Լրահոս

Վարչապետի աշխատակազմը նախատեսում է Կառավարական նոր ինքնաթիռ գնել: Այսօր վարչապետի աշխատակազմի ղեկավարը հայտարարել է, որ գործող օդանավը արդեն հնամաշ է ու տրանսատլանտիկ չվերթներ անել չի կարող: Սա այն դեպքում երբ արդեն մեծ աղմուկ էր բարձրացրել վարչապետի առանձնատան թանկարժեք վերանորոգումն ու 350 հազար դոլարանոց թռիչքը Ամերիկա:

Մեզ մոտ ևս օդերևութաբանները անձրևներ են խոստանում: Լավ լուր ռոմանտիկների համար: Այսօր հանրապետության մի քանի շրջաններում սպասվում է թույլ անձրև: Բարձրադիր շրջաններում ձյուն կգա: Ինչպես են մեր քաղաքացիները սպասում անձրևոտ նոյեմբերին և ինչ են խորհուդ տալիս գյուղատնտեսներին օդերևութաբանները

Հայ ազգը երբեք այնքան բզկտված չի եղել, որքան հիմա: Այս համոզմանն է Հանրային խորհրդի նախագահը: Վերջին աղմկոտ իրադարձությունների ֆոնին Վազգեն Մանուկյանը փորձել է համեմատել ինչ է կատարվում աշխարհում ու մեզ մոտ:

Անկախ պատգամավոր Արման Բաբաջանյանի թիրախում կարող են հայտնվել բոլոր նրանք, ովքեր սկզբունքային հարցերում համաձայն չեն իշխանությունների հետ անկախ հեղինակությունից ու անցած ճանապարհից: Այսպես հերթական հակահերոս են ուզում դարձնել Վազգեն Մանուկյանին: Հանրային խորհրդի նախագահին պահանջել էր պաշտոնանկ անել ինչ-որ մի դասալիք այդպես նրան անվանել էր Վազգեն Մանուկյանը:

Երկարատև լռությունից հետո այսօր 3-րդ նախագահ Սերժ Սարգսյանը պատասխանել է հարցին, թե արդյոք չի վախենում, որ երկրում ապօրինությունների շղթան կհասնի իրեն և իրեն էլ կձերբակալեն՝ նկատի առնելով, ամեն օր ավելացող քաղաքական հետապնդումները, ապօրինի ձերբակալությունները, ընդդիմադիր գործիչների և լրատվամիջոցների դեմ ագրեսիվ գործողությունները:

Հրայր Թովմասյանին հարցաքննելու համար ՀՔԾ–ն Սահմանադրական դատարանի թույլտվությունը ստանալու կարիք չունի։ Հատուկ քննչական ծառայությունը հարցաքննելու իրավունք ունի ցանկացած անձի։ Այս մասին Ազգային ժողովում լրագրողներին ասել է ՀՔԾ պետ Սասուն Խաչատրյանը: Խոսել նաև Ազգային ժողովի աշխատակազմի ղեկավարի նախկին տեղակալ Արսեն Բաբայանի կալանավորման, նրան հարազատների հետ տեսակցությունից զրկելու ու գործի քաղաքական լինել-չլինելու մասին:

Հենց Թուրքիայի հանրապետության օրը ԱՄՆ ներկայացուցիչների պալատի ընդունած Հայոց ցեղասպանությունը ճանաչող բանաձևին Թուրքիան շատ արագ է արձագանքել ու հայտնվել հիմար վիճակում: Այդ երկրի արտգործնախարարությունը շփոթելով բանաձևի անվանումը խիստ դատապարտել է հղիությունների արհեստական ընդհատման արգելքի մասին օրենքը: Իհարկե, սխալն արդեն ուղղել են, բայց բնօրինակը կայծակնային արագությամբ շարունակում է տարածվել համացանցում: Ի դեպ բանաձևին դեմ քվեարկածների մեծ մասը թուրքական հանձնախմբի անդամներն էին: Հայաստանի արտգործնախարարության գնահատմամբ, այս բանաձևը հզոր ուղերձ է ցեղասպանության ժխտման դեմ պայքարում: Քաղաքագետները բանաձևի ընդունումը կարևոր են համարում, բայց հիշեցնում են, որ վերջնական ճանաչման համար սա միայն մեկ քայլ է:

Նոր սկանդալ է հասունանում Արարատի մարզպետի շուրջ որն առանց այդ էլ դրանց պակասը չունի: Այգեզարդի համայնքապետի ու գյուղացիներից մեկի վեճը հասել է դատարան: Պատմության ամենաաբսուրդային մասն այն է, որ գյուղացին պնդում է, թե համայնքի ղեկավարը մի քանի անգամ ծեծել է իրեն, բայց քննիչները իրենից են պատասխան պահանջել: Իսկ մարզպետ Գարիկ Սարգսյանը իր մարզի բնակչի բողոքները լսել չի ուզու ինքը համայնքապետի կողմից է:

Լիբանանում վարչապետ Հարիրիի հրաժարականից ու դրան հաջորդած փողոցային տոնախմբություններից հետո, տնտեսագետները դժվարանում են հասկանալ 2 շաբաթ շարունակ փողոցներ փակելու օգուտն էր շատ թե վնասը: Երկրի տնտեսական հաղորդակցությունը կաթվածահար է: Աննախադեպ զանգվածային ցույցերի մասնակիցները, սակայն, տուն գնալու մտադրություն չունեն:

Սահմանադրական դատարանի ու հատկապես դրա նախագահի նկատմամբ ամիսներ շարունակ իշխանական ճնշումներից հետո Վենետիկի հանձնաժողովը վորջապես արձագանքել է: Հանձնաժողովի նախագահը ահազանգում է բարձր դատարանի նախագահը հայտնվել է հարվածների տակ: Ջիաննի Բուքիքիոյի ըստ էության բաց տեքստով քննադատությունը արդարադատության նախարարը ողջունում է, ու խոստանում ի գիտություն ընդունել: Դատական դեպարտամենտի ղեկավարը ավելի անկեղծ է խոսել: Մտահոգությունը անձնական կատեգորիա է: Ինքն էլ մտահոգություն ունի, բայց նախընտրում է չէ՞ իր մեջ պահել