Լրահոս

Այս պահին էկրաններին ավելի մոտ թող նստեն փեսացու փնտրող աղջիկները: Հատկապես նրանք, ովքեր մտածում են, թե անհույս տան են մնացել: Ոչ, սիրելիներ, մենք ձեզ համար գտել ենք մի գյուղ, որը հայտնի է չամուսնացած տղաների ռեկորդային թվով: Այստեղ հարս գնալու համար մի կարևոր պայման կա. պատրաստ լինի շաատ սիրել ամուսնուն, որ կենցաղային մեծ ու փոքր խնդիրները աչքին չերևան:

Հրայր Թովմասյանին պաշտոնից հեռացնելու իշխանությունների քայլերը դառնում են անկառավարելի: Գրոհը Սահմանադրական դատարանի նախագահի դեմ այս շաբաթ աննախադեպ ընթացք ստացավ: Թովմասյանի լիազորությունները դադարեցնելու խորհրդարանի դիմումը բարձր դատարանում վարույթ չընդունվելուց հետո, Հրայր Թովմասյանի դեմ հինգշաբթի քրեական գործ հարուցվեց՝ Սահմանադրական դատարանի նախագահի աթոռը յուրացնելու կասկածանքով: Նույն օրը ԱԱԾ քննիչները հայտնվեցին Թովամսյանի հայրական տան տանիքում: ԱԱԾ հարցաքննության հրավիրվեցին Թովմասյանի դուստրերը, 75 տարեկան հայրը:

Իջևանում ՀԷԿ կառուցելու ծրագիր ունեցող գործարարը, որ ահազանգել է մեզ, պնդում է, թե իր չիրականացած բիզնեսի պատճառը Իջևանի նախկին քաղաքապետն է, որ այժմյան Շրջակա միջավայրի նախարարի հովանավորության տակ է:

Այսօր մայրաքաղաք Երևանին սիրո խոստովանություն անելու օրն է: Էրեբունի-Երևանը նոր հարյուրամյակ է մտել 2801 տարեկան է: Մայրաքաղաքն այսօր կլսի 12 ոճի երաժշտություն ըստ վարչական շրջանների:

Նորշենի դպրոցականները հասել են Ամերիկա ու ֆիզիկայի օլիմպիադայի մեդալները բերել: Հաջողությունների համար առաջինն ուրախացողները ուսուցիչներն են: Ընկեր Արայի պես, որ Դասավանդիր Հայաստան ծրագրով Նորշեն է հասել:

Բանաստեղծուհի Սոնա Վանի «Լիբրետո անապատի համար» պոեմը կոմպոզիտոր Վաչե Շարաֆյանը ռեքվիեմ է դարձրել: Սոնա Վանի այս գիրքը ամենագրաքննվածներից է: Լիբրետո անապատի համարը հասել է նունիսկ աֆրիկյան մայրցամաք:

Հաշմանդամություն ունեցող մարզիկների ելույթներով է Երևանում մեկնարկել սեղմում հենարանից վարժության առաջնությունը: Այս տարի մրցմանը մասնակցում է հաշմանդամություն ունեցող մոտ 50 մարզիկ, նախորդ տարիներից գրեթե 2 անգամ ավելի:

Այսօր վարչապետն այցելել է Գյումրիի ավտոմաքսատուն, որ դեռ մեկ շաբաթ առաջ պիտի բացվեր ըստ ՊԵԿ նախագահի խոստման: Վարչապետը ոչ թե բացմանն է գնացել, այլ շինաշխատանքներին հետևելու: Թե երբ կսկսի գործել մաքսատունը դեռ պարզ չէ: Չնայած սրան վարչապետը ՊԵԿ-ի աշխատանքից գոհ է:

«Հայտնում ենք, որ նյութերը նախապատրաստող ստորաբաժանման ղեկավարը նախապես փորձել է ՀՀ սահմանադրական դատարանի աշխատակազմի ղեկավարի միջոցով կապ հաստատել անձամբ ՍԴ նախագահի հետ՝ նրանից, իր օգնականից և ընտանիքի անդամներից բացատրություն ստանալու օրը, ժամը և վայրը համաձայնեցնելու նպատակով, սակայն նա զանգերին չի պատասխանել և կապի դուրս չի եկել, որից հետո, սահմանված կարգով ուղարկվել են ծանուցագրեր»։

Սահմանադրական դատարանի նախագահ Հրայր Թովմասյանից հեռանալ պահանջող իշխանությանը երեկվանից շատերը սկսեցին մեղադրել ոչ թե հակաիրավական կամ խիստ քաղաքականացված քայլերի համար, այլ բարոյականության կարմիր սահմանները անդառնալիորեն հատելու: Այսօր ԱԱԾ կանչված Թովմասյանի հորն ու դուստրերին դրսում սպասում էին բազմաթիվ իրավապաշտպաններ: Փաստաբաններն ասել են, որ ՍԴ նախագահի ընտանիքի անդամներին հարցրել են՝ նվիրատվություն ստացած ավտոտնակի և ՆԻՍՍԱՆ-ՍԵՆԱՏՐԱ ավտոմեքենայի մասին:

 Հումանիտար ականազերծման և փորձագիտական կենտրոնի մասնագետները Սյունիքում վնասազերծել են 7 միավոր չպայթած զինամթերք, այդ թվում՝ հակահետևակային ականներ:

Արդբեջանի արտգործնախարար Էլմար Մամեդյարովը ռուսական «Իզվեստիա»-ին ասել է, թե հիասթափված է Նյու Յորքում Հայաստանի արտգործնախարար Զոհրաբ Մնացականյանի հետ հանդիպումից: Նաև նեղսրտել, որ բանակցությունների հիմք փաստաթուղթ չկա: Որպես լավ տարբերակ Ադրբեջանի արտաքին գերատեսչության ղեկավարը ավելի վաղ հենց իրենց կողմից մերժված Կազանյան փաստաթուղթն է առաջարկել: 

Սահմանադրական դատարանի նախագահ Հրայր Թովմասյանի ընտանիքի անդամներին ԱԱԾ կանչելը բարոյական նորմերի ոչնչացում է,- այսօր ասել են մի շարք քաղաքական-հասարակական գործիչներ որոնք ավելի ուշ միացել են ԱԱԾ-ի մոտ իրավապաշտպանների կազմակերպած ակցիային: