Լրահոս

Արդյոք վարչապետ Փաշինյանը որոշել է հանել Սերժ Սարգսյանի կոստյումը: Շուտով հայտնի կլինեն Սահմանադրական փոփոխությունների հանձնաժողովի անդամների անունները: Խորհրդարանական ընդդիմադիր խմբակցություններից մեկակական անդամ է ընդգրկվել հանձնաժողովում: Իշխող «Իմ քայլը» դեռ անուններ չի տալիս: Բայց խմբակցության ղեկավարն այսօր ասել է ուշադրությունը սևեռելու են դատաիրավական համակարգի փոփոխությունների վրա: Ինչպես հիշում եք ՀԱԿ-ը անցյալ շաբաթ կոչ էր արել իշխանությանը, սահմանադրական փոփոխություններով վերականգնել կիսանախագահական մոդելը:

Այսօր 5-րդ ալիքի տաղավարներում տարբեր հասարակական գործիչներ ու լրագրողներ համոզմունք են հայտնել, որ մամուլն ու ազատ խոսքը ճնշելու բոլոր փորձերը, բոլոր ժամանակներում դատապարտված են տապալման:

Նոր ճգնաժամ է հասունանում Մուամմար Քադաֆիի մահից հետո երկիշխանությունից տառապող Լիբիայում: Իրավիճակն ավելի բարդացավ երբ անցած տարվա վերջին Թուրքիան սկսեց զորք ուղարկել երկիր: Բեռլինում կիրակի մեկնարկել է լիբիական ճգնաժամի հարցով միջազգային համաժողովը:

Մաքսային ծառայության մասին նոր օրենքով մեր հայրենակիցները, անկախ նրանից՝ Հայաստանի թե այլ երկրի քաղաքացի են, մշտական Հայաստան վերադառնալու դեպքում, կարող են առանց հարկերի իրենց հետ բերել անձնական իրերը: Նպատակը հայրենիք վերադարձողների համար խնդիրները քչացնելն է: Օրենքը ուժի մեջ կմտնի գարնանը:

Քննչական կոմիտեն նոր մանրամասներ է հայտնում ԱԱԾ նախկին տնօրենի մահվան վերաբերյալ: Կուտոյանի մարմնի արտաքին զննությամբ բռնության հետքեր չեն հայտնաբերվել: Այս պահին եղած տեղեկություններով քննչական կոմիտեն առավել արժանահավատ համարում է ինքնասպանության վարկածը: Նախկին բարձրաստիճան պաշտոնյայի մահը շարունակում է քաղաքական քննարկումների թեմա մնալ: Հատկապես բուռն քննարկվեց, թե ինչու երկրի առաջին դեմքը այդպես էլ չցավակցեց ԱԱԾ նախկին ղեկավարի մահվան կապակցությամբ:

Այսօր Վերաքննիչ դատարանը քննում էր 5-րդ ալիքի սեփականատիրոջ խափանման միջոց կալանքը փոխելու հարցը: Դատարանը որոշումը կհրապարակի վաղը: Թավադյանի փաստաբան Հովհաննես Խուդոյանը նիստից հետո լրագրողներին ասել է, որ Թավադյանին ազատ արձակելու իրենց բոլոր հիմնավորումները ներկայացրել են դատարանին և հույս ունեն խափանման միջոց կալանքը փոխվելու է: Դռնփակ նիստի ընթացքում դատարանի բակում հավաքվել են քաղաքական գործիչներ ու ակտիվիստներ՝՝ կոչ անելով ազատ արձակել Թավադյանին, չճնշել ազատ խոսքը:

Անասնապահներն ու մսավաճառները եկել էին կառավարություն բողոքելու մի որոշումից, որ պարտադիր է դարձնում մորթը՝ սպանդանոցներում կամ ինչպես իրենք են ասում «բոյնիներում» անելը: Նախորդ ցույցից հետո վարչապետի միակ արձագանքը եղավ ֆեյսբուքյան գրառումը տարածքում ծխախոտի մնացուկներ թափելու մասին: Այս անգամ դա էլ չեղավ: Ցուցարարները հեռացել են վաղը վերադառնալու, ու ճանապարհներ փակելու խոստումով:

Գազի թանկանալու վերաբերյալ շշուկները չեն դադարում: Ապրիլի մեկից հնարավոր է կապույտ վառելիքը թանկանա մեր բնակարաններում: Բայց իմքայլական պատգամավոր Բաբկեն Թունյանը կարծում է գազի գնի բարձրացումից շատ մեծ ողբերգություն սարքել չի կարելի: Այս հայտարարությունը բուռն քննարկումների թեմա է դարձել համացանցում: Փոխվարչապետը այսօր վստահեցրել է, որ գազը սահմանին առաջիկա մեկ տարում չի թանկանա: Բայց գազպրոմը կարող է հայտ ներկայացնել ներսում գինը թանկացնելու վերաբերյալ: Ի դեպ, ֆինանսների նախարարը չի բացառել, որ թանկանալու դեպքում կառավարությունը հնարավոր է սուբսիդավորի այն:

Ատելությունն ու ներքին թշնամանքը երկրին սպառնացող մեծ վտանգ է համարում ԱԱԾ նախկին տնօրեն Արթուր Վանեցյանը: Նա, ևս մեկ անգամ, սթափվելու և օր առաջ կանգ առնելու կոչ է արել զգուշացնելով ատելության կործանարար հետևանքների մասին:

Ավագանու Իմքայլական անդամը վստահեցնում է, որ 2020-ը լինելու է տրանսպորտային փոփոխությունների տարի:

«5-րդ ալիք» ՀԸ սեփականատեր Արմեն Թավադյանի նկատմամբ կալանավորումը որպես խափանման միջոց ընտրելու մասին դատարանի որոշման դեմ փաստաբանի վերաքննիչ բողոքի քննությունն ավարտվեց։ Դատական ակտը կհրապարակվի վաղը՝ ժամը 16։00-ին։

Օրերս ԱԺ «Իմ քայլը» խմբակցության պատգամավոր Հրաչյա Հակոբյանը  Ֆակտոր լրատվականի հետ զրույցում հայտարարել էր, որ ԱԱԾ նախկին տնօրեն Արթուր Վանեցյանը պետական հեղաշրջում է նախապատրաստել, որի համար էլ պաշտոնանկ է արվել․ «Պաշտոնանկության պատճառը ոչ թե քարոզչությունն է եղել, այլ պատրաստվում էին պետական հեղաշրջում անել, նաև այլ սուտ ինֆորմացիա տարածելով: Պաշտոնանկության պատճառը պետական հեղաշրջման փորձն է եղել, ոչ թե սուտ քարոզչություն անելը»,-ասել էր պատգամավորը:

Հանրապետության տարածքում՝ հունվարի 20-ի ցերեկն առանձին վայրերում սպասվում է թույլ ձյուն։ Հունվարի 21-22-ը, 23-ի գիշերը, 25-ի ցերեկը սպասվում է առանց տեղումների եղանակ, 23-ի երեկոյան ժամերին առանձին շրջաններում, 24-ին շրջանների զգալի մասում, 25-ի գիշերը Սյունիքում և Արցախում սպասվում է ձյուն:

Մարդու իրավունքների պաշտպանը, հաշվի առնելով նշված բողոքները, գրավոր հարցումներ է ուղարկել Կառավարություն, այդ թվում՝ Սննդամթերքի անվտանգության տեսչական մարմին։

«Վերնատուն» հասարակական–քաղաքական ակումբի հայտարարությունը՝ ԱԱԾ նախկին տնօրեն Գեորգի Կուտոյանի մահվան կապակցությամբ․