Լրահոս

Ռոբերտ Քոչարյանի աջակիցները՝ երկրորդ օրն է իրազեկման ակցիաներ են անում: Այսօրվա ակցիան սկսեցին Մարդու իրավունքների պաշտպանի գրասենյակից: Արման Թաթոյանին նամակ էին տարել դատական համակարգի ամենաթողության մասին պատմելու:

Երևանի ավագանին այսօր 2 միլիարդի չափ դրամ է տվել քաղաքապետարանին կից աղբահանության նորաստեղծ հիմնարկին՝ կտրելով այդ փողի մոտ կեսը նախակրթարանների նորոգման բյուջեից: Նախաձեռնությունը Ավագանիում անցկացրել են առանց քաղաքապետի. նա մրսած է: 
Քաղաքային իշխանությունն էլ է տեսնում կուտակվող աղբը: Օրինակ՝ փոխքաղաքապետի բակում հարևաններից մեկը աղբամանների կողքին շատ սիմվոլիկ՝  զուգարանակոնք է դրել:

 Սահմանամերձ Կոթիում լուծվել է մոտ 1600 մետր երկարությամբ արտաքին լուսավորության խնդիրը:

Մինչ մայրաքաղաքի գարշահոտ խնդրի առաջն առնելու համար ավագանին 91 միլիոն է պոկում նախակրթարանների վերանորոգման փողից՝ խորհրդարանում շռայլ՝ 5 միլիոն դրամ են տալիս, որ օրենսդիրը գորգ լվանա: Պարզվում է՝ հենց այդքան է խորհրդարանը ծախսել Վարդավառի օրը Բաղրամյան պողոտայում գորգ լվանալու, գորգերի ցուցադրության ու գորգագործության դասընթացներ անելու համար:
 

Բայց ո՞նց չհարցնես՝ ա՚յ հարգելի վարչապետ, ինչո՞վ է զբաղված կառավարության տնտեսական ու սոցիալական թևը, ին՞չ եղան օտարերկրյա ներդրողները, ու՞ր մնացին գործազրկությունը կրճատելու հավաստիացումները:

Նրան մեղադրանք է առաջադրվել ՀՀ քրեական օրենսգրքի 325 հոդվածի 1-ին մասի՝ իրավունք վերապահող կամ պատասխանատվությունից ազատող վկայական կամ պաշտոնական այլ փաստաթուղթ կեղծելը` կեղծողի կողմից անձամբ կամ այլ անձի կողմից դրանք օգտագործելու կամ իրացնելու նպատակով, կամ այդպիսի փաստաթուղթ իրացնելը, կամ նույն նպատակներով կեղծ կնիքներ, դրոշմներ, ձևաթղթեր, տրանսպորտային միջոցների հաշվառման համարանիշներ պատրաստելը, կամ իրացնելը, ինչպես նաև ակնհայտ կեղծ փաստաթուղթ օգտագործելը:

Հայաստանի Հանրապետության ազգային անվտանգության ծառայության աշխատակիցները ձեռնարկված լայնածավալ օպերատիվ-հետախուզական միջոցառումների և քննչական գործողությունների արդյունքում բացահայտել են առանձնապես խոշոր չափերով կաշառք ստանալու և տալու դեպքեր:

ԱԺ-ից մեզ տեղեկացնում են, որ Վարդավառի տոնի կապակցությամբ ՀՀ Ազգային ժողովի կողմից կազմակերպված միջոցառման ընթացքում ԱԺ պատգամավոր Հռիփսիմե Գրիգորյանի նախաձեռնությամբ տեղի են ունեցել գորգերի հանրայնացման միջոցառումներ՝ գորգերի լվացում, ցուցադրություն, գորգագործության դասընթացներ։

Ազգային ժողովում պատրաստվում են կառուցվածքային փոփոխությունների, և, որ դրանք հնարավորինս գաղտնի են պահվում աշխատակիցներից։

Մարտի 1֊ի գործը դեռ գարնանը ուղարկվել է դատարան, որտեղ ամբաստանյալի աթոռին նստած 4 հոգուց ոչ մեկին չի մեղսագրվում սպանություն կամ սպանություն հրաման տալու արարք։

Եռաբլուրում հերոսների շիրիմները պղծելու կասկածանքով՝ 51-ամյա մի կնոջ բռնել-բաց թողնելուց հետո՝ նույն ձեռագրով գերեզմանապղծություն է եղել՝  այս անգամ Կարմիր բլուրում: Ոստիկանությունը հայտնում է, որ մեկ մարդու բերման են ենթարկել ՝ չհստակեցնելով՝ արդյոք դա նույն կինն է, թե՞ ոչ:

Քոչարյանին ազատ արձակած դատավոր Դավիթ Գրիգորյանի աշխատասենյակի խուզարկության և գույքի առգրավման վերաբերյալ Հայաստանի մարդու իրավուքների պաշտպանը պարզաբանումներ կպահանջի Դատախազությունից, Հատուկ քննչական ծառայությունից և Բարձրագույն դատական խորհուրդից: Դատավորի փաստաբանները պնդումներ են ներկայացրել են այն մասին, որ քրեական վարույթի ընթացքում թույլ են տրվել Դավիթ Գրիգորյանի իրավունքների խախտումներ: ՄԻՊ-ը խոսելով դատավորի սենյակի խուզարկության մասին՝  3 անգամ շեշտում ՝ «վտանգավոր» բառը:

Մի խումբ հայաստանցի իրավագետներ ու քաղաքագետներ Հայաստանի դատախազությունից ու ՀՔԾ-ից պարզաբանումներ են պահանջում՝ BBC-ի սկանդալային հոդվածի վերաբերյալ: Ինչպե՞ս է օտարերկրյա լրատվամիջոցը «բացառիկ» մուտք ունեցել Մարտի 1-ի գործի նախաքննության նյութերին: Հայաստանի քաղաքագիտական շրջանակներում քննարկվում է նաեւ մի վարկած, ըստ որի՝ Մարտի 1-ի նախաքննության նյութերը արատասահմանյան լրատվամիջոցի ձեռքն են ընկել քաղաքական որոշման արդյունքում:

Քաղաքում աղբի խնդիրն այնքան է սրվել, որ փողոցներում ու բակերում ավելի հաճախ կարելի է հանդիպել աղբի խցանումների կան մեքենայի: Հենց Երևանի կենտրոնում՝ Մաշտոցի պողոտայի շենքերից մեկի բնակիչները որոշել են աղբի խնդիրը լուծել քաղաքապետարանին խնդրելով, որ փակի շենքի աղբատար խողովակը: Բայց ունքը սարքելու տեղը՝ աչքն է դուրս եկել:

Այսօր կառավարության նիստում Նիկոլ Փաշինյանը Քննչական կոմիտեի նախագահից հետաքրքրվել է Ամուլսարի գործով: Պետբյուջեից հսկայական գումար էր հատկացվել մի միջազգային փորձագիտական ընկերության հանքի շահագորշման դեպքում՝՝ շրջակա միջավայրի վրա ազդեցությունը գնահատելու համար: Նախօրեին Քննչական կոմիտեն ստացել է 341 էջանոց եզրակացությունը: