Լրահոս

Չինաստանում նոր կորոնավիրուս հայտնաբերելուց երեք ամիս անց, աշխարհում վարակված է 200 հազարից ավելի մարդ: Մահերը ութ հազարից ավելի են: Առողջացել են մոտ 83 հազարը: Ըստ առողջապահության համաշխարհային կազմակերպության, վերջին 24 ժամում վիրուսը ներթափանցել է 8 նոր երկիր:

Փախստական մի երեխա է մահացել Հունաստանի Լեզբոս կղզում բռնկված հրդեհից: Կա մի քանի վիրավոր: Հրդեհը բռնկվել է ճամբարի բնակավայրերից մեկում և արագ տարածվել քամու միջոցով: Լեսբոս կղզու փախստականների ճամբարը նախատեսված է 3 հազար մարդու համար, սակայն այնտեղ հիմա ապրում է 19 հազար փախստական:

Մեկ տասնյակից ավելի ավիաընկերություններ չեղաղարկել են չվերթները Հայաստանից և դեպի Հայաստան: Այս մասին հայտնում է քաղաքավիացիայի կոմիտեն: Այս պահին դեպի Հայաստան թռիչքներ իրականացնող 15 ավիաընկերություն հայտարարել է մոտ 20 ուղղությունով թռիչքները ժամանակավորապես դադարեցնելու մասին։ Ինչպե՞ս գալ Հայաստան և մեկնել մեր երկրից:

Հանրապետության ուսումնական բոլոր հաստատությունները կախտահանվեն, որպեսզի արտակարգ դրության ավարտից հետո, առանց խուճապի սկսվեն դասերը: Այդ մասին հայտնել է ԿԳՄՍ նախարար Արայիկ Հարությունյանը: Այս ընթացքում Հանրապետությունում հեռավար կրթության փորձեր են արվում: Տարբեր հարթականեր անվճար առաջարկում են իրենց ծառայությունները՝ դասերն օնլայն կազմակերպելու համար: Նախարարությունը նաև հեռուստատեսությամբ, համացանցով կհեռարձակի առանձին դասաժամեր:

Արտակարգ դրության 2-րդ օրը փողոցները հիմնականում դատարկ են: Երթուղայինները, որ պիկ օրերին երբեմն չէին կանգնում, հիմա ստիպված են կանգառներում սպասել: Դրսում թափառող վիրուսը քաղաքացիներին տանն է մեկուսացրել: Բայց այն կարծես թե չի վախեցնում վաճառական տատիկներին ու թերթի կրպակներում աշխատող պապիկներին:  

Կորոնավիրուսի պատճառով տանը փակված իտալացիների արկածները աշխարհին վարակել են նոր տենդով: Այժմ համացանցը պայթում է մեր ու արտասահմանցիների վիդեոբոցերով: Ինչպես չխելագարվել չորս պատի մեջ:

Խնդրում ենք պարզաբանումներ ներկայացնել ստորև ներկայացված հարցերի շուրջ

Աշխարհում պայքար է նաև կորոնավիրուսի հակաթույնը գտնելու համար: Ամերիկահայ գործարար Նուբար Աֆեյանի հիմնադրած ընկերության վակցինան ներարկել են առաջին 4 մարդուն: Արդյունքների մասին հնարավոր կլինի խոսել 3-4 ամիս հետո: Աֆեյանի ընկերությունը առաջինն է, որ ռեկորդային կարճ ժամանակում ստեղծել է պատվաստանյութ, որն առաջին անգամ է փորձարկվում մարդու վրա:

Հայլուրի տաղավարում է փաստաբան Հայկ Ալումյանը:

Հայաստանում կորոնավիրուսի հաստատված դեպքերի քանակը այսօր ավելացել է 20-ով ընդհանուր դեպքերի թիվը հասել է 72-ի: Ինչպես գիտեք, մեկ վարակակիր ապաքինվել ու դուրս է գրվել: Առողջապահության նախարարությունը հայտնում է, որ այսօր հայտնաբերված 20 դեպքերից 7 կապված է Էջմիածնի հայտնի նշադրեքի հետ, մյուսը 13-ը Երևանում գործող արտադրամասի հետ: Ժամը 18-ի դրությամբ հաստատված վերջին 8 վարակակիրներից ոմանք մեկուսացված են եղել:  

Ո՞վ է Արցախում նախագահի ամենահավանական թեկնածուն: Հայկական երկրորդ հանրապետությունում ընտրապայքարի ավարտից մոտ երկու շաբաթ առաջ միջազգային հայտնի սոցիոլագիական ընկերությունը հրապարկել է հարցումների արդյունքները:

Հայաստանում Ֆրանսիայի դեսպանատունը այսօրվանից անորոշ ժամանակով դադարեցնում է վիզաների տրամադրումը: Դեսպանատունը որոշումը կայացրել է Հայաստանում արտակարգ դրություն մտցնելուց հետո: Ֆրանսիայում այսօրվանից սկսած15 օր տոտալ կարանտին է հայտարարվել: Նախագահ Մակրոնը քաղաքացիներին հորդորել է մնալ տներում, միայն խիստ անհրաժեշտության դեպքում դուրս գալ: Ֆրանսիայի նախագահը հայտարարել է, որ Եվրամիությունը փակում է իր սահմանները օտարերկրացիների համար:

Դատավոր Աննա Դանիբեկյանը առողջական խնդիրների պատճառով այսօր չի ներկայացել դատարան: Սահմանադրական կարգի ենթադրյալ տապալման գործով նիստը հետաձգվել է անորոշ ժամանակով: Այսօր Ռոբերտ Քոչարյանի պաշտպանները պետք է անձնական երաշխավորություն ներկայացնեին երկրորդ նախագահի ազատության համար: Անձնական երաշխավորությունը տվել են Հայաստանի նախկին երեք վարչապետերն ու Արցախի նախկին վարչապետը: Քոչարյանի փաստաբանները դատավորի հանկարծակի հիվանդանալու ու դատը հետաձգելու մեջ դիտավորություն են տեսնում:

Հանրապետությունում պաշտոնապես կասեցվել է սահմանադրության մեկ հոդված փոխելու հանրաքվեի քարոզչությունը: Կենտրոնական ընտրական հանձնաժողովը հայտնել է, որ դադարեցնում է հանրաքվեի նախապատրաստման և անցկացման բոլոր աշխատանքները: Հանրաքվեի անցկացումը հնարավոր է արտակարգ դրության ավարտից նվազագույնը 50, առավելագույնը 65 օր հետո: