Լրահոս

Այս գիշեր Իրաքում 18 մարդ է մահացել հակակառավարական ցույցի մասնակիցների ու ոստիկանների ընդհարման ժամանակ: Քաղաքական պայքար դարձած ցույցերը սկսվել էին մետրոյի մուտքի գումարը կես դոլարից էլ քիչ ավելացնելու որոշումից:

Արման Բաբաջանյանն այսօր գլխավոր բանախոսն էր մի հանդիպման, որտեղ կոպտորեն խախտվել է խոսքի ու ԶԼՄ-ների ազատությունը: Կազմակերպիչը հայտնի Ստյոպա Սաֆարյանն էր, որ որոշել էր քննարկմանը մասնակցելու արգելք դնել այն լրատվամիջոցների համար, որոնց չի սիրում, այդ թվում՝ 5-րդ ալիքի: Իհարկե, հասկանում եք, որ մեր թղթակիցը առնվազն փորձել է հասկանալ «սև ցուցակ» կազմելու հիմնավորումը: 

Որ Հայաստանում աշխատողն ու գործատուն իրար ձեռք սեղմեն Եվրամիությունը մեզ համար նոր ուսուցման տարբերակ է առաջարկում. սովորել աշխատելով: Այսպիսով մերոնք հույս ունեն միանգամից 2 խնդիր լուծել: Օգնել կրթությանը կրճատելով գործազրկությունը:

Գիտության, կրթության, մշակույթի,մի խոսքով ամենաերկար անվանումն ունեցող խորհրդարանական հանձնաժողովի նախագահ Մխիթար Հայրապետյանը Ազգային ժողովում քննարկում է արել: Որոշել են, որ Նիկոլ Փաշինյանի հայտնի քայլող արձանը բավարար չէ,պետք է Երևանում տեղադրել քայլող մարդու արձանը: Երևի որպես խիստ հայկական պատասխան Ռոդենի մտածող մարդուն: Ընդհանրապես արձանների թեման մեր երկորւմ հավերժական է սիրո թեմայի պես: Հանարպետության երրորդ քաղաքը չգիտի՝ ինչպես արձագանքել Անդրանիկի՝ նոր տեղադրված արձանին:

Արդարադատության նախարարությունը ներդնում է նոր համակարգ՝ բացահայտելու ցանկացած գործունեության իրական սեփականատերերին: Կարծիք կա, որ սա արվում է՝ հետագայում հեշտացնելու համար ապօրինի գույքի բռնագանձման ձեզ հայտնի նախագիծը:

Սկանդալային Ստամբուլյան կոնվենցիայի դեմ ստորագրություն հավաքողները 104 օրում 50 հազար ստորագրություն ունեն: Իսկ մամուլը համառ շշուկներ է տարածում, որ Ազգային ժողովի նախագահը Իտալիա է մեկնել՝ բերելու մի քանի անջնջելի ստորոգրություն քաղաքական գործարքի տակ որ Հայաստանը վավերացնի Ստամբուլյան կոնվենցիան, իսկ Եվրոպան աչք փակի ՍԴ-ի ու Հրայր Թովմասյանի հետ հաշվեհարդարի վրա։ Ըստ Հրապարակի Արարատ Միրզոյանի խնդիրն է համոզել բոլորին, որ Ստամբուլայն կոնվենցիայի ճանապարահին միակ խոչընդոտը ց Հայաստանի բարձր դատարանի գործող կազմն է:

Այսօր կարծես ստցանք այն հարցի պատասխանը, թե ինչի՞ հաշվին հնարավոր կլինի իրականացնել նախարարությունների ու մարզպետարանների առաջին դեմքերի աշխատավարձերը բարձրացնելու Կառավարության գաղտնի որոշումը: Պետական ապարատում նոր կրճատումներ են սպասվում:

ՀՀ քննչական կոմիտեի ՀԿԳ քննության գլխավոր վարչության ընդհանուր բնույթի և ընտրական հանցագործությունների քննության վարչությունում Հրայր Թովմասյանի` ՀՀ արդարադատության նախարար պաշտոնավարման ժամանակահատվածում, ՀՀ արդարադատության նախարարության աշխատակազմի օրինականության վերահսկողության տեսչության պետի պաշտոնը զբաղեցրած Նորայր Փանոսյանի և ՀՀ ԱՆ ու Երևանի քաղաքապետարանի այլ պաշտոնատար անձանց կողմից իրենց պաշտոնեական լիազորությունները չարաշահելու դեպքերի առթիվ քննվող քրեական գործով նախաքննության ընթացքում ձեռնարկված մեծածավալ քննչական և դատավարական գործողությունների արդյունքում տվյալներ են ձեռք բերվել` առերևույթ կատարված հանցագործություններին Հրայր Թովմասյանի ուղղակի մասնակցության վերաբերյալ, հիմնավորվել է Բաղրամյան 1 փկղ. 14 շենքի թիվ 162 տարածքը Երևանի քաղաքապետարանի կողմից կազմակերպված աճուրդի արդյունքներով` փաստացի նրա կողմից ձեռք բերված լինելու հանգամանքը:

Բարձր տրամադրությամբ վարչապետին ելույթից հետո պատգամավորները հարցեր ուղղելու հնարավորություն չեն ունեցել: Սուր հարցադրումներին ստիպված է եղել պատասխանել ֆինանսների նախարար Ջանջուղազյանը, որը հաջորդ տարվա բյուջեն գրելիս չի թողել, որ կառավարությունը ռիսկային քայլեր անի: «Դե ուրեմն հետո այստեղ չգաք ասեք, թե փառահեղ եք աշխատել»,- նախարարին զգուշացրել է պատգամավորը:

Բողոքի գործողություններ սկսելու մասին է հայտարարել նաև Երևանի ավանագու նախկին անդամը: Նա Կառավարական ամառանոցը կրթամշակութային կենտրոնի վերածելու գաղափար ունի: Նպատակին հասնելու համար պատրաստվում է ավտոերթ ու բողոքի ցույցեր կազմակերպել, որպեսզի նախ բացվեն դարպասները ու քաղաքացիները տեսնեն, ինչ շինարարություն է այնտեղ տեղի ունենում պետության փողերով: Ինչպես գիտեք, կառավարությունը 2 միլիոն դոլար է տվել ամառանոցը վերանորոգելու համար, որտեղ այս պահին ապրում են Հայաստանի ղեկավարը, խորհրդարանի նախագահը:

Հայաստանի արտգործ նախարարը այսօր անդրադարձել է Բիբիսի-ին տված իր հարցազրույցին, որը մեծ աղմուկ էր բարձրացրել: Մասնավորապես, Արցախի վերաբերյալ արտասահմանցի լրագրողի աղճատված պնդումները Մնացականյանը չէր փորձել ժխտել: Զոհրաբ Մնացականյանը այսօր էլ խոսելով Արցախի մասին՝ հիշատակել է Մադրիդյան սկզբունքներից միայն երկուսը՝ Արցախի ժողովրդի ինքնորոշում և կարգավիճակ, չնշելով՝ երրրոդը տարածքային ամբողջականության սկզբունքը:

Երևանում տեղեկատվական համաշխարհային համաժողովին ծավալուն հոդվածով անդրադարձել է Ռոյթերսը: Գործակալությունը All.me սոցիալական հարթակը անվանել է ամենանորարարականը Հայաստանում:

ԱԱԾ տնօրենի պաշտոնակատարը տեղյակ չէ, որ Նաիրի Հունանյանի և անկախ պատգամավոր Արման Բաբաջանյանի հանդիպումը ձայնագրվել է: Նա տարակուսել է, երբ լրագրողները այդ մասին հայտնել են նրան այսօր խորհրդարանում: Էդուարդ Մարտիրոսյանն ասել է. մեջբերեմ, «Մենք Արման Բաբաջանյանին վստահում ենք, եթե հանդիպենք, ամբողջ իրականությունը կասի»: Բաբաջանյանը՝ Հունանյանի հետ հանդիպումից հետո՝ պետական ութ գործչի սպանած ահաբեկչին անվանել էր պայծառ մտքով մեկը: Քրեակատարողական հիմնարկի մամուլի պատասխաատու Նոնա Նավիկյանը այսօր հայտնել է, որ Հունանյանը 2010-ից հոգեմետ դեղեր է խմում և գտնվում է բժիշկների հսկողության տակ: «Իմ քայլական» պատգամավոր Սասուն Միքայելյանը Եռաբլուրում կոչ է արել հոկտեմբերի 27-ի գործով դատախազ Գագիկ Ջհանգիրյանին խոսել, ասել, թե ի՞նչ հայտարարություն էր ուզում անել տարիներ առաջ, որը կարող է նոր հանգամանքներ բացահայտել 20 տարի առաջ տեղի ունեցած ոճրագործության վերաբերյալ:

«Հայաստանում տնտեսական հեղափոխությունը կարելի է տեսնել անզեն աչքով»,- այսպես է խոսել Հայաստանի վարչապետը խորհրդարանում: Կառավարությունը այսօր պատգամավորների սեղանին է դրել 2020 թվականի բյուջեի նախագիծը, որը Փաշինյանի կաբինետն, ըստ էության, անվանել է պահպանողական բյուջե: Ճիշտ այսպես էին որակել երկրի գլխավոր ֆինանսական փաստաթուղթը Տիգրան Սարգսյանի կառավարությունը 2010-ին, Կարեն Կարապետյանի կաբինետը՝ 2017-ին: