Լրահոս

Վարչապետ Նիկոլ Փաշինյանը, «Թրանսփարենսի ինթերնեյշնլի» ամենամյա հակակոռուպցիոն զեկույցը լավ առիթ համարելով, խոսել է 3-րդ նախագահին առաջադրված մեղադրանքի մասին: Ու ինչ-որ առումով արդարացել բոլոր նրանց առաջ, ովքեր զավեշտ են համարում Սերժ Սարգսյանին 400 միլիոն դրամի չարաշահման համար մեղադրանք առաջադրելը: Ախր, կոռուպցիայի դեմ պայքարը պատվերով համերգ չէ:

Առողջապահության նախարար Արսեն Թորոսյանի սրտի նախագիծը հակածխախոտային պայքարի մասին խորհրդարան հասավ, բայց թե ընդդիմությունը, թե իշխանությունը այնքան շատ փոփոխություններ են առաջարկել նախագծում, որ հավանաբար, այն Թորոսյանի ուզածի չափ խիստ չի ստացվել: Գուցե սա է պատճառը, որ նա չէր գնացել խորհրդարան, նախագծի առաջին ընթերցմանը:

Արագածոտնի մարզի Ավան համայնքում ընտրություններն արտահերթ էին: Առաջադրված երեք թեկնածուներից 207 ձայնով ընտրվել է անկուսակցական Գևորգ Գալստյանը։ Նա ուսուցիչ է։

Վերաքննիչ դատարանում քննվող Քոչարյանի գործը կմակագրվի այլ դատավորի: Դատավոր Մխիթար Պապոյանը որոշեց ինքնաբացարկ հայտնել բավարարելով մեղադրող դատախազի միջնորդությունը: Քոչարյանի փաստաբանը հայտարարել է, որ չի բացառվում դիմեն դատավորին կարգապահական պատասխանատվության ենթարկելու խնդրանքով: Պաշտպանի կարծիքով արդեն երկրոդ անգամ է, որ Նոր Տարվա շեմին գործը ձգձգվում է ու Քոչարյանի ազատության վերաբերյալ հարցը չի քննարկվում:

Հայերեն է թարգմանվել Շառլ Ազնավուրի «Մեղմ շշուկով» գիրքը: Շանսոնյեն այն գրել է 2009-ին ու նվիրել «Իր հանդիսատեսին և բոլոր նրանց, ովքեր այսօր զբաղվում են կամ ցանկանում են զբաղվել իր մասնագիտությամբ»: Հենց այս տողով էլ սկվում է Ազնավուրի գիրքը:

Կիրակի կայացած ՏԻՄ ընտրությունների մասին: Համայնքային ընտրություններ էին 6 մարզերի՝ 12 գյուղում: Հիմնականում հաղթել են անկուսակացական թեկնածուներ: Ինչպես նաև ՀՀԿ-ական, ԲՀԿ-ական ու ՊԵԿ փոխնախագահի հայրը, որ գյուղապետ է ընտրվել Արմավիրի մարզի Ալաշկերտ համայնքում:

ԲՀԿ առաջնորդ Գագիկ Ծառուկյանը այսօր արդեն ակնարկել էր, որ իրենց խմբակցությունը դեմ է քվեարկելու՝ ՍԴ դատավորներին տուն ուղարկելու օրինագծին: «Քաղաքական խնդիր է» ասել էր Ծառուկյանը: Սահմանադրական դատարանում ոչ մի ճգնաժամ էլ չկա։

Նյու Դելիի գործարաններից մեկում խոշոր հրդեհից զոհերի թիվը հասել է 43-ի: Նրանց մեծ մասը հրդեհի ժամանակ քնած է եղել և մահացել է շնչահեղձ լինելու պատճառով: Զոհերը գործարանի աշխատողներ էին, որոնք գիշերում էին շինության ներսում:

Ուսումնական կիսամյակի ավարտից մոտ մեկ ամիս առաջ կառավարության որոշմամբ գիշերօթիկների փակվելու պատճառով մի քանի տասնյակ երեխաներ զրկվել են դպրոց գնալու հնարավորությունից:

Վերաքննիչ քրեական դատարանի դատավոր Մխիթար Պապոյանը բավարարեց դատախազ Գևորգ Բաղդասարյանի կողմից իրեն ներկայացված ինքնաբացարկ հայտնելու միջնորդությունը։

Դատախազ Գևորգ Բաղդասարյանը կարծիք էր հայտնել, որ դատավոր Պապոյանը չի կարող անաչառ ու անկողմնակալ վարքագիծ դրսևորել, քանի որ առկա են դրա վրա ազդող արտաքին գործոնները, որոնք կարող են անվստահություն առաջացնել Պապոյանի կողմից կայացվող ակտի նկատմամբ։

Վերաքննիչ քրեական դատարանն այսօր՝ դեկտեմբերի 9-ին, ժամը 16:00-ին կհրապարակի դատախազության կողմից նախագահող դատավոր Մխիթար Պապոյանին ինքնաբացարկ հայտնելու միջնորդության վերաբերյալ դատական ակտը։

ՀՀ քննչական կոմիտեի Տավուշի մարզային քննչական վարչության Դիլիջանի քննչական բաժնում հարուցվել է քրեական գործ՝ կենդանու նկատմամբ դաժան վերաբերմունք դրսևորելու դեպքի առթիվ: Մեղադրանք է առաջադրվել «Դիլիջան ազգային պարկ» ՊՈԱԿ-ի տնօրենին:

Մեր ազգային էպոսի առաջին կնոջ անունով կոչված գյուղում՝ Ծովինարում, ժամանակը կանգնում է խոպանի սեզոնին, երբ ծովինարցի կանայք մենակ են մնում հոգսերի ու սիրո սպասման հետ: Գյուղի տարիքով կանայք շատ լավ են հասկանում մատղաշների ցավը ոնց որ շոռ՝ աղի մի բան ուտես, ծարավես, բայց չկարողանաս աղբյուրից մի բուռ ջուր խմել, ոնց էպոսում Ծովինարն արեց:

Երկրաշարժից 31 տարի անց: Երեկ նորից հիշեցինք, որ մեր քթի տակ դեռ կա աղետի գոտին 7219 տնակով, որոնց միայն մի փոքր մասն է լքված: Մյուսներում ապրում են ընտանիքներ: Շատ լրագրողների պես ես էլ իմ գյումրեցի գործընկերոջ հետ գնացի Գյումրի, բայց որոշեցի այս անգամ Ձեզ ուրիշ պատմություն պատմել քաղաքի մասին որը չի սպասում օգնող ձեռքի, որ ապրում է՝ շատ լավ հիշելով պատահածը:

Այս շաբաթ Նոր Հայաստանի մասին 7 օրվա համար չափազանց շատ միֆեր ապամիֆականացվեցին:

Բժիշկներն ասում են, որ մինչև 1 տարեկան՝ երեխան բազմոցից, պատից աթոռից կամ այլ բանից բռնվելով, կարողանում է նստած տեղից վեր կենալ։ Կարողանում է ծնկները խորը ծալել նստելու համար։ Երեխաներից շատերն այս տարիքում անկառավարելիորեն արագ սողում են տնով մեկ։ Որևէ մեկի ձեռքից բռնած՝ այս տարիքի երեխան կարող է նաև քայլել։ Բացառիկ փոքրիկներ կան, որ այս տարիքում են անում առաջին ինքնուրույն քայլերը։ Քաղաքականության մեջ էլ ասում են մարդը նույն փուլերն է անցնում: