Լրահոս

Բաղրամյան պողոտայում կեսօրին տեղի ունեցած բախումների հետեւանքով հիվանդանոց տեղափոխվածներ կան: 6 քաղաքացու ոստիկանությունը բերման է ենթարկել: Ամեն ինչ սկսել է, Բաղրամյան 26-ում Փաշինյանի հրավիրած քննարկումից: Ամուլսարի հանքի շահագործմանը դեմ բնապահպանները հանդիպումից դժգոհ են հեռացել: Որոշել են հանրային քննարկում կազմակերպել ազգային ժողովի բակում, բայց ոստիկանները թույլ չեն տվել: 
Մինչեւ այդ՝ Ջերմուկից ավտոերթով Երեւան էին ժամանել ջեմուկցիները ու նախագահի նստավայրի դիամց մեծ հույսերով սպասում էին հանդիպման արդյունքներին: Ի դեպ, մինչեւ հիմա չկա հարցի պատասխանը, թե ինչու էր քննարկումը ոչ թե՝ կառավարությունում, այլ Բաղրամյան 26-ում անցկացվում:

Իսկ վերջում, հատուկ շեշտում եմ՝ մենք նստելուց չենք վախենում և պատրաստ ենք այդ քայլին, որովհետեւ դա կլինի հանուն մեր ժողովրդի, որի աչքերը վերջնականապես կբացվեն եւ կտեսնի, թե՝ ով-ով է… Նկատի ունեցիր՝ մեր նստելը ավելի հզոր կլինի, քան քո երբեմնի քայլելը․․Դե, Նիկոլ ջան՝ առաջ…

Մեծի Տանն Կիլիկիո Արամ Ա Կաթողիկոսն իր տեսակետն է ներկայացրել Ստամբուլյան կոնվենցիայի վերաբերյալ։

Տնտեսագիտական համալսարանի ռեկտորի պաշտոնակատարի շուրջ աղմուկը չի հանդարտվում: Դասախոսները պատրաստվում են դիմել իրավապահներին, որպեսզի պարզեն, թե ինչու է Ռուբեն Հայրապետյանը շարունակում պաշտոնավարել, եթե նրա նշանակման ժամկետը լրացել է : 

Խայտառակ խախտումներով կրճատումներ են անում Ազգային ժողովի աշխատակազմում: Շատերին հեռացման մասին հեռախոսով են հայտնել: Արդեն նախկին աշխատակցի խոսքով՝ 8 ամիս առաջ աշխատակազմի ղեկավար նշանակված Տիգրան Գալստյանը հենց սկզբից ցույց տվել է, որ գործի գիտակների հետ շփվելու մտադրություն չունի:

Իջեւանի հայտնի դեպքերից հետո տավուշցիները ակտիվ գործ են փնտրում, բայց մարզպետի ասած 200 աշխատատեղից հարմարը չեն գտնում: Ոչ կարող են բժիշկ աշխատել, ոչ էլ՝ ուսուցիչ, ինչի կարիքը մարզում կա: Իսկ առաջարկվող աշխատանքով՝ երկար չես ապրի: Ասում են՝ Ռուսաստանում ասֆալտի գործով ավելի շատ էին վաստակում: 

«Դեմ եմ Ստամբուլյան կոնվենցիային» կարգախոսով՝ մոտովարները երթով կշրջեն 11 քաղաքով: Առաջին կանգառը Աբովյանն է: Բնակիչներին իրազեկելու են կոնվենցիայի, իրենց խոսքով վտանգների մասին:

Ջերմուկցիները բաց նամակով դիմել են վարչապետին՝ հույս հայտնել, որ Նիկոլ Փաշինյանը խոստումը կպահի ու կգնա Ջերմուկ: Բայց արդեն հայտնի է, որ Փաշինյանը երկուշաբթի Երեւանում կընդունի Ջերմուկի քաղաքապետին ու էլի մի քանի պաշտոնյայի: Նույն նամակում ջերմուկցիները գրել են, որ վարչապետի հետ հանդիպումից է կախված՝ իրենց հետագա քայլերը:

Գրենլանդիան չի վաճառվում: Ադ երկրի կառավարությունը պատասխանել է Միացյալ Նահանգների նախագահին, որը երկիրը գնելու ցանկություն էր հայտնել: Չնայած դրան՝ մասնագետներն արդեն սկսել են հաշվել կղզու մոտավոր արժեքը: Այն գնահատվում է 10 տրիլիոն դոլար, որը Միացյալ Նահանգների ՀՆԱ-ի մոտավորապես կեսն է: Գրենլանդիան վաճառելու միտքը քննադատել են նաև տեղի խորհրդարանի պատգամավորները, որոնք պայքարում էին Դանիայից Գրենլանդիայի անկախության օգտին: Նրանց խոսքով՝ «Գրենլանդիան ապրանք չէ, և Դանիան չի կարող վաճառել այն»:

Երկրորդ նախագահ Ռոբերտ Քոչարյանի աջակիցները շարունակում են մեր երկրի դատաիրավական ոլորտի մասին իրազեկման ակցիաները; Այսօր նամակ են հանձնել Հայաստանում Գերմանիայի դեսպանին:

Ի՞նչ արդյունք տվեցին Իջևանի դեպքերը, երբ փայտի գործով զբաղվողները փակեցին միջպետական ճանապարհը, բախվեցին իրավապահների հետ, 10-նյակ մարդիկ բերման ենթարկվեցին, իսկ նրանց մի մասը դեռ ազատ չի արձակվել:
Արդյո՞ք հիմա Իջևանի անտառներից անօրինական փայտ չեն հանում: Համառ լուրեր կան, որ անտառից կտրվել է միայն հազիվ օրվա հաց վաստակող ու ձմռանը տունը գոլ գցող մարդկանց ոտքը, իսկ խոշոր փայտագործների բիզնեսը շարունակում է ծաղկել: