Լրահոս

Ռոբերտ Քոչարյանի աջակիցները այսօր ակցիաներ են արել Եվրամիության հայաստանյան գրասենյակի և Բարձրագույն դատական խորհրդի շենքի դիմաց: Երկրորդ նախագահի աջակիցները դիմում են փոխանցել ԵՄ դեսպան Պյոտր Սվիտալսկիին: Նրանք պահանջում են, որ Եվրամիությունը՝ Քոչարյանի շուրջ կատարվողին համարժեք գնահատական տա:

Միանում եմ Արթուր Ղազինյանի դիրքորոշմանը՝ BBC-ի երեկվա հրապարակման կապակցությամբ առանց հապաղելու քրեական գործ հարուցելու անհրաժեշտության մասին։

Այժմ գտածոները պահվում են Շվեյցարական բանկում: Դրանք ներառում են Կաֆկայի օրագիրը՝ եբրայերենով, երեք տարբեր պատմվածքների սեւագրեր, հարյուրավոր անձնական նամակներ եւ այլն:

BBC ռուսական ծառայության կողմից երեկ հրապարակված նյութին լուրջ չեմ վերաբերվում հենց միայն այն պատճառով, որ այդպիսի բան նույնիսկ տեսականորեն չէր կարող լինել, հետևաբար, հարկ չեմ համարում անդրառնալ այս հոդվածում տեղ գտած ցնորամիտ դատողություններին, առավել ևս վերլուծել դրանք: Սակայն ինձ այս նյութի հետ կապված հետաքրքրում է մեկ այլ հանգամանք, որը հիմնված է հետևյալ նախադասության վրա, որն իր մեջ պարունակում է հանցակազմի հատկանիշներ:

Երևան քաղաքի ընդհանուր իրավասության դատարանի դատավոր Դավիթ Գրիգորյանի փաստաբաններ Գեորգի Մելիքյանը և Երվանդ Վարոսյանը Հայաստանի մարդու իրավունքների պաշտպանին հասցեագրել են բանավոր և գրավոր բողոքներ՝ կապված ՀՀ քրեական օրենսգրքի 314-րդ հոդվածի 1-ին մասով հարուցված քրեական գործով Դ.Գրիգորյանի աշխատասենյակում կատարված առգրավման և խուզարկության ընթացքում նրա իրավունքների երաշխավորման հետ:

Առողջական խնդիրների պատճառով 2019թ․ հունիսին Վանաձորի թիվ 24 մանկապարտեզից դուրս մնացած երեխան Հելսնիկյան քաղաքացիական ասամբլեայի Վանաձորի գրասենյակի իրավական աջակցության արդյունքում վերականգնվել է մանկապարտեզում։

20 տարի առաջ օգոստոսի 5-ին Ռուսաստանի առաջին նախագահ Բորիս Ելցինը Կրեմլ կանչեց՝ երկրի ներքին անվտանգության պատասխանատու Վլադիմիր Պուտինին, նրան առաջարկեց կառավարության ղեկավարի աստիճանը և խորհուրդ տվեց մտածել ավելի բարձր պաշտոնի մասին: Այդ օրվանից Պուտինը, արդեն մոտ քառորդ դար՝ գերտերության ղեկավարն է:  

Հայաստանում մոր եւ մանկան մահացության երեք դեպք է գրանցվել՝ մեկ շաբաթվա ընթացքում: Առողջապահության նախարարությունը, որը այս ընթացքում լուռ էր, միայն այսօր՝ օրվա երկրորդ կեսին է արձագանքել ողբերգություններին՝ այն էլ լրագրողների համառ պնդումների արդյունքում: Առողջապահության նախարարի խոսնակը հայտարարել է, թե աշխատանքային խումբ է ուղարկվել Վեդի՝ ծննդկանի մահվան հանգամանքները պարզելու: Նախարարությունից հայտնել են նաեւ, որ այս եւ Արեգունիից ծննդկանի մահվան հանգամանքներին կանդրադառնան, երբ դատաբժշկական փորձաքննությունը ավարտվի:

Երեւանում ջարդված ու գետնին տապալված ծառի հարվածից տուժած աղջկա վիճակը կայուն է: Նրա մայրը պատրաստվում է դիմել քաղաքապետարան՝ աղջկա բուժման համար փոխհատուցում ստանալու համար: Կարծում է, որ մեղավորը հենց քաղաքապետարանն է, որը անտերության է մատնել ճանապարհին աճող ծառերը: Դրանք՝ հարեւանությամբ գործող խանութների տերերն են ջրում, բայց որպեսզի ճյուղերը չորդնեն ու չփտեն՝ քաղաքապետարանը ոչ մի սրսկում չի անում:

Երկրորդ նախագահի պաշտպանական թիմը հայտարարել է, որ, ըստ էության, դատական համակարգը այսօր կաթվածահար վիճակում է: Ռոբերտ Քոչարյանը փաստացի զրկված է պաշտպանվելու իրավունքից:

«Պոբեդա» ավիաընկերության թռիչքների վերաբերյալ նոր շրջադարձ է: Պարզվում է՝ վառելիքի թերլիցքավորման հարցը ամենեւին էլ չի լուծվել: Ռուսաստանից՝ Շիրակ օդանավակայանից թերլիցքավորման խնդիրների վերացման երաշխիքներ են պահանջում: Մինչդեռ «Պոբեդայի» հայկական գրասենյակից հայտարարել էին, որ այդ հարցը լուծված է: 
 

Այն բանից հետո, երբ Նիկոլ Փաշինյանը իր խոսքով՝ գաղտնի զեկույցից մեջբերումներ արեց ու Հայաստանը ձախողված պետություն որակեց՝ նախկինները շարունակում են փնտրել, թե այդուհանդերձ ի՞նչ զեկույցի մասին է խոսքը: Արդարադատության նախկին նախարար Արփինե Հովհաննիսյանը, չգտնելով փաստաթուղթը՝ բաց նամակ է հրապարակել, որտեղ Նիկոլ Փաշինյանին բացատրել է, թե ինչ է նշանակում ձախողված պետություն տերմինը: Նա նաեւ հորդորել է, որ ԱԱԾ տնօրենը Նիկոլ Փաշինյանին բացատրի, որ պետական ու ծառայողական գաղտնիք հրապարակելը հանցագործություն է: 
Արթուր Վանեցյանը Արցախում էր հայտնել, որ ծանոթ չէ վարչապետի հայտնած գաղտնի փաստաթղթին՝ Փաշինյանի ուղիղ եթերից է դրա մասին իմացել:  

Մարդու իրավունքների եվրոպական դատարանը հաստատել է ՀՀ երկրորդ նախագահ Ռոբերտ Քոչարյանի գործի առնչությամբ Սահմանադրական դատարանի դիմումը ստանալու հանգամանքը:

Փաստաթղթերի կեղծման հատկանիշներով քրեական գործ է հարուցվել: