Լրահոս

Երեւանի արտակարգ դրության 4-րդ օրն է: Հայլուրի տեսախցիկն այսօր շրջել է մայրաքաղաքի ամենաբարձր կետում, եղել ամենամարդաշատ այգում: Կադրերն առանց մեկնաբանության:

Աշխարհի ամենահայտնի կենդանաբանական այգիներում եւ ազգային պարկերում խստորեն սահմանափակում են մարդկանց շփումները գազանների հետ: Կենդանասերները ամեն ինչ անում են, որ մարդիկ կորոնավիրուսով չվարակեն կենդանիներին:

Շուշիի ազատագրումից առաջ աղոթք, հետո պատարագ կիսաավերակ Ղազանչեցոց եկեղեցում: Այսօր Հայ Առաքելական Եկեղեցու Արցախի թեմի առաջնորդ Պարգև Սրբազանի ծննդյան օրն է: 5-րդ ալիքը բացառիկ հարցազրույց է ունեցել սրբազանի հետ:

Դատավորների տարիքային շեմը 28-ից 25 դարձնելու կառավարության առաջարկից հետո իշխանական օրենսդիրը հիմա էլ առաջարկում է դատավոր նշանակել բակալավրի կրթություն ու 10 տարվա աշխատանքային փորձ ունեցողին: Ազգային ժողովի պետաիրավական հանձնաժողովում թեժ բանավեճ է եղել ընդդիմադիր, իշխանական պատգամավորների միջեւ: Նախագծի քվեարկությունը հետաձգվել է:

Կորոնավիրուսի տարածումը կանխելու համար Կենտրոնական բանկը մարտի 23-ից թղթային տարբերակով դիմումներ ու գրություններ չի ընդունելու: Բոլոր գրությունները պետք է ուղարկվեն՝ [email protected] էլեկտրոնային փոստի հասցեով կամ կենտրոնական բանկի պաշտոնական էլեկտրոնային կայքի միջոցով: Իսկ որպեսզի կորոնավիրուսը փողի հետ, ձեռքից ձեռք չանցնի՝ Կենտրոնական դրամատունը հորդորում է նվազեցնել կանխիկ գործարքները:

Աշխարհը՝ կորոնավիրուսի տագնապի մեջ:

Այն ինչը երեկ խանգարում էր սովորել, այսօր օգնում է ուսում ստանալ: Հայաստանում կրթական հաստատությունների մեծ մասը օնլայն դասընթացների է անցել:Հեռավար կրթություն սմարթֆոններով եւ կատակներով:

Նոր կորոնավիրուսը Արցախ չի հասել: Հանրապետության իշխանությունը ընտրությունները հետաձգելու, արտակարգ դրություն հայտարարելու պատճառ չի տեսնում:

Արդեն երեք օր է՝ ապրում ենք արտակարգ դրության պայմաններում: Հայլուրի տեսախցիկը այսօր էլ շրջել է մայրաքաղաքով: Ամենաբանուկ փոփոցները նրանք են, որտեղ դեղատուն կա: Գարունն արդեն բողբոջել է քաղաքում, բայց սիրաբանել կարողանումե ն դեռ միայն ճնճղուկները ճյուղերին:

Չինաստանում նոր կորոնավիրուս հայտնաբերելուց երեք ամիս անց, աշխարհում վարակակիրների թիվը հասել է 230 հազար 500-ի: Մահացել են ավելի քան 9 հազարը: 86 հազարից ավելին առողջացել է: Ռուսաստանում կորոնավիրուսից առաջին մահն է արձանագրվել: Մահացել է 79-ամյա մի կին, որ նաև շաքարային դիաբետ ու այլ հիվանդություններ է ունեցել: Մասնագետները նշում են, որ կորոնավիրուսի թիրախում են հատկապես տարեց և քրոնիկ հիվանդություն ունեցող մարդիկ: Անհանգիստություն կա նաև, որ կորոնա- ճգնաժամը հաղթահարած երկրներում նոր բռնկումներ կլինեն:

Հարկերի վճարումը հետաձգելը շատ անհետաքրքիր օժանդակության ձեւ է համարում պետեկամուտների կոմիտեի նախագահ Դավիթ Անանյանը: Նա այսօր հայտարարել է, որ մշակել են 25 մլրդ դրամի օժանդակության փաթեթ: Կառավարությունը այն տալու է փոքր ու միջին բիզնեսին:

Կիրակի Իտալիայից Երևան վերադարձած քաղաքացիներից միայն մեկը բարձր ջերմություն ունի, նրան կթեստավորեն, մյուսներին թեստավորելու են կարանտինի ժամկետը լրանալուց հետո: Նախարար Թորոսյանի խոսքով՝ նույնիսկ եթե նրանք վարակված են, 14-րդ օրվա վերջում վիրուսը կարող է պարզապես դուրս գալ օրգանիզմից:

Երեւանի ավագանին այսօր նիստ է արել, բայց ոչ թե նիստերի դահլիճում, այլ քաղաքապետարանի ճեմասրահում, որպեսզի ավագանու անդամներին չսպառնա կորոնավիրուսի տարածման վտանգը: Որքան էլ անսպասելի էր, կորոնավիրուսի կանխարգելման համաքաղաքային միջոցառումներ չեն քննարկել, խոսել են անցած տարվա ծրագրերի կատարումից ու պարզել, որ քաղաքապետ Հայկ Մարությանը սիրո կարիք չունի: