Լրահոս

Վերադառնանք դպրոցական գիտելիքներին: Կառավարության նիստին վարչապետ Փաշինյանը ստիված է եղել ներողություն խնդրել: Նա երեք անգամ կրկնել է, թե քննարկումն իրեն հիշեցնում է Հովհաննես Թումանյանի «Թե ինչ եղավ, երբ շաքարամանից երկու կտոր շաքար պակասեց» պատմվածքը: Երրորդ անգամ Թումանյանի անունը կրկնելուց հետո վարչապետի խոսքը շաքարով են կտրել հուշել, որ պատմվածքը գրել է Նար-Դոսը:

Երկրում բուռն քննարկումների պատճառ է դարձել գաղտնալսման սկանդալային օրինագիծը, որ խորհրդարանում արդեն ընդունվել է առաջին ընթերցմամբ: Ըստ դրա ոստիկանությունը ունենալու է գաղտնալսումների սեփական սարքերը ու ըստ էության կկարողանա ականջ դնել յուրաքանչյուրիս անձնական կյանքին:

Վարչապետ Նիկոլ Փաշինյանն այսօր կառավարության նիստում, փորձագետների պնդմամբ, ըստ էության, հանցագործության մասին հաղորդում է տվել: Նա հայտարարել է, որ պետական ամբողջ համակարգը դիմադրում է հեղափոխությանը: Դիմադրությունը ջարդելու մասին նրա հայտարարությունը ընկալվել է՝ որպես կադրային ջարդի համար հող նախապատրաստելու փորձ:

ԱԱԾ նախկին տնօրեն Արթուր Վանեցյանի այն հայտարարությունից հետո, թե Սորոսի հիմնադրամի գործունեությունը Հայաստանի համար վտանգավոր է, սորոսականի համարում ունեցող կազմակրպությունները սկսել են ավելի խիստ քննադատել երկրի անվտանգության պատասխանատուներին:

Կառավարությունը հաստատեց ապօրինի ծագում ունեցող գույքի բռնագանձման սկանդալային նախագիծը: Եթե խորհրդարանն էլ վավերացնի այն, ապա գլխավոր դատախազության կազմում կստեղծվի մի նոր կառույց, որ կորոշի իքս գույքը մարդը կարո՞ղ էր գնել իր օրինական եկամուտներով եթե պարզի, որ չէր կարող գույքը կբռնագանձվի: Արդարադատության նախարարը հանգստացրել է նաև ինդդիմախոսներին նախագիծը միայն պաշտոնյաներին է վերաբերելու:

Տարվան 19 օր է մնում ու միայն այսօր իմացանք, որ բյուջե 2019-ը հնարավոր է՝ թերակատարվի: Գլխավոր ֆինանասական փաստաթուղթը ճաքեր է տվել, փողի քչություն կա, ու Կառավարությունը հապշտապ խորհրդարան է մտցրել վարկային 4 համաձայնագիր: Բոլոր ճաքերը փակելու համար պետք է, որ 152 միլիոնի վարկը օրենսդիրը շուտ վավերացնի, որովհետև փողը Հայաստան մտցնելու համար միայն երկու շաբաթ է պետք լինելու:

Վերջապես հայտնի է Պոլսո հայոց 85-րդ պատրիարքի անունը: Ինչպես և սպասվում էր,, ընտրվել է Սահակ Եպիսկոպոս Մաշալյանը: Բայց 12 տարի հոգևոր առաջնորդի սպասող պոլսահայությունը հիմա բաժանված է երկու ճամբարի, ոմանք վստահ են, որ Մաշալյանը պատրիարքի աթոռին երկար չի մնալու:

Բուդն ու բլինչիկները ոնց կուզեք, բայց ամանորի տոնական սովորությունների մեջ կան իրոք վտանգավոր բաներ: Միայն անցյալ տարի Հայաստան է ներմուծվել մոտ 12 միլիոն պայթուցիկ տոնական պայթուցիկ: Դրանք ոչ միայն վախեցնում են մարդկանց, այլ վտանգավոր զենք են դառնում երեխաների ձեռքերում նրանք հաճախ այրվածքներ ու կոտրվածքներ են ստանում:

Ո՞ւմ է ակնարկում Քոչարյանը՝ ասելով, որ անընդունելի է Ղարաբաղում ունենալ քծնող նախագահ, ով հնազանդորեն տուրք է տալիս որեւէ մեկի, ներառյալ Հայաստանի վարչապետի, քմահաճույքներին: Հայակակն երկրորդ հանրապետությունում նախագահական ընտրությանն ընդառաջ թեկնածուներից առաջինը այս ակնարկին արձագանքել է նախկին վարչապետը: Արայիկ Հարությունյանի խոսքով բոլորը գիտեն, որ ինքը կոփված է պատերազմում ու Արցախյան հարցի կարգավորման մասին կոշտ դիրքորոշում ունի:

Հայաստանն իմ օջախն է, ժողովուրդը՝ իմ ընտանիքը նշանաբանով վարչապետ Փաշինյանն առաջարկում է նոր Տարին դիմավորել ամենահարազատ մարդկանց՝ ընտանիքի անդամների հետ ոչ թե տանը այլ հանրապետության հրապարակում:

Նախկին պատգամավոր Սամվել Ֆարմանյանն այսօր ահազանգեց քաղաքականության ու ինտելեկտի վերջնական ապահարզանի մասին: Չեն հերքվում տեղեկությունները, որ կառավարությունը մտադիր է դադարեցնել Ի՞նչ, որտե՞ղ, ե՞րբ հեռուստանախագծի ֆինանսավորումը: Հայ ասպետ ինտելեկտուալ խաղի, Անդին ամսագրի փակումից ու «Ազգ» թերթի մշակութային հավելվածի ֆինանասավորումը դադարեցնելուց հետո «Ի՞նչ, որտե՞ղ, ե՞րբ» հեռուստանախագծի փողը կտրելու որոշումը ֆեյսբուքյան մեմերի պատճառ է դարձել:

Սիրո ու հանդուրժողականության կուլտուրայի մասին: Խորհրդարանում այսօր հետ հայացք են գցել մեկ տարվա աշխատանքին ու փորձել հասկանալ արդյոք սիրո ու հանդուրժողականության խոստումները իրենց հետ Ազգային ժողով մտնելու մանդատ են ստացել: