Լրահոս

Այսօր լրանում է Բեյրութի աղետալի պայթյունի մեկ տարին: 200 մարդու կյանք խլած, 300 հազարին անօթևան թողած ողբերգության մեղավորները մինչև հիմա բացահայտված չեն: Իրավապաշտպաների կարծիքով պատճառն այն է, որ քննիչները չեն կարողանում հարցաքննության կանչել անձեռնմխելիություն ունեցող բարձրաստիճան պաշտոնյաներին: Փոխարենը մեկ տարի է բողոքի կրքերից եռում են Բեյրութի փողոցները՝ կառավարության հրաժարականը պահանջելով:

Հայաստանի շուրջ իրավիճակի լարված լինելու մասին անընդհատ հայտարարություններ անող Նիկոլ Փաշինյանը ինչո՞ւ է երկրի պաշտպանության նախարար նշանակել Արշակ Կարապետյանին, որին հեռացրել են բանակից՝ 2016-ի ապրիլյան պատերազմից հետո: Կարապետյանն այդ ժամանակ հետախուզության վարչության պետն էր: Փորձագետների համար առնվազն տարօրինակ է այս նշանակումը: Չեն բացառում, որ Փաշինյանին հավատարիմ լինելու համար է Կարապետյանը արժանացել նախարարի պաշտոնին:

Հայաստանի նոր խորհրդարանում երրորդ օրն է նյարդերի պատերազմ է: Քպ-ական մեծամասնությանն ակնհայտ դուր չի գալիս Փաշինյանի ղեկավարման տարիների մասին ընդդիմադիրների սուր քննադատությունը: Ելույթները, հարց ու պատասխանները պարբերաբար ընդհատվում են լեզվակռիվներով:

Հայ վերլուծաբանները հորդորում են վերջ տալ Թուրքիայում բռնկված անտառային հրդեհների վերաբերյալ սոցիալական ցանցերի հայկական տարածքում անիմաստ հրճվանքին և պարզել արդյոք մեր պետությունը ձեռնարկում է կանխարգելիչ միջոցառումներ՝ հարևան պետությունից կրակի տարածումը դեպի Հայաստան կանխելու համար:

Նոր կառավարությունը ձևավորելիս, հավանաբար Նիկոլ Փաշինյանն առաջնորդվում է «Նորը՝ լավ մոռացված հինն է» սկզբունքով. ի թիվս այլ նախկինների (օրինակ՝ ՀՀ պաշտպանության նախարար Արշակ Կարապետյան) ՀՀ բարձր տեխնոլոգիական արդյունաբերության նախարարի պաշտոնում  նա առաջարկել է Վահագն Խաչատուրյանի թեկնածությունը:

 «Բագրատյանն ասում էր, թե պետք է ստեղծվի 44-օրյա պատերազմը քննող հանձնաժողով, որպեսզի պարզվի՝ ովքեր են մեղավորները: Պարո՛ն Բագատյան, դուք կամավոր կամ գուցե պարտադրանքով միացել եք այդ մեղավորների թվին»,-ասաց Մամիջանյանը:

Այսօր Ազգային ժողովի այս քննարկման ժամանակ քաղաքական մեծամասնության ներկայացուցիչները իրենց խոսքերում կոչ էին անում, որպեսզի երկխոսություն լինի, միասին աշխատենք, քննարկումներ կազմակերպենք և միգուցե տպավորություն ստեղծեն, որ այս թևում նստած են մարդիկ (ընդդիմադիր խմբակցությունները), որոնք կռիվ են ուզում և չեն ուզում որևէ բան երկրի համար անել։ Այս մասին այսօր Ազգային ժողովում իր ելույթի ժամանակ ասաց «Հայաստան» խմբակցության պատգամավոր Գեղամ Մանուկյանը։

Ծանոթացեք, սա Գևորգ Պապոյանն է. շատ մոդայիկ, ժամանակի շնչով շարժվող երիտասարդ, բնականաբար՝ մորուքով, դե հասկացաք՝ ՔՊ-ական է: Ավելի վաղ  արված նկարներում դարձյալ՝ Գևորգ Պապոյանն է, բայց դեռ հայտնի ՀՀԿ-ական: Ախր, շատ ոճային տղա է, էհ, քիչ մնաց «ստիլյագա» անվանեմ, բայց չգիտես ինչու մի  հին անեկդոտ հիշեցի, երբ Ռուսաստան գնացած հայ «խոպանչին» տեսնելով ռուս աղջնակին՝ զարմացած բացականչում է. «такая маленькая и уже Наташа»:

«Հիշեք, որ 2018-ից հետո ձեր վարած արկածախնդիր քաղաքականության պատճառով մեր տուն պատերազմ ենք բերել և այդ պատերազմի արդյունքում ունեցել ենք հազարավոր զոհեր, հարյուրավոր գերիներ, տասնյակհազարավոր փախստականներ, հերոս տղերք, որոնք այսօր թև ու ոտք չունեն, ունեն հոգեբանական լուրջ խնդիրներ։ Հիշեք,  որ մինչև 2018 թվականն ադրբեջանցիները Գորիս-Կապան ճանապարհի վրա կանգնած չէին և մարդկանց անասունները չէին գողանում»,- ընդգծեց Նազարյանը։

ԱԺ 8-րդ գումարման խորհրդարանը շարունակում է Ազգային Ժողովի փոխնախագահի ընդդիմության թեկնածուի ներկայացման հարցի քննարկումը: 

Նորանշանակ նախարարներին ներկայացնելու համար Նիկոլ Փաշինյանը կառավարական մի շենքից մյուսը շարունակում է գնալ աննախադեպ մեծ թվով անվտանգության աշխատակիցների ուղեկցությամբ: Փաշինյանի հետ նախարարությունների շենք է մտնում Գեղարքունիքի նախկին մարզպետ Գնել Սանոսյանը, որը նշանակվել է տարածքային կառավարման և ենթակառուցվածքների նախարար:

Նոր ԱԺ-ի նիստերը, կադրերը, որը տեսնում է մեր հասարակությունը հեռուստացույցով, իրականում մեր մեջ և մեր շուրջ կատարվող պատմական պրոցեսների մի չնչին տոկոսն են և իրականում չեն արտացոլում պրոցեսների խորությունը։

Վարանդայի (Ֆիզուլի) շրջանում այսօր տեղի ունեցած որոնողական աշխատանքների արդյունում հայտնաբերվել և տարհանվել է ևս մեկ հայ զինծառայողի աճյուն։

Նիկոլ Փաշինյանի կառավարության ամենաերիտասարդ պաշտոնյան արդարադատության արդեն նախկին նախարար Ռուստամ Բադասյանը նշանակվել է պետեկամուտների կոմիտեի նախագահ:

Ընդմիջումից հետո աշխատանքներն է շարունակում Հայաստանի 8-րդ գումարման Ազգային ժողովը,  այս պահին ընթանում է երրորդ փոխնախագահի թեկնածության ներկայացման  գործընթացը: Խորհրդարանի երրորդ փոխնախագահը, ըստ օրենքի, ընդդիմության ներկայացուցիչ պետք է լինի: Իշխան Սաղաթելյանի թեկնածությունն են առաջադրել «Հայաստան» և «Պատիվ ունեմ» դաշինքները:

Ֆրանսիայի նախագահ Էմանուել Մակրոնը հայերենով գրառում է կատարել ֆեյսբուքյան իր էջում։ «Հայերն անցնում են բազում փորձությունների միջով։ Բարեկամաբար և համերաշխությամբ դիմում եմ նրանց. Ֆրանսիան միշտ ձեր կողքին կլինի։ Համավարակին դիմակայելու համար, Ֆրանսիան պատրաստ է պատվաստանյութի 200,000 դեղաքանակ ուղարկել Երևան: Միասին մենք կհաղթահարենք համավարակը»,– գրել է Ֆրանսիայի նախագահը։

Օգոստոսի 4-ին, ժամը 11։00-ի սահմաններում, հայ-ադրբեջանական սահմանի Գեղարքունիքի հատվածում արձանագրվել է հակառակորդի ԱԹՍ-ի՝ ՀՀ օդային տարած մուտք գործելու փորձ։ ՀՀ ԶՈՒ հակաօդային պաշտպանության ստորաբաժանումների գործողությունների արդյունքում փորձը կասեցվել է։

Այս մասին տեղեկացնում են ՀՀ պաշտպանության նախարարությունից։