Լրահոս

Հանրային տրանսպորտի չաշխատելը ամենավատ լուրն է մարզերում: Գյուղացու բերքը մնացել է հողին: Երևան բերելու, վաճառելու, երկու կոպեկ աշխատելու փոխարեն՝ ստիպված են թափել ամիսների չարչարանքը: Պետությունն էլ ոչինչ անել չի կարող:

Որքան էլ կարոտած լինենք աշխարհը, Ճանապարհորդելու ցանկությունը իսպառ վերանում է կորոնավիրուսի աշխարհի թվերին նայելիս: Քովիդ 19-ից մահերը՝ հասնում են քառորդ միլիոնի: Բայց աշխարհն այլևս թվերից չի վախենում, վախենում է աղքատությունից: Ցույցի դուրս գալ, բողոքելն էլ՝ անկախ կարանտինից՝ միշտ թրենդային է:

Յոթ շաբաթվա կարանտինից հետո, հանրապետության վարսավիրանոցներն ու սրճարան-ռեստորանները պատրաստվում են ընդունել առաջին այցելուներին: Տեղաշարժի թերթիկներն էլ մեր առօրյայից դուրս են գալիս: Եվ դա չնայած՝՝ համաճարակի չթուլացող տեմպին: Հայաստանում արտակարգ դրություն հայտարարվեց, երբ ընդամենը 45 կորոնա վարակակիր կար: Այսօր նրանց թիվը 50 անգամ մեծ է, եւ մենք պատրաստվում ենք դուրս գալ արտակարգ դրությունից: Երեւանի փողոցներում հակասական տրամադրություններ է առաջացրել՝ մայիսի 4-ից ավելի ազատ ռեժիմի անցնելու որոշումը:

Ապօրինի գույքի բռնագանձման մասին օրենքը հանրապետության նախագահի սեղանին սպասում է ստորագրման: Իրավաբանները քննարկում են դրա ռիսկերը: Իսկ սոցիալական խնդիրների լուծում ակնկալող մարդիկ սպասում, թե երբ է ի վերջո իշխանությունը ապօրինի հարստացածներից վերցրած փողը բաժանելու ժողովրդին: Իրավագետները նկատում են, որ այս օրենքը դրա մասին չէ, բայց շատ կարևոր է՝ կոռուպիցայի դեմ պայքարի համար:

Հայաստանի կապի խոշոր օպերատորներից մեկի՝ Յուքոմի շուրջ սկանդալային զարգացումները նոր ընթացք են ստանում: Ընկերության տնօրենների խորհրդի նախագահին կալանավորելու որոշումից հետո, ԱԱԾ-ն խուզարկել է Յուքոմի գրասենյակը եւ կազմակերպության նոր տնօրեն Արա Խաչատրյանի բնակարանն ու մեքենան: Ընկերության սեփականատերը եւ նրա փաստաբանները ահազանգում են սեփականության վերաբաշխման փորձի մասին:

Աշխարհի մոտ մեկ ու կես միլիարդ զբոսաշրջիկ այս տարի կմնա տանը: Մինչ մեր հարևան Վրաստանն ուզում է լինել առաջին երկիրը, որը կբացի սահմանները տուրիստների համար, աշխարհի զբոսաշրջային կենտրոնները ստիպված են խոստովանել, որ տուրիստների չեն սպասում:

Իրավապաշտպան Արսեն Բաբայանը պնդում է, որ Նիկոլ Փաշինյանի աներորդի, իմքայլական Հրաչյա Հակոբյանը պետք է քրեական պատասխանատվության ենթարկվի: Նա գլխավոր դատախազություն դիմում է ներկայացրել: Ինչպես արդեն պատմել ենք, վարչապետի աներորդին ակնարկել էր, որ ԱԱԾ նախկին տնօրեն Արթուր Վանեցյանը օտարերկրյա գործակալ է: Պետության սպային կասկածելը ըստ իրավապաշտպանի իրավական հետևանք պետք է ունենա:

Պանդեմիայի օրերին տանը փակված աշխարհի նախանձը շարժող Շվեդիայում կորոնավիրուսի աննախանձելի թվեր են: Այդ երկրում 2600-ից ավելի մարդ է մահացել: Մահացության մակարդակը Շվեդիայում մոտ 2 անգամ ավելի բարձր է քան աշխարհի մյուս երկրներում: Մյուս կողմից՝ շվեդները համոզված են, որ մարդկանց ամիսներով տանը պահելն ու սթրեսի ենթարկելը ավելի շատ է թուլացնում իմունիտետը, քան կորոնավիրուսը:

Կորոնավիրուսը սոցիալական ծանր հարված է հասցրել նաև Հայաստանում ապրող մոտ 700 սիրիահայ ընտանիքներին: Նրանց 90 տոկոսը վարձով է ապրում և այսօր դրսում հայտնվելու վտանգի առաջ է: Սիրիահայերի հարցերով զբաղվող Արտեմիս Լեփեջյանը այս ընթացքում բազմաթիվ նամակներ է ուղարկել պետական կառույցներ՝ զայրացել ստացած պատասխաններից:

Բժիշկներն ասում են, որ նոր ցավը օրգանիզմին մառանալ է տալիս նախկին ցավերը: Նույն սկզբունքով կորոնա-ցավով տառապող աշխարհը հիմա մոռացել է միգրացիոն ճգնաժամը: Գայանե Մովսիսյանն է պատմում, ինչպես են ապրում տանը մնացած Իտալիայում տուն չունեցող միգրանտները:

Կորոնավիրուսը միասին հաղթահարելու կոչ է անում «Թովմասյան» հիմնադրամը: Նրանց կազմակերպած օնլայն համերգին միանալով ու ընդամենը 5 դոլար վճարելով՝ կարող եք շնչառական սարքեր նվիրել հիվանդանոցներին:

Անհատ տաքսու վարորդներին լիցենզիայի պարտադիր վճարից ազատելու Նիկոլ Փաշինյանի հայտարարությունից մեկ ու կես տարի անց հնարավոր է սահմանվի տարեկան 100 հազար դրամ պետական տուրք: Կառավարությունը նոր նախագիծ է դրել շրջանառության մեջ: Մինչև Ազգային ժողով հասնելը լուրը անհատ տաքսիստների ականջն է ընկել: Նրանք, որ հեղափոխությանն ասում էին այո, հիմա Հրագ լսելու սիրտ չունեն: