Լրահոս

Սույն թվականի փետրվարի 25-ին կազմված արձանագրությամբ «Վարկս ԷՅ ԷՄ» ՈՒՎԿ ՓԲԸ-ի նկատմամբ սկսվել է պատժամիջոցի կիրառման վարչական վարույթ:

Առողջապահության համաշխարհային կազմակերպությունը անհանգստացնող է համարում կորոնավիրուսի տարածման արագությունը: Աշխարրհում վարակակիրների թիվը 100 հազարի սահմանագիծը հատեց վարակի մասին առաջին հայտարարությունից 67 օր անց: Հաջորդ 11 օրում այդ թիվն անցավ 200 հազարը: Իսկ 4 օր հետո, արդեն վարակակիր էր 300 հազարից ավելի մարդ: 50 երկրի կառավարություն կոչով դիմել է մոտ մեկ միլիարդ մարդու՝ մնալ տներում, ինքնամեկուսանալ: Ազատ կյանքի սովոր մոլորակի բնակիչները շարունակում են դիմադրել կյանքի նոր կանոններին:

Կորոնավիրուսի համաճարակի պատճառով հարկադիր պարապուրդի մատնված քաղաքացիներին արդյոք պետք է վճարի՞ գործատուն: Աշխատանքի և սոցիալական հարցերի նախարարությունը նախաձեռնել է օրենսդրական փոփոխություն, որը կարող է տալ նաեւ այս օրերի ամենահրատապ հարցի պատասխանը:

Երեւանում որոշ ռեստորան- սրճարաններ հաճախորդներ չէին ընդունում դեռ այս որոշումից առաջ: Բայց կան նաեւ ռեստորանատերեր, որ չեն ուզում հաշտվել հարկադիր պարապուրդի մտքի հետ:

Կորոնավիրուսի համաշխարհային համաճարակը չի խափանի Հայաստանի խորհրդարանի աշխատանքը։ Իմ քայլը և Բարգավաճ Հայաստան խմբակցությունները դեմ են արտահայտվել «Լուսավոր Հայաստանի» ղեկավարի առաջարկին՝ փակ տարածքում չհավաքվել 130 հոգով:

Արցախում նախագահի թեկանծուները դադարեցրել են հանդիպումները ընտրողների հետ: Նրանք նախընտրական ծրագրերի մասին քաղաքացիներին պատմում են օն-լայն:

Արդեն 8-րդ օրն է՝ ապրում ենք արտակարգ դրության պայմաններում: Հայլուրի տեսախցիկը այսօր էլ շրջել է մայրաքաղաքի էրեբեունի վարչական շրջանում:

Հանրապետությունում կյանքը վաղվանից կտրուկ փոխվում է: Տնից դուրս կարող ենք գալ միայն անձնագրով: Պետք է նաեւ գրավոր հիմնավորում ներկայացնել, թե ինչու՞ ենք փողոցում: Հազարավոր ձեռնարկություններ առնվազն մեկ շաբաթով դադարեցնում են աշխատանքը:

Սահմանադրական կարգի ենթադրյալ տապալման գործով դատական նիստը անորոշ ժամանակով հետաձգվել է և երկրորդ նախագահի փաստաբանները դիմել են Վերաքննիչ դատարան: Չորս վարչապետների անձնական երաշխավորությամբ երկրորդ նախագահի կալանքը փոխելու միջնորդությունը առաջին ատյանի դատարանը չի քննում, քանի որ դատավոր Աննա Դանիբեկյանը վատառողջ է: Փաստաբան Հայկ Ալումյանը պնդում, որ ըստ Եվրոպական կոնվենցիայի՝ պետությունը պետք է անհապաղ ապահովի միջնորդության քննությունը:

ՀՀ երկրորդ նախագահ Ռոբերտ Քոչարյանի փաստաբան Արամ Վարդևանյանը դիմել է Մարդու իրավունքների պաշտպան Արման Թաթոյանին և ԲԴԽ նախագահ Ռուբեն Վարդազարյանին։

«Տաշիր» բարեգործական հիմնադրամը 50 մլն ՀՀ դրամ է փոխանցել «Նորքի ինֆեկցիոն» հիվանդանոցին, որտեղ բուժում են ստանում կորոնովիրուսով վարակված Հայաստանի քաղաքացիները:

Մեր քաղաքացիները խուճապի չեն մատնվում կորոնավիրուսից, բայց նկատում են որոշ ապրանքների մինչև տասնապատիկ թանկացումը չի նպաստում ոչ խուճապային տրամադրությունը պահպանելուն: Բայց լավ լուր կա բոլոր նրանց համար, ովքեր դեռ հիշում են կանանց միամսյակի մասին: Ծաղիկներն են էժանացել:

Նույնիսկ կորոնավիրուսի օրերին, երբ թվում է աշխարհի միտքը միայն մի բանով է վարակված համաշխարհային քաղաքական հակառակորդները ժամանակ գտնում են: Մոտ 2 հազար կորոնա-մահ արձանագրած Իրանը մերժել է՝ Վաշինգտոնի ուղարկած օգնությունը: