պարզվի, որ այդ ճանապարհին Հայաստանը վերանալու է քարտեզի վրայից։ Հայաստանը Ուկրաինա չպետք է դառնա, որտեղ կռվում են Արևմուտքն ու Ռուսաստանը, բայց մեռնում են ուկրաինացիներն ու ավերակ դառնում ուկրաինական քաղաքները։ Ռուսաստանի հետ վստահելի, ռազմավարական ու փոխշահավետ հարաբերությունների հաստատումն է մեր անվտանգության կարևորագույն երաշխիքը։ Առաջնայինը, բնականաբար, հայկական մարտունակ բանակի ձևավորումն է, բայց մինչև այդ պետք է աշխատի դիվանագիտությունը, որը պետք է լուծի վերը նշված խնդիրը Ռուսաստանի հետ, ինչը չի նշանակում Արևմուտքի հետ վատ հարաբերություններ։ Օրվա իշխանությունների հանցավոր գործունեությունն այն է, որ խաբում են, թե, իբր, մենք արևմտյան անվտանգային հովանոցի այլընտրանք ունենք ու որպեսզի այդ այլընտրանքն աշխատի, պետք է թշնամանալ Ռուսաստանի հետ։ Սա մեծագույն բլեֆ է, քանզի արևմտյան հովանոցը մեր դեպքում թուրք–ադրբեջանական երախն է։ Արևմտյան երկրների ներկայացուցիչները Հայաստանին բարեկամաբար խորհուրդ են տալիս չսրել հարաբերությունները Ռուսաստանի հետ, բայց նիկոլենք Պապից ավելի կաթոլիկ լինելու բարդույթ ու ծրագիր ունեն։ Իրենք նետվում են Թուրքիայի գիրկը՝ Ղուկաս Ղուկասյանի էնտուզիազմով, Սահակաշվիլու համառությամբ և Զելենսկու խամաճիկային տարբերակով։ Օրվա իշխանությունը թշնամացնում է հայ–ռուսական հարաբերությունները, քանզի դա իր նեղ շահերից է բխում։ Հայաստանի ու հայ ժողովրդի շահերից բխում է Մոսկվայի հետ փոխվստահելի հարաբերությունների հաստատումը, Իրանի հետ ամուր կապերի ապահովումը, մեր երկիրը բախումների թատերաբեմ չդարձնելը։ Այսինչամետությունների պայքարը կեղծ է ու վտանգավոր։ Նիկոլ Փաշինյանի իշխանությունը հակահայկական է, հետևաբար՝ պիտանի չէ մեր խնդիրների լուծման համար։ Հայաստանը նոր առաջնորդության, նոր գաղափարների, նոր որակի կառավարման կարիք ունի։ Ու դա մենք՝ ՀՀ քաղաքացիներս պետք է ապահովենք՝ քաղաքական այլընտրանք առաջարկելով»։
    17:45
    13.04.24
    Ավելին
  • Img default alt hy
    Քաղաքական
    ՏԵՂԵԿԱՆՔ № 45՝ Նիկոլ Փաշինյանին ընտրածների համար
    Խոստում - Տնտեսության զուտ վիճակագրական աճերը, որոնք էական ոչինչ չեն փոխում մարդկանց կյանքում, մնում են որպես սովորական վիճակագրություն: Մինչդեռ մեզ հարկավոր է կիրառել տնտեսական զարգացման այնպիսի մոդել, որն իրապես կփոխի մարդկանց կյանքը, կդառնա գործազրկության կրճատման և աղքատության հաղթահարման իրական գործիք: 
    17:30
    13.04.24
    Ավելին
  • Img default alt hy
    Հասարակական
    «Այո՛, Ոսկեպարում «Stand up against evil» է` ստի ու չարի դեմ պայքար. Բագրատ Սրբազանը` Նիկոլ Փաշինյանին
    Այո՛, Ոսկեպարում «Stand up» է, եթե ոչ հայերեն բառակապակցությամբ ասեմ՝ «Stand up against evil» է՝ ստի ու չարի դեմ պայքար է, այս մասին լրագրողների հետ զրույցում ասաց Տավուշի թեմի առաջնորդ Տեր Բագրատ արքեպիսկոպոս Գալստանյանը՝ պատասխանելով վարչապետ Նիկոլ Փաշիյանին։ Նա ընդգծեց՝ Ոսկեպարում միշտ էլ պատարագներ լինում են․«Չեմ ուզում որևէ կերպ այդ հարցին անդրադառնալ, կարիք չկա և ցավում եմ, որ իրենք չգիտեն, որ սա մեր ծառայությունն է»։ Հիշեցնենք, որ Ազգային ժողովում իր եզրափակիչ ելույթի ընթացքում ՀՀ վարչապետ Նիկոլ Փաշինյանն անդրադարձել է Տավուշի վերաբերյալ հայտարարություններին և հոգևորականների այցերին՝ նշելով, որ «որոշ հոգևորականներ շոու-պատարագներ են անում Ոսկեպարում»։
    17:18
    13.04.24
    Ավելին
  • Img default alt hy
    Հասարակական
    Վանաձորում կարիճը 16-ամյա աղջկա է խայթել
    Վանաձորում կարիճի խայթոցի դեպք է գրանցվել: «Այսօր` ապրիլի 13-ին, ժամը 11:10-ին Վանաձորի բժշկական կենտրոն է ընդունվել 16-ամյա աղջիկ` կարիճի խայթոցով: Անհետաձգելի բուժօգնության բաժանմունքում ցուցաբերվել է առաջին անհրաժեշտ բուժօգնություն, կազմակերպվել են համապատասխան բոլոր հետազոտությունները: Վիճակը գնահատվում է բավարար: Հարազատների փոխանցմամբ` դեպքը տեղի է ունեցել իրենց սեփական տան մեջ, իսկ կարիճը թաքնված է եղել աղջնակի սպորտային կոշիկի մեջ: Մեկ անգամ ևս հիշեցնում ենք` կարիճի խայթոցի դեպքում անմիջապես դիմել մոտակա հիվանդանոց կամ զանգահարել շտապ բուժօգնություն»,-ասվում է «Վանաձոր» ԲԿ-ի տարածած հաղորդագրությունում:
    17:15
    13.04.24
    Ավելին
  • Հայաստան
    Հայաստանի տնտեսական աճը կապ չունի Հայաստանի հետ. դոլարներ ու եվրոներ՝ ինչի՞ դիմաց
    Հայաստանի կառավարությունը շարունակում է հպարտանալ այս շաբաթ էլ՝ 2023-ին գրանցված տնտեսական հրաշքով: 8 տոկոսանոց տնտեսական աճին, որը գրեթե չունի տեղական արտադրության բաղադրիչ, չեն հավատում տնտեսագետները:
    17:10
    13.04.24
    Ավելին
  • Img default alt hy
    Քաղաքական
    Սա է Նիկոլի ու նրա թիմակից «ասֆալտ» Սուրիկի պահած բանակը․ քաղաքագետ
    ՄԵկ օրում բանակում արձանագրվել է 2 ճանապարհատրանսպորտային պատահար, որի հետևանքով ունենք 4 զոհ և 22 վիրավոր...
    17:00
    13.04.24
    Ավելին
  • Img default alt hy
    Քաղաքական
    Փաշինյանի գլխավորությամբ քննարկվել են «Ակադեմիական քաղաք»-ի գլխավոր հատակագծին և տրանսպորտային ենթակառուցվածքներին վերաբերող հարցեր
    Հայաստանի Հանրապետության վարչապետ Նիկոլ Փաշինյանի գլխավորությամբ տեղի է ունեցել խորհրդակցություն, որի ընթացքում քննարկվել են «Ակադեմիական քաղաք»-ի գլխավոր հատակագծին և տրանսպորտային ենթակառուցվածքներին վերաբերող հարցեր: Խորհրդակցությանը մասնակցել են «Ակադեմիական քաղաք» հիմնադրամի հոգաբարձուների խորհրդի անդամները, Ակադեմիական քաղաքի գլխավոր հատակագիծը նախագծող gmp International GmbH Architects and Engineers ընկերության փոխտնօրեն Թոբիաս Քեյլը, պատասխանատու գերատեսչությունների ղեկավարներ: Ինչպես տեղեկանում ենք վարչապետի աշխատակազմի տարածած հաղորդագրությունից, Թոբիաս Քեյլը ներկայացնելով գլխավոր հատակագիծը, նշել է, որ հիմնական քաղաքներից հեշտությամբ՝ 2 ժամում, կարելի է հասնել Ակադեմիական քաղաք, քանի որ վայրի առումով տեղանքը բավականին լավն է՝ մոտ է և՛ օդանավակայանին, և՛ Հյուսիս-Հարավ մայրուղուն: Մանրամասներ են ներկայացվել համալսարանների տեղակայման, կացարանների, ճանապարհային ցանցի, լանդշաֆտի վերաբերյալ: Նրա խոսքով՝ նախագծի մշակման ընթացքում հաշվի է առնվել Թամանյանական նախագիծը՝ դրանով փորձելով կապ հաստատել Երևանի պատմության հետ: «Անցած անգամ մենք խոսում էինք «Հայֆիլմ»-ի հետ ինտեգրման մասին: Մենք ունեցել ենք չորս հաջողակ խմբեր, որոնք շատ հետաքրքիր նախագծեր են ներկայացրել, թե ինչպես կարելի է «Հայֆիլմ» ստուդիայի տարածքը վերակենդանացնել: Հուսով եմ, որ կկարողանանք այս գաղափարները բերել Հայաստան»,- հավելել է GMP միջազգային ընկերության փոխտնօրենը: Թոբիաս Քեյլն ընդգծել է, որ նախագծի շրջանակում ուսումնասիրվում է նաև կայունության թեման, որովհետև Ակադեմիական քաղաքն ապագայի համար է և այն պետք է կենտրոնացած լինի այնպիսի թեմաների վրա, որոնք վերաբերում են ոչ միայն այսօրվան, այլ նաև վաղվան: Վարչապետի խոսքով՝ քաղաքի կոնցեպտի հետ կապված մակրոհարցեր այլևս չկան և պետք է անդրադառնալ հայեցակարգային կետերին. «Տեսլականի առումով՝ մենք գործնականում պրոցեսի ամեն քայլը, ամեն շարժը տեսել ենք: Հարցեր ունեցել ենք, վերապահումներ չենք ունեցել: Իհարկե, սա այն է, ինչ մենք ուզում ենք»,- ասել է Նիկոլ Փաշինյանը: Խորհրդակցության ընթացքում քննարկվել է նաև տրանսպորտային և ճանապարհային ցանցի, տրանսպորտային այլընտրանքային միջոցների տեխնիկատնտեսական վերլուծության իրականացման ձևաչափի հարցը, անդրադարձ է կատարվել քաղաքաշինական զարգացման և գույքի կառավարման մոդելի մշակման ընթացակարգերի հետ կապված թեմային: Տրանսպորտային ենթակառուցվածքի զարգացման թեմայի հետ կապված՝ վարչապետն անդրադարձել է «Սասունցի Դավիթ» կայարանից երկաթուղով դեպի Ակադեմիական քաղաքի հատված կատարած շրջայցին: «Իմ տպավորությունն, անկեղծ ասեմ, այսօրվա գոնե առաջին հատվածից ես չէի սպասում, որ մենք հիմա կգնանք և կես ժամում կհասնենք այնտեղ»- նշել է Նիկոլ Փաշինյանը և հավելել, որ տրանսպորտային ենթակառուցվածքների ճշգրիտ մոդելավորման համար անհրաժեշտ է մոդելավորել այն միջին վիճակագրական մարդուն, ով մնալու է Ակադեմիական քաղաքում և ով ամեն օր գալու է և գնա: Հանդիպմանը քննարկվել է նաև այն աշխատանքների շրջանակը, որն արդեն իսկ կարելի է մեկնարկել: Նշվել է, որ Ակադեմիական քաղաքի գլխավոր հատակագծի հաստատումից հետո, հաջորդիվ կմեկնարկեն երկաթուղու և մշակութային հատվածի նախագծման աշխատանքները: Քննարկումների արդյունքում վարչապետը համապատասխան հանձնարարականներ է տվել պատասխանատուներին՝ նախագծի իրականացմանն առնչվող տարբեր հարցերի վերաբերյալ:
    16:40
    13.04.24
    Ավելին
  • Img default alt hy
    Հասարակական
    Երվանդ Քոչարի «Ընդվզումը»՝ Երևանի սրտում․ քաղաքապետարան (տեսանյութ)
    Երևանի կենտրոնի շենքերից մեկն այսուհետ կունենա նոր ու հետաքրքիր լուծում։ Այն կառանձնանա Քոչարի «Ընդվզում» գործի վերարտադրությամբ։ Նկարիչը իտալացի Ֆաբիո Մարիա Ֆեդելեն է։ Ինչպես հայտնում են Երևանի քաղաքապետարանից, նախաձեռնությունը նվիրված է հայ նկարիչ, քանդակագործ Երվանդ Քոչարի 125-ամյակին։ Նախագիծն իրականացվել է Երևանի քաղաքապետարանի աջակցությամբ։ Մանրամասները՝ տեսանյութում։
    16:20
    13.04.24
    Ավելին
  • Img default alt hy
    Հասարակական
    ՄԻՊ-ը Տավուշի մարզում հանդիպումներ է ունեցել սահմանամերձ բնակավայրերի բնակիչների և վարչական ղեկավարների հետ (լուսանկարներ)
    Մարդու իրավունքների պաշտպան Անահիտ Մանասյանն ու աշխատակազմի ներկայացուցիչներն ապրիլի 11-ին և 12-ին Տավուշի մարզում հանդիպումներ են ունեցել Մովսես, Ներքին Կարմիրաղբյուր, Բերքաբեր, Ոսկեպար, Ոսկեվան, Կիրանց բնակավայրերի բնակիչների և վարչական ղեկավարների հետ։
    16:00
    13.04.24
    Ավելին
  • Img default alt hy
    Միջազգային
    Զապորոժիեի ԱԷԿ-ի 4-րդ էներգաբլոկը տեղափոխվել է «սառը անջատման» վիճակի
    Զապորոժիե ԱԷԿ-ի 4-րդ էներգաբլոկի ռեակտորային սարքավորման տեղափոխումը «սառը անջատման» վիճակի անցել է առանց խնդիրների։ «Արմենպրես»-ի հաղորդմամբ՝ այդ մասին, հիմնվելով կայանի Telegram ալիքին, հայտնում է ՏԱՍՍ-ը։ «Այսօր ժամը 07:30-ին (Մոսկվայի ժամանակով – խմբ.) Զապորոժիե ԱԷԿ-ի 4-րդ էներգաբլոկը տեղափոխվել է «սառը անջատման» վիճակի։ Աշխատանքներն իրականացվել են նորմատիվային փաստաթղթերի պահանջներին համապատասխան։ Անվտանգ շահագործման պայմանների և սահմանների խախտում չի արձանագրվել»,- նշված է հաղորդագրությունում։ Նշվում է, որ արդյունաբերական հարթակում, սանիտարական պաշտպանության գոտում և դիտարկման գոտում ռադիացիոն ֆոնը չի փոխվել և գտնվում է բնական արժեքների սահմաններում։ Զապորոժիեի ԱԷԿ-ի բոլոր բլոկները փակված են 2022 թվականի սեպտեմբերից ։ Էներգաբլոկներից հինգը նախկինում գտնվում էին «սառը», իսկ մեկը՝ «տաք անջատման» վիճակում։ Ներկայումս բոլոր վեց բլոկները գտնվում են «սառը անջատման» վիճակում։ «Սառը անջատում»-ը ռեակտորի անվտանգ վիճակն է, երբ այն խլացված է ցածր ճնշման և հովացման ջրի ցածր ջերմաստիճանում։ Զապորոժիե ԱԷԿ-ը գտնվում է Էներգոդար քաղաքում և ներառում է վեց էներգաբլոկ՝ 6 ԳՎտ ընդհանուր հզորությամբ։ Սա Եվրոպայի ամենամեծ ատոմակայանն է։ 2022 թվականի փետրվարի վերջից այն գտնվում է ռուսական ուժերի վերահսկողության ներքո։
    15:45
    13.04.24
    Ավելին