Լրահոս

Քրեական գործից վերը նշված մեղադրյալների վերաբերյալ անջատված գործով նախաքննությունն ավարտվել է: Քրեական գործը մեղադրական եզրակացությամբ հանձնվել է հսկողություն իրականացնող դատախազին` այն դատարան ուղարկելու միջնորդությամբ:

ԱԱԾ նախկին տնօրեն Արթուր Վանեցյանն իր թվիթերյան միկրոբլոգում գրել է․

Գեորգի Կուտոյանի մահվան բոթը մերկացրեց մեր երկրում բույն դրած վրեժխնդրությունը: Ով ում հասցրեց մեղադրեց ԱԱԾ նախկին տնօրենի մահվան համար: Ստատուսային անորակ գզվռտոց սկսվեց հիմա արդեն մի կողմում շատ սևացած, մյուս կողմում շատ սպիտակած մեր հասարակության ներսում: Հանրային խորհրդի մասին օրենքով քաղաքական չեզոքության պարտավորություն ունեցող մեր հանրային խորհրդի նորանշանակ նախագահը, որին նշանակելիս վարչապետն ասաց. ահա սա է վերջին շանսը որ խորհուրդը էֆեկտիվ դառնա, Կուտոյանի մահվան լուրից ժամեր անց գիտեր սևերն են, գիշերը թաքուն թիրախ են փոխել:

Հայաստանի մեկ ու կես տարեկան կառավարությունը սոցիալական ու տնտեսական խնդիրների լուծում պահանջող մեր հազարամյա ժողովրդին ամեն բողոքի ակցիայից հետո քաղաքակրթություն է բացատրում: Վերջին դեպքն այս շաբաթ եղավ: Կառավարության առաջ բողոքելու էին եկել մսավաճառները: Վարչապետ Փաշինյանը ակցիային միայն մի ստատուսով պատասխանեց նկատել էր, որ մսավաճառները հենց աղբամանի կողքին են հավաքվել, բայց հեռացել են՝ ակցիայի վայրը թողնելով ծխախոտի թափոնների տպավորիչ քանակի տակ:

Այս շաբաթ առողջապահության նախարարը գրպանից սև թուղթ հանեց հանրապետության 9 ծննդատան համար: Ու պայթեց մտահոգությունը մի՞թե հետ ենք գնալու հին խնդիրներին: Թորոսյանը ասաց, թե իր որոշումը վերջնական է, դրա դեմ պայքարելն անիմաստ: Համայնքները իհարկե բողոքեցին երբևէ հպարտ անվանված, հիմա ընկճված հուզված քաղաքացիների դուռը եկան մարզպետները ու ասացին՝ հանգստացեք: Նախարարն իհարկե որոշել է, նրա խոսքն էլ մեզ համար օրենք է, բայց գրություն չկա, քաղաքից թուղթ չի եկել:

Ճաք տվեց թագավորական ընտանիքը, հարսը՝ Մեգանը, ամուսնու՝ արքայազն Հարիի հետ դեպի Բուքինգհեմյան պալատի էքզիթ ելք է գնում ճոխ բայց հոգնեցնող թագավորական կյանքից հոգնած ու աղմկող գլուխը անկախության հովերին տալու:

Ուրբաթ իր բնակարանում հայտնաբերվեց ԱԱԾ նախկին տնօրեն՝ 38-ամյա Գեորգի Կուտոյանի մարմինը: Քունքին՝ հրազենային վնասվածք: Տան պատերին կրակոցների հետքեր, բնակարանում՝ գլոկ տեսակի ավստրիական ատրճանակ ու 4 տասնյակ պարկուճներ, գնադակներ: Ինքնապան է եղել կամ սպանվել է: Քննչական կոմիտեն դեռ հստակություն չի մտցրել: 

Ֆրանսիայի նախագահին ու նրա տիկնոջը շտապ տարհանել են Փարիզի թատրոնից: Արտակարգ դեպքը տեղի է ունեցել այն բանից հետո, երբ ցուցարարները հետնամուտքով ներխուժել են թատրոնի շենք: Արտակարգ իրարանցում է սկսվել նաև փողոցում, այն պահին, երբ բողոքավորները նկատել են Մակրոնի մեքենան:

Կեսօրին արտկարգ իրավիճակ էր Երևանի կենտրոնում: Մամուլի շենքում հրդեհ էր բռնկվել: Ներսում եղած քաղաքացիներին փրկարարները տարհանել էին: Հրդեհի հետևանքով տուժածներ չկան: Կրակը բռնկվել էր առաջին հարկում:

Եթե սպառողների համար գազը թանկանա, հնարավոր է կառավարությունը սուբսիդավորի տարբերությունը: Այսօր հայտարարել է Հանրային ծառայությունները կարգավորող հանձնաժողովի նախագահը: Ինչպես գիտեք, Գազպրոմ Արմենիան այժմ քննարկում է գազի գինը բարձրացնելու հնարավորությունը: Գարեգին Բաղրամյանը այսօր նշել է, որ դեռ չի կարող ասել, թե մեկ խորանարդ մետր գազը քանի՞ դրամով կթանկանա:

Գեորգի Կուտոյանի հոգեհանգիստը տեղի կունենա հունվարի 19-ին: Հուղարկավորությունը` երկուշաբթի հունվարի 20-ին:

Հնարավոր կոռուպցիոն գործարքի մասին է ահազանգում Արզնի թռչնաֆաբրիկայի փաստաբանը: Ընկերության վարձակալած հողակտորի մի հատվածը վաճառվել է ՀՔԾ գլխավոր քարտուղարին: Տարածքում շինարարություն է սկսվել: Թռնչաֆաբրիկան դիմել է դատարան ու շինթույլտվությունը կասեցվել է, սակայն շինության պատերը շարունակում են բարձրանալ:

Նախնական տվյալներով՝ 2020 թվականի հունվարի 17-ին, ժամը՝ 14:30-ին, ՀՀ ոստիկանության Երևան քաղաքի վարչության օպերատիվ կառավարման կենտրոն ահազանգ է ստացվել, որ Պարույր Սևակի փողոցի բնակարաններից մեկում հրազենով ինքնասպանություն է գործել Գեորգի Կուտոյանը: