Լրահոս

Հացադուլ սկսելու հերթական սպառնալիքներն են հնչել իշխանություններին: Սանիթեք ընկերության աշխատակիցները երկրորդ օրն է բողոքի ակցիա են անում Երևանի քաղաքապետարանի դիմաց: Պահանջում են հանդիպում Հայկ Մարությանի հետ: Նրա փոխարեն մամուլի քարտուղարն է փորձում հանգստացնել բորբոքված քաղաքացիներին, որոնք պահնաջում են իրենց աշխատավարձը:

Առավոտյան տրակտորներով կառավարության շենքի դիմաց են եկել Արմավիրի մարզի Գետաշեն գյուղի բնակիչները: Գյուղի միակ ֆերման մոտ մեկ ամիս է չի ոռոգվում. բերքը չորացել է: Աշխատակիցները պնդում են, թե պայմանագրով իրենց հասանելի ջուրը ֆերմայից մի քանի կմ հեռու ՀԷԿ է գնում, այնտեղից էլ Արաքսով լցվում Թուրքիա:

Հարավ-կովկասյան երկաթուղու դեմ հարուցված քրեական գործերի պատճառով Հայաստանը կարող է զրկվել երկաթուղային կապից: Մտահոգության պատճառը անցած շաբաթ Ռուսաստանի տրանսպորտի փոխնախարարի հայտարարությունն էր, որտեղ նա ասել է, որ Ռուսաստանը կարող է հրաժարվել մեր երկաթուղու հավատարմագրային կառավարումից:
Փարձագետների կարծիքով, սրա պատճառը շարունակ նոր քրեական պատմություններ հյուսելու Հայաստանի իշխանության անհագ ցանկությունն է: Իսկ դա կարող է հարվածել Հայաստանի ներդրումային հեղինակությանը և Ռուսաստանի հետ ռազմավարական գործընկերությանը:

Մինչեւ Շիրակի պետական այցը Հայաստան, Ֆրանսիայի ոչ մի նախագահ չէր եղել մեր երկրում: 2006-ին, նրա այցի բարձրակետը դարձավ Շառլ Ազնավուրի եւ ֆրանսիացի այլ աստղերի համերգը Հանրապետության հրապարակում:

Մաքսային ծառայության նախկին պետ Արմեն Ավետիսյանի ընտանիքին պատկանող Գոլդեն Փելես հյուրանոցը՝ մի քանի ամիս ուսումնասիրություններից հետո՝ կառավարությունը վերջապես ընդունել է որպես նվիրատվություն: Ծաղկաձորում գտնվող հյուրանոցն ու գույքը գնահատվել է 16 ու կես միլիոն դոլար: Դրա պահպանման համար գործադիրը հավելյալ գումար է հատկացնելու ոստիկանությանը, որի չափը տարակուսանք է առաջացրել փոխվարչապետ Ավինյանի մոտ: «Տանկերո՞վ եք պահելու տարածքը»,- հետաքրքրվել է Ավինյանը:

Հայաստանի պաշտպանության նախկին նախարար Վիգեն Սարգսյանը Միացյալ Նահանգներից արձագանքել է իր դեմ բացված քրեական գործին՝ քննչական մարմինների գործողությունները համարել ակնհայտ քաղաքական նպատակներ հետապնդող քայլեր:

ՄԱԿ-ում Փաշինյանը խոսեց նաև երկրի ներսում իրեն քննադատողների, այդ թվում լրատվամիջոցների մասին, դա համարելով մարտահրավեր իր իշխանությանը: 

Այսօր, 86 տարեկան հասակում, մահացել է Ֆրանսիայի նախկին նախագահ Ժակ Շիրակը: Այս մասին հայտնել է նրա փեսան, ասելով. «Այսօր նա մահացավ խաղաղության մեջ՝ իր ընտանիքով շրջապատված»: Վերջին տասը տարիների ընթացքում Շիրակը մի քանի անգամ հոսպիտալացվել է՝ թոքերի բորբոքման պատճառով: Նա 12 տարի եղել է Ֆրանսիայի նախագահը՝ 1995-2007 թվականներին: 

Ծանոթանալով ՄԱԿ-ում Նիկոլ Փաշինյանի ելույթին՝ ուզում անել հետեւյալ կարեւոր արձանագրումները.

20 տարի առաստաղից ու խոնավ պատերից կաթ-կաթ թափվող ջուրը լցրել է Վարդաշենի հանրակացարանների բնակիչների համբերության բաժակը: Նրանք այսօր իրենց ոտքով քաղաքապետարան են գնացել ու պատասխանատուներին տարել հետները՝ հարցնելու՝ այդ հանրակացարանում հնարավո՞ր է ապրել:
Քաղաքային իշխանության պատասխանը մեկն է՝ կարիք շատ կա, փող չկա, դա այն դեպքում, երբ հենց հանրակացարանի բակում է հայլուրի տեսախցիկը ֆիքսել քաղաքապետարանի անպետք ծախսերից մեկը:

Հայաստանի նոր իշխանությունը ամեն կերպ ընդդիմանում է սթափվելու կոչերին, դա անեն ընդդիմադիրները, իրենց քաղաքական ուժը լքողները, թե գործող կուսակիցները: Ըստ օդում կախված լուրերի՝ Իմ քայլական պատգամավոր, Երկրապահ կամավորականների միության նախագահ Սասուն Միքայելյանի՝ բոլորը պետք է սթափվեն կոչից հետո իշխանությունը նոր թեկնածու է փնտրում երկրապահների միությունը գլխավորելու համար: