Լրահոս

հաշվի առնելով վերջին օրերին Սահմանադրական դատարանի շուրջ ծավալված իրադարձությունները և քննարկումները՝ հարկ ենք համարում հայտարարել հետևյալը.

Վանա լճում գտնվող Աղթամար կղզու Սուրբ խաչ եկեղեցու առջև այսօր տեղի կունենա ‹‹Մեղեդիներ Ուրարտուից մինչև Եվրոպա›› խորագրով համերգը: Համերգին երգեր կհնչեն տարբեր լեզուներով: Նման նախաձեռնությամբ է հանդես եկել Վանի առևտրի և արդյունաբերության պալատի ԵՄ-ի տեղեկատվական կենտրոնը: Այդ մասին, ըստ Akunq.net-ի, հաղորդում է ‹‹Շեհրիվան›› օրաթերթը:

ՀՀ ՔԿ ՀԿԳ քննության գլխավոր վարչության ընդհանուր բնույթի և ընտրական հանցագործությունների քննության վարչությունում քննություն է տարվում՝ Վաղարշապատի (Էջմիածին) համայնքապետարանում հայտնաբերված առերևույթ չարաշահումների դեպքերի բոլոր հանգամանքները պարզելու ուղղությամբ: Մեղադրանք է առաջադրվել համայնքի նախկին ղեկավարին, «Բնակարանային կոմունալ վարչություն» բյուջետային հիմնարկի նախկին պետին և «Բարեկարգում» տնօրինության բյուջետային հիմնարկի տնօրենին:

Ջոն Այվը, ում շնորհիվ Apple հեռախոսները դարձան աշխարհահռչակ՝ լքում է Apple ընկերությունը, տեղեկացնում է BBC-ն: Տարվա վերջում արդեն նա կսկսի իր LoveFrom ընկերության աշխատանքը, որի առաջին հաճախորդը հենց Apple-ը կլինի: 

ՀՀ ազգային անվտանգության ծառայության աշխատակիցների կողմից ձեռնարկված լայնածավալ օպերատիվ-հետախուզական միջոցառումների արդյունքում բացահայտվել է մի խումբ անձանց կողմից խոշոր չափերի շորթման դեպք:

Կառավարության նիստը Նիկոլ Փաշինյանը այսօր բացել է լավատեսական տրամադրությամբ: Ըստ նրա՝ վիճակագրական ծառայությունը արձանագրել է, որ նախորդ տարվա մայիսի համեմատ այս մայիսին տնտեսական ակտիվության ռեկորդային աճ կա: Տնտեսագետներից ոմանք այս թվերին չեն հավատում, կարծում են՝ վիճակագրական ծառայությունում հին սովորությամբ թվերը նկարում են, բայց հիմա ավելի տոտալ պայմաններում՝ ըստ վարչապետի տրամադրության:

Դատարանների մուտքերը փակելու վարչապետի կոչից ավելի քան մեկ ամիս անց՝ Սյունիքի Գորայք գյուղում դատարանի որոշումից դժգոհ գյուղապետի թեկնածուն տրակտորով փակել է գյուղապետարանի մուտքը: Աշոտ Աղաջանյանը հաղթել էր հունիսի 9-ին ընտրություններում: Նրա մրցակիցը բողոքարկել էր արդյունքները: Դատարանը՝ գործը քննելուց հետո, որոշել է չեղյալ հայտարարել ընտրությունների արդյունքները:

Ֆեյսբուքի միջոցով հնարավոր է ախտորոշել 21 հիվանդություն: Գիտնականների սենսացիոն բացահայտումը անհանգստացրել է ցանցի օգտատարերին: 

Առանց տանիքի մնացած Եղվարդի 30 ընտանիքները որտե՞ղ պետք է ապրեն: Կոտայքի մարզպետը այս հարցի պատասխանը դեռ չունի, բայց վստահ է, որ բնակիչները ապօրինի էին ապրում այն տարածքում, որտեղից նրանց երեք օր առաջ ոստիկանները ուժով դուրս են հանել: Բնակիչները մեկ գիշեր արդեն լուսացրել են կառավարության դիմաց: Մտադիր են վաղվանից հացադուլ սկսել: Մարզպետ Ռոմանոս Պետրոսյանը այսօր խոստովանել է նաև, որ Կոտայքում այսպիսի հարյուրավոր ընտանիքներ կան, որ զավթել են պետական շենքեր:

Այսօր կառավարության նիստից հետո առաջին անգամ լրագրողների հետ ճեպազրույցի է իջել արդարադատության նորանշանակ նախարարը ու հայտարարել, որ նախարարությունը դեռ նոր-նոր է սկսում դատավորներին վեթինիգի ենթարկելու մասին օրենքի նախագիծ մշակել: Վեթինգի մասին նախագիծ արդեն ունի իշխանական Իմ քայլը խմբակցությունը, որի մասին դեռ մայիսին հայտարարել էր խմբակցության ղեկավար Լիլիթ Մակունցը՝ անակնկալի բերելով խորհրդարանական ընդդիմությանը:

Հայաստանի մարզպետներին այսօր նորից կանչել էին խորհրդարան: Նրանք եկել էին իշխանական Իմ քայլը խմբակցության պատգամավորի հետ հանդիպման՝ իրենք էլ չիմանալով, թե քննարկման ինչ օրակարգ կա: Հանդիպման շուրջ ինտրիգը մեծ էր, քանի որ մամուլը այսօր գրել էր, թե Նիկոլ Փաշինյանը պատրաստվում է մի շարք մարզպետների ազատել աշխատանքից: Այժմ նոր թեկնածուներ է փնտրում:

ԵԽԽՎ-ում Ռուսաստանի պատվիրակության իրավունքները վերականգնելուց հետո միանգամից 7 երկիր սպառնում է դուրս գալ կազմակերպությունից: ԵԽԽՎ-ում Հայաստանի պատվիրակության անդամ Նաիրա Զոհրաբյանը կարծում է, որ նման բան, այնուամենայնիվ, տեղի չի ունենա: Այդ երկրների պատվիրակությունները երեկ դադարեցրել են մասնակցությունը ԵԽԽՎ ամառային նստաշրջանին և վերադարձել իրենց երկրներ՝ խորհրդակցությունների: Ռուսաստանը ԵԽԽՎ-ում ձայնի իրավունքից զրկվել էր 2014-ի ապրիլին Ուկրաինայում տեղի ունեցած իրադարձությունների և Ղրիմը Ռուսաստանին վերամիավորելու պատճառով:

Հայաստանում ձևավորվում է ընդդիմադիր նոր շարժում, որը խոստանում է թեժացնել ներքաղաքական աշունը: Պատրաստվում են սեպտեմբերի 6-ին մեծ հանարահավաք անել: Շարժման հեղնակներից Գրիշա Վիրաբյանը, որը ողջունել է անցած տարվա ապրիլ-մայիսի իրադարձությունները, կարծում է, որ երկրում բարքերի հեղափոխություն չի եղել: Պարզապես նորերը, փոխել են հներին:

Փարիզում վաղը աճուրդի կհանեն աշխարհահռչակ շանսոնյե Շառլ Ազնավուրի՝ Կլոդ Մեսսիա անունով աղջկան հասցեագրված սիրային նամակները: Ազնավուրը աղջկան հանդիպել է կուլիսներում՝ 50-ականների, երբ շրջագայում էր Իսպանիայում: Figaro պարբերականը գրում է, որ նամակագրությունը 118 էջ է, որից 42-ը Ազնավուրի ձեռագրեր են: Նամակների նախնական գինը՝ 30-40 հազար եվրո է: