«Վեթինգ» չի լինի. Վենետիկի հանձնաժողովի արձանագրությունը

Դատական բլոկադա, սահմանադրական դատարանի ինքնահռչակ նախագահ, վեթինգ: Հայաստանն իրար խառնած իրավական այս պարադոքսների վերաբերյալ հստակ և բավականին կոշտ դիրքորոշում է հայտնել Վենետիկի հանձնաժողովը:
Այն հրապարկել է լիագումար նստաշրջանն ամփոփող փաստաթղթ, որտեղ նշում է, որ Եվրոպայից ժամանած պատվիրակության հետ հանդիպման ժամանակ Հայաստանի իշխանությունները համաձայնել են, որ գործող դատավորների համընդհանուր վեթինգը ո՜չ անհրաժեշտ է, ո՜չ օգտակար։

Սահմանադրական դատարանի շուրջ ստեղծված իրավիճակի մասին Վենետիկի հանձնաժողովի դիրքորոշումն այն է, որ ողջամիտ չէ բարձր դատարանի ՙդատավոր՚-ՙանդամ՚ բառախաղը։ Այն, ինչպես հիշում եք, քննարկման էր դրել իրեն սահմանդրական դատարանի նախագահ հռչակած Վահե Գրիգորյանը:

Հանձանաժողովը արձանագրությունում հիշեցրել է նաև, որ վարչապետի կոչով դատարանները արգելափակվեցին Ռոբերտ Քոչարյանին ազատ արձակելու դատարանի որոշումից հետո: Վենետիկի հանձնաժողովը՝ նկատելով, որ դատարանների հանդեպ կա վստահության պակաս, շեշտում է, որ բոլոր քայլերը պետք է լիովին համապատասխանեն Սահմանադրությանը և միջազգային չափանիշներին։