Լրահոս

Ստորագրահավաքը կայանալու է նոյեմբերի 2-4֊ը (առաջիկա շաբաթ, կիրակի և երկուշաբթի օրերին)՝ ժամը 11:00-ից 21:00-ն, Հյուսիսային պողոտայի՝ Աբովյան փողոցին հարող մասում։

Երևան քաղաքում՝Հոկտեմբերի 31-ի ցերեկը, նոյեմբերի 1-ին, 3-5-ը սպասվում է առանց տեղումների եղանակ: Նոյեմբերի 2-ին ժամանակ առ ժամանակ սպասվում է անձրև։

 Երևանի կենդանաբանական այգու շուրջ վերջին օրերի իրադարձությունները, չհանգստացող կրքերն ու թափառող շների հարձակումները այգում պահվող կենդանիների վրա հաշվի առնելով, չբացառելով դրանում առկա մարդկային գործոնը, սակյան չխախտելով նաև անմեղության կանխավարկածը, որոշում եմ կայացրել դադարեցնել Երևանի կենդանաբանական այգու տնօրենի լիազորությունները:

ՄԻԱՎ-ով վարակված աղջնակի առեղծվածային պատմության հանգամանքներն է պարզում Հայաստանի քննչական կոմիտեն: Պաշտոնական տեղեկությունները բավականին ժլատ են: Հայտնի է միայն, որ Արաբկիր բժշկական կենտրոնում բուժվելու ժամանակ է հայտնաբերվել երեխայի վարակը: Ու, որ փոքրիկի ծնողները ՁԻԱՀ-ով հիվանդ չեն:

Երեւանի կենդանաբանական այգում դժբախտություն է եղել: Առավոտյան այգի ներխուժած շները հարձակվել ու խեղդամահ են արել երեք կենգուրուի: Կենդանաբանականից ասում են, նման դեպքերը անխուսափելի են՝ այգին ցանկապատ չունի:

Վանաձորի Հելսինկյան գրասենյակը ծավալուն զեկույց է հրապարակել Հայաստանում ռուսական ռազմաբազայի վերաբերյալ: «Ռուսական ռազմական ներկայությունը Հայաստանում եւ դրա ազդեցությունը մարդու իրավունքների վիճակի վրա» վերնագրով աշխատությունը փաստաթղթերի տրցակ է, որոնց մի մասը երկու պետության միջեւ կնքված պայմանագրերն են: Անդրադարձել են նաեւ ռուս զինծառայողների մասնակցությամբ դեպքերին:

Թուրքիայի վրդովմունքը չի դադարում: Միացյալ Նահանգների Ներկայացուցիչների պալատի կողմից՝ Հայոց ցեղասպանությունը ճանաչող բանաձեւի ընդունումից հետո ընդդիմադիր ճակատից սպառնում են ավելացնել թալեաթների թիվը՝ անգամ աղջիկներին այդպես կկոչեն: Թուրքիայում ԱՄՆ դեսպանին էլ արտգործնախարարությունում բացատրել են, որ Ներկայացուցիչների պալատի փաստաթութղը իրավական չէ, բայց այն կարող է վտանգել Թուրքիա-ԱՄՆ ռազմավարական գործընկերությանը:

Չնայած բազմաթիվ դժգոհություններին՝ Կառավարությունը որոշեց՝ Դիլիջանի, Բյուրեղավանի, Գյումրու և Ֆրիտյոֆ Նանսենի անվան գիշերօթիկները կլուծարվեն: Կառավարության նիստում նախագիծը ներկայացնող աշխատանքի եւ սոցիալական հարցերի նախարարը վստահեցրել է՝ սա հանուն երեխաների է արվում: Այդ հաստատություններում գիշերելու փոխարեն՝ երեխաները ծնողների հետ տանը կլինեն: Վարչապետն էլ նկատում է. այս նախագծով փորձում են երեխաներին ձերբազատել մանկատան սան դրոշմից:

Վարչական դատարանում այսօր հետաձգվել է Երևանի պաշտպանության ճակատի համակարգող Բաբկեն Հարությունյանի հայցադիմումի քննությունն ընդդեմ քաղաքապետարանի: Դատարանը քաղաքապետարանից փաստաթղթեր էր պահանջել, որ չեն ներկայացրել: Նույն կերպ քաղաքապետարանը Բաբկեն Հարությունյանին չի տրամադրել Սանիթեքի հետ կնքած պայմանագրի պատճենը, ինչի համար էլ գործը դատարան է հասել:

Ռոբերտ Քոչարյանի կալանավորված աջակիցների փաստաբանը հայտարարել է, որ Ստյոպա Սաֆարյանը սխալվում է՝ Նարեկ Մութաֆյանը չէր կարող նրա հեռախոսը գողանալ, քանի որ այդ օրը Մութաֆյանը Սաֆարյանի տան մոտ չի եղել: Ստյոպա Սաֆարյանը 2 օր առաջ էր գրառում արել ֆեյսբուքում՝ հանկարծակի հիշել, որ Մութաֆյանն է իր հեռախոսը գողացել:

Խաղաղ պայմաններում զոհված զինծառայողների մայրերի ու քննչական մարմինների ներկայացուցիչների հանդիպումը խորհրդարանում ավարտվել է միջադեպով: Ժամանակից շուտ ավարտված նիստից սեւազգեստ կանայք ակնհայտ դժգոհ են եղել: Նրանց բարկացրել է այն, որ քննիչների ներկայացրած փաստերը չեն համընկել իրենց ունեցած տեղեկությունների հետ, ինչն էլ լարել է մթնոլոտը ներսում: