Լրահոս

Թուրքիայում հրդեհների պատասխանատվությունը ստանձնած «Կրակի որդիներ» կազմակերպությունը հայտարարել է, որ այդ քայլին է դիմել, քանի որ իշխանությունը այլ լեզու չի հասկանում: «Քրդական աշխատավորական կուսակցության» հետ կապված կազմակերպությունը, որը Թուրքիայում որպես ահաբեկչական խմբավորում է ճանաչվել, ցանկանում է կրակի միջոցով ծնկի բերել թուրքական ռեժիմը: Նրանք կրակի 111 օջախ են առաջացրել: Թուրք փրկարարները 107-ն օջախ են՝՝ մեկուսացրել: Ըստ պաշտոնական տվյալների հրդեհներից 8 մարդ է մահացել:

Այն հարցին, թե ինչ տոմս կցանկանային շահել քաղաքացիները, եթե մասնակցեն վակցինացվածների համար կազմակերպվող խաղարկությանը, մի քանի քաղաքացի պատասխանել է, թե երկրից գնալու տոմս կուզեին:

8-րդ գումարման Ազգային ժողովի մեծամասնությունը՝ փակ-գաղտնի քվեարկությամբ, խորհրդարանի նախագահ ընտրեց Ալեն Սիմոնյանին: Միայն երկրորդ փորձից հետո հաջողվեց ընտրությունը: Առաջին քվեարկությունը չեղարկվել էր, որովհետեւ ընդդիմադիր թեկնածուներից մեկի անվան մեջ տառասխալ էր եղել: Խորհրդարանական ընդդիմություն «Հայաստան» և «Պատիվ ունեմ» դաշինքները Ազգային ժողովի նախագահի ընտրությունը հակասահմանադրական են ճանաչել ու բոյկոտել քվեարկությունը:

րդեհներ են նաեւ Հունաստանում եւ Իտալիայում: Իսկ Լիբանանում եւ Թայլանդում փողոցային բողոքներն են բոցավառվում: Թուրքիայից հյուսիս-արևմուտք՝ Հունաստանի երկինքն է շիկացած: 47 աստիճանի շոգը մեկ օրում 56 անտառային հրդեհի պատճառ է դարձել: Հունաստանի արևը մթնել է թանձր ծխից:Մոտակա գյուղերի բնակիչներին տարհանել են: Հռոդոս կղզին մնացել է առանց էլեկտրականության ու ջրի:

Նախագահ Արմեն Սարգսյանը հրամանագիր է ստորագրել Լիլիթ Մակունցին ԱՄՆ-ում ՀՀ դեսպան նշանակելու մասին։

Սահմանադրական դատարանը հակասահմանադրական է ճանաչել «Բարձագույն կրթության և գիտության մասին» օրենքը, որը նախագահ Արմեն Սարգսյանը հրաժարվել էր ստորագրել և ուղարկել էր ՍԴ՝ Սահմանադրությանը համապատասխանությունը որոշելու։

ՀՀ նախագահ Արմեն Սարգսյանի հրամանագրով Արշակ Կարապետյանը նշանակվել է ՀՀ պաշտպանության նախարար: Հրամանագիրը հրապարակվել է ՀՀ նախագահի պաշտոնական կայքում:

Վերաքննիչ դատարանում ընթանում է Գորիսի քաղաքապետ Առուշ Առուշանյանի խափանման միջոց կալանքի դեմ բողոքի քննությունը։

ԱԺ նախագահի քվերակությունն ԱԺ-ում դադարեցվել է։ Այս մասին հայտնեց Հաշվիչ հանձնախմբի նախագահ Նարեկ Բաբայանը։

Երևան քաղաքում՝ օգոստոսի 2-ին՝ կեսօրից հետո առանձին հատվածներում սպասվում է անձրև և ամպրոպ, ամպրոպի ժամանակ հնարավոր է քամու ուժգնացում 18-20 մ/վ արագությամբ: Oգոստոսի 3-7-ը սպասվում է առանց տեղումների եղանակ։

Հայաստան Դաշինքից պատգամավոր Գեղամ  Նազարյանը դավադրություն է տեսնում ԱԺ նախագահի պաշտոնում թույլ թեկնածու կարգելու  իշխանական ձգտումների  մեջ։ Այսօր՝ ԱԺ առաջին նիստին 44-օրյա պատերազմին զոհված զինվորի հայր, լրագրող Գեղամ Նազարյանը իր առաջին ելույթը ԱԺ նախագահի ընտրության վերաբերյալ հնչեցրեց՝  խոր մտահոգություն հայտնելով առ այն , որ իշխանություն ամեն ինչ անում է, որպեսզի  «Հայաստան» ու «Պատիվ ունեմ» դաշինքների կողմից  առաջադրած ԱԺ նախագահի երկու թեկնածուները՝ կալանավորված Մխիթար Զաքարյանն ու Արթուր Սարգսյանը չհավակնեն ԱԺ նախագահի պաշտոնին։

Սուրեն Պապիկյանը նշանակվեց Հայաստանի Հանրապետության փոխվարչապետ. մինչև այս նա զբաղեցնում էր ՀՀ տարածքային կառավարման և ենթակառուցվածքների նախարարի պաշտոնը։ Այս մասին տեղեկացնում են ՀՀ կառավարությունից։

Այն պահին, երբ Ազգային Ժողովի նիստը վարող Կնյազ Հասանովը հայտարարեց, թե  կներկայացվի  «Քաղաքացիական պայմանագիր» խմբակցության ԱԺ նախագահի  թեկնածու Ալեն Սիմոնյանին՝  «Հայաստան» և «Պատիվ ունեմ» դաշինքները լքեցին նիստի դահլիճը:

«Հայաստան» դաշինքի պատգամավոր Արամ Վարդևանյանը խորհրդարանում պարզաբանումներ և մեկնաբանություններ է ներկայացնում Ազգային Ժողովի 8-րդ գումարման նստաշրջանի առաջին օրվա կապակցությամբ:

Մեկ անգամ ևս ուշադիր ուսումնասիրեք Սահմանադրության 96֊րդ հոդվածի 1-ին մասը՝ դրանում միանշանակ ամրագրված է, որ խոսքը ոչ թե պատգամավորի լիազորությունների ժամկետում կատարված արարքի, այլ այդ ժամկետում հետապնդման կարգի մասին է. «Պատգամավորն իր լիազորությունների ժամկետում և դրանից հետո չի կարող հետապնդվել և պատասխանատվության ենթարկվել պատգամավորական գործունեության շրջանակներում հայտնած կարծիքի կամ քվեարկության համար»։

Բաքվի շրջանային դատարանն այսօր հայ ռազմագերիներ  Լյուդվիկ Մկրտչյանին և Ալյոշա Խոսրովյանին դատապարտել է 20 տարվա ազատազրկման։ 

97 կգ քաշային ըմբշամարտիկ Արթուր Ալեքսանյանը կիսաեզրափակչում 4-1 հաշվով հաղթեց իրանցի ըմբշամարտիկ Մոհամադհադի Սարավիին: