Լրահոս

Լավ լուր «5-րդ ալիք» և «5 plus»-ի հետևորդների համար: Շուտով, արդեն մայիսի սկզբներից, կարող եք դիտել մեծ աղմուկ հանած «Թղթե տունը» հայերեն թարգմանությամբ: Մենք գնել ենք Հայաստանում ցուցադրման իրավունքները և այս պահին ֆիլմը վերարտադրվում է մայրենիով:

Ալեն Սիմոնյանը երեկ էլ խորհրդարանում թեժ լեզվակռվի էր բռնվել, Լուսավոր Հայաստան խմբակցության ղեկավարի հետ: Հայհոյել էին միմյանց: Էդմոն Մարուքյանի հասցեին այսօր էլ խորհրդարանական մեծամասնությունը ծանր մեղադրանքներ է հնչեցրել: Իմ քայլի պատգամավորը պնդում է, որ Մարուքյանը իր ելույթներով սոցիալական անկարգություններ է հրահրում երկրում: Պատգամավորը նկատի ունի Մարուքյանի երեկվա հայտարարությունը, թե ինչո՞ւ պետությունը չի բացում խնայողության քսակը եւ աջակցում՝ անապահով քաղաքացիներին:

Բժիշկները նոր անհանգստացնող հայտարարություն են արել կորոնավիրուսի վերաբերյալ: Համարվում է, որ երեխաների համար այս վիրուսը վտանգավոր չէ, սակայն վարակը օրգանիզմում կարող է նպաստավոր պայմաններ ստեղծել մեկ այլ հիվանդության համար:

Հայաստանում հազարավոր ընտանիքներ այսօր զրկված են հոսանքից ու գազից՝ չնայած վարչապետի հավաստիացումներին, թե արտակարգ դրության ժամանակ անջատումներ չեն լինի: Այս երկուշաբթի լրացավ «Գազպրոմ- Արմենիայի» եւ «Հայէլցանցի»՝ վարձերը վճարելու վերջնաժամկետը եւ սկսվեցին անջատումները: Գազ եւ էլեկտրաէներգիա մատակարարող ընկերությունները կոմունալ վարձերը վճարելու համար երեք օր ժամանակ էին տվել բաժանորդներին, երբ Հանրային ծառայությունների կարգավորման հանձնաժողովը հայտարարել էր, թե ֆորս մաժորը երկրում վերացել է:

Գավառի սպանությունից հետո սոցիալական ցանցերում, կառավարության դիմաց պահանջում են Հայաստանի ոստիկանապետի հրաժարականը: Խորհրդարանական ընդդիմությունը այս հարցի վերաբերյալ դեռ վերջանական որոշում չունի: Պատգամավորները նախ ՝ մտադիր են ոստիկանապետին կանչել Ազգային ժողով եւ լսել նրա բացատրությունները:

Ատելության ալիքը սոցիալական ցանցերից մայրաքաղաքի փողոցներ է իջել: Երևանում այսօր ծեծկռտուք է տեղի ունեցել խորհրդարանի փոխնախագահ Ալեն Սիմոնյանի և Նիկոլ Փաշինյանի ընդդիմախոսներից «Ադեկվատ» միաբանության անդամ Արթուր ԴանիԵլյանի միջև:

Գավառ քաղաքում տեղի ունեցած միջադեպի առնչությամբ տարածված տեղեկությունը, թե, իբր, մահացածներից մեկը ռազմական ոստիկանության քննիչ է, չի համապատասխանում իրականությանը։

ՀՀ քննչական կոմիտեի հատկապես կարևոր գործերի քննության գլխավոր վարչությունում ստացվել և վարույթ են ընդունվել Գավառ քաղաքում երկու անձի սպանելու և չորս անձի հրազենային մարմնական վնասվածքներ պատճառելու, ինչպես նաև՝ մի խումբ անձանց կողմից բռնությամբ և գույքը ոչնչացնելով զուգորդված զանգվածային անկարգությունների դեպքերի առթիվ հարուցված քրեական գործերը, որոնք միացվել են մեկ վարույթում:

Գավառում տեղի ունեցած սպանդի վերաբերյալ հակասական տեղեկություններ են ստացվում: Ամբողջ գիշեր մարդիկ անհամբեր սպասում էին պաշտոնական տեղեկությունների, իսկ ոստիկանությունը լուռ էր:

Արտակարգ դրության պայմաններում գազի եւ հոսանքի վարձերը վճարելու՝ «Գազպրոմ- Արմենիայի» եւ «Հայէլցանցի» ներկայացրած վերջնագիրը այսօր վերահաստատել է անձամբ վարչապետը: Անկախ նրանից ի վիճակի եք վճարել, թե ոչ, պետք է վճարեք, որովհետեւ վարչապետն ասում է, որ չվճարելու դեպքում՝ երկրում կարող է առհասարակ հոսանք չլինել: Ընդամենը երկու շաբաթ առաջ վարչապետը խոսում էր՝ կոմունալները վճարելու՝ հայաստանցիների բարձր մշակույթի մասին եւ խոստանում, որ արտակարգ դրության ժամանակ ոչ ոք գազից ու լույսից չի զրկվի:

Վարչապետի այս վերջին հայտարարությունը անմիջապես ի գիտություն են ընդունել հեղափոխության նվիրյալ մի քանի երիտասարդ ու ցույցի գնացել կառավարության մոտ՝ բողոքելու վարչապետից ու նրա թիմից: Նրանից մեկը ասել է, որ Նիկոլ Փաշինյանը կամ պետք է ներողություն խնդրի ու շարունակի կառավարել, կամ հրաժարական տա, որպես վատ կառավարիչ:

Հայաստանում ամեն 5-րդ աշակերտը զրկված է հեռավար կրթության հնարավորությունից:

Ադրբեջանի արտգործնախարարը խոսել է արցախյան կարգավորման փուլային տարբերակի շուրջ՝ իր հայ պաշտոնակցի պարզաբանումների մասին: «Մինվալ. ազ»-ին տված հարցազրույցում Մամեդյարով Մնացականյանի վերջին հայատարարությունը անվանել է «հռետորական հարձակում՝ ներքին լսարանին հանգստացնելու համար»: Ինչպես հիշում եք, Զոհրաբ Մնացականյանը ուղիղ տեքստով չէր հերքել Ռուսաստանի արտգործ-նախարար Լավրովի հայտարարությունը, թե բանակցային սեղանին դրված է փուլային կարգավորորում ենթադրող փաստաթուղթ: Ավելի ուշ, ԱԳՆ խոսնակը ռուսական մամուլին ասել էր, որ 2018-ից ի վեր չեն վարվում բանակցություններ, որոնց հիմքում կարգավորման փուլային տարբերակ լինի: