Լրահոս

Հայաստանի սահմաններում Ադրբեջանական զինուժի սադրանքների ֆոնին մեր պաշտպանական գերչատեսչությունը պատրաստվում է պահեստազորի եռամսյա հավաք կազմակերպել: Սեպտեմբերից դեկտեմբեր մոտ 900 պահեստազորային կմասնակցի վարժանքներին, որոնց արդյունավետությանը այդքան էլ չի հավատում «Ողջ մնալու արվեստը» հասարակական կազմակերպության ղեկավար Վովա Վարդանովը:

Առաջիկայում Մոսկվայում սպասվող «բավականաչափ ծանր» բանակցությունների մասին են այսօր հայտարարել Հայաստանի խորհրդարանում: Անկախ պատգամավոր Նաիրա Զոհրաբյանը մտավախություն ունի, որ կրկնվի 44-օրյա պատերազմից առաջ ու հետոյի իրավիճակը, երբ որևէ մեկը ոչինչ չգիտեր տեղի ունեցող իրադարձությունների մասին: Նա առաջարկել է խորհրդարան հրավիրել Նիկոլ Փաշինյանին և քննարկել իրավիճակը:

Գեղարքունիքի սահմանամերձ դարձած գյուղերի բնակիչներն են ամբողջ գիշեր ոտքի վրա եղել: Ադրբեջանական հետախուզական ԱԹՍ-ները սահմանի այդ կողմից փորձել են մտել Հայաստանի օդային տարածք: Դրանցից մեկը խոցել է մեր ՀՕՊ-ը: Իսրայելական «ԱէՐՈ-Ստար» անօդաչուն, ըստ պաշտպանության նախարարության, ընկել է Վանևան գյուղից 3 ու կես կիլոմետր դեպի հյուսիս:

2021 թվականի խորհրդարանական ընտրություններում «պողպատե մանդատ» ստացած իշխանությունն անցել է մարդու հիմնարար իրավունքների ու ազատությունների, ազատ խոսքի՝ բառի բուն իմաստով «պողպատյա» արգելքներ սահմանելու անընդունելի ու անթույլատրելի պրակտիկային։ Իր լիազորություններն ավարտող խորհրդարանն աշխատանքային վերջին օրը հապճեպ փոփոխություններ կատարեց մի շարք օրենքներում, որոնց իմաստը պաշտոնյաներին ուղղված հայհոյանքի քրեականացումն ու դրա համար նախատեսված անբնական տուգանքների սահմանումն է:

Ավետիք Իշխանյանի խոսքով, այնպայմաններում երբ, ադրբեջանական զորքը Հայստանում է եւ ահաբեկու է ՀՀ քաղաքացիներին, խոսել կոմունիկացիաների մասին, ազգային անվտանգության դեմ ուղղված քայլ է: Իշխանյանը շեշտում է՝ հիմա Փաշինյանը պետք է Երեւանի, Սեւանի, Սյունիքի դեմ ուղղված Բաքվի նկրտումներին պատասխանի, փոխարենը, ողորմելի վիճակով խնդրում է կոմունիկացիաների ապաշրջափակման մասին:

Շիրակի մարզի Բանդիվան, Ամասիա և հարևան գյուղերից մոտ 70 մարդ է աշխատում պանրի գործարարնում, ֆերմաներում : Շուրջ 40 տեսակի կաթնամթերք է արտադրվում հայկական ավանդական ձևով: Բանդիվան կաթ ընկերությունը իր արտադրանքը մշտապես փորձաքննության է ենթարկում:

Գեղարքունիքի մարզում սիբիրախտի բռնկումից մոտ մեկ ու կես ամիս անց շարունակվում է անասունների անկումը: Տորֆավանում, որտեղից տարածվել էր վտանգավոր հիվանդությունը, հուլիսի 27-ի դրությամբ արդեն երեք տասնյակ կով է անկել: Գյուղ այցելած մեր թղթակիցներին գյուղապետարանից վստահեցրել են, որ վարակված անասունի կաթն ու միսը գյուղից դուրս չեն հանում, տեղում ոչնչացնում են սեփական միջոցներով: Էկոնոմիկայի նախարարությունից ոչ եկել են, ոչ էլ անգամ զանգել հետաքրքրվել, թե ինչպես է գյուղացին թաղում իր ապրուստի միջոցը:

Երևանի քաղաքապետի աշխատավարձը, անկախ Հայկ Մարությանի կամքից, բարձրացավ: Ավագանին ընդունել է իմքայլականների նախագիծը: Ավելանում է նաեւ փոխքաղաքապետերի ու վարչական կենտրոնների ղեկավարների աշխատավարձը անցնում 1 մլն դրամը: Ընդդիմադիր ավագանին անբարոյական է համարում, սահմանի սրացման ֆոնին, քաղաքապետարանի մոտ 2 հազար աշխատողի աշխատավարձի մինչև 125 տոկոս բարձրացումը:

Հայ դատի գրասենյակը՝ Բաքվին ապտակ է համարում՝ Ադրբեջանին ամերիկյան ռազմական եւ ռազմակրթական օժանդակությունը սահմանափակելու մասին Միացյալ Նահանգների ներկայացուցիչների պալատի ընդունած որոշումը: Կոնգրեսի հայկական խմբի համանախագահ Ֆրենկ Փալոնի հեղինակած նախագիծը ուժի մեջ կմտնի հաջորդ տարի:

Վերջին խորհրդարանական ընտրությունները չլուծեցին ճգնաժամը, որովհետեւ վերարտադրվեց այսօրվա իշխանությունը: Ներքաղաքական ճգնաժամը եւս հաղթահարված չէ, որովհետեւ խնդիրները լուծված չեն: Այս իշխանությունը վերարտադրվել է համատարած խախտումների պարագայում եւ ճգնաժամը չի կարող հաղթագհարվել, քանի դեռ մեր երկրի առեջււ կանգնած մարտահրավերները լուծված չեն: Չես կարող պետական պարտքն ավելացնելով աշխատավարձ տաս եւ հպարտանաս տնտեսության առաջընթացով: 42 տոկոսով այս իշխանությունը պետական կարտքն ավելացրել է: Ճգնաժամը խորանալու է:

Հայ-ադրբեջանի սահմանի սրացումների նպատակը պարզ է փորձագետների համար: Ադրբեջանը փոխհրաձգություն է հրահրում, որպեսզի Պուտինի ակնարկած ցավոտ լուծումները Երեւանի համար ցավալի լինեն, ոչ թե՝ Բաքվի: Քաղաքագետ Էդգար Էլբակյանը նկատում է, որ Բաքուն ավանդական միջոցին է վերադարձել՝ բանակցություններից առաջ կրակում է:

«Ադրբեջանի կողմից հայ գերիների քրեական հետապնդումը, Ժնևի 3-րդ կոնվենցիայի խախտում է»: Ասել է Human Rights Watch միջազգային իրավապաշտպան կազմակերպության ներկայացուցիչը, հիշեցրել, որ գերի ընկած զինվորներին, ըստ կոնվենցիայի, պետք է գերու կարգավիճակ տրվի և ռազմական գործողությունների ավարտից հետո վերադարձվի:

Եթե Գեղարքունիքի 6 համայնքների ուղղությամբ կրակոցները շարունակվեն, չի բացառվում, որ կախված իրավիճակից դպրոցներում ուսուցումը հեռավար դառնա: Գեղարքունիքի մարզպետի խոսքով, նման փորձ կա, բայց դասավանդման փոփոխության մասին կմտածեն, երբ սեպտեմբերը գա: ԿԳՄՍ նախարարի պաշտոնակատարը այսօր խոստացել է ամեն ինչ անել՝ սահմանամերձ մարզում անվտանգ կրթություն ապահովելու համար:

Գեղարքունիքում թշնամու կրակոցից երեկ և այսօր վիրավորված 6 զինվորից մեկի վիճակը շարունակում է ծայրահեղ ծանր մնալ: Հոսպիտալում կյանքի համար պայքարողը այն զինվորն է, որը սկզբում անհետ կորած էր համարվում: Երբ նրան գտել են, ձեռքին օղակը քաշած նռնակ է եղել: