Լրահոս

Երևանի ընդհանուր իրավասության դատարանում՝ դատավոր Կարեն Ֆարխոյանի նախագահությամբ,  տեղի ունեցավ Վարդգես Գասպարին՝ ընդդեմ Արմեն Թավադյանի գործով 4-րդ դատական նիստը:

Հունվարի 30-ին՝ ժամը 13:15-ի սահմանում, ՊԲ կենտրոնական ենթակայությամբ գործող զորամասերից մեկում, 

դեռևս չպարզված հանգամանքներում, մահացու հրազենային վիրավորում է ստացել ՊԲ զինծառայող, 2000թ. ծնված Վահրամ Մկրտիչի Ավագյանը:

ԿԳՄՍ նախարարությունում օրը ցերեկով անհետացել է շուրջ 10 միլիոն դրամ և ոչ ոք չի փորձում հստակ պատասխան տալ, թե ինչ եղավ այդ պատկառելի գումարը: 10 միլիոնը նախատեսված էր Լեզվի կոմիտեի աշխատակիցների երրորդ և չորրորդ եռամսյակների պարգևավճարների ու լրավճարների համար: Նախարարության ֆինանսական բաժինը դուրս է գրել վերոհիշյալ գումարը, սակայն փողերը կես ճանապարհին անհետացել են և այդպես էլ չեն հասել հասցեատերերին:

Թովմասյանն իր համառությամբ Փաշինյանին հարկադրեց խախտել իրավական և բարոյական օրենքները, իսկ դրանք խախտողները պարտված են ու վաղ թե ուշ պատասխան են տալիս:

Բոլորս քաջ գիտակցում ենք, որ նա ուներ փախուստի դիմելու բոլոր հնարավորությունները, բայց չդիմեց այդ քայլին։ Ձեզ հարց տվեք՝ ինչու՞։

Փաստաբան Ալեքսանդր Կոչուբաեւը դատախազություն է ներկայացրել փաստեր, որոնք փաստաբանի պնդմամբ կարող են փոխել Մարտի 1-ի գործի ընթացքը: Փակագծեր չի բացում, միայն հայտնում է, որ մարտի մեկի գործողությունները հրահրված են եղել: Տվյալները փաստաբանին «Այլընտրանք» ՀԿ-ից Նարեկ Մանթաշյանն է տվել, երբ հունվարի 17-ին Վիքիլիկսը հրապարակել է գաղտնազերծված տվյալներ՝ մարտի 1-ի իրադարձությունների վերաբերյալ:

Մինչ Հայաստանի դատավորները դիմադրում են, իսկ մի մասն էլ լուռ հետեւում է դատական համակարգի դեմ տարվող արշավի հանգուցալուծմանը լեհ դատավորների ձայնը հասել է ԵԽԽՎ: Լեհաստանի կառավարությունը փորձում է սահմանափակել դատավորների ազատությունը, պնդում են նրանք: Վեհաժողովում սրա վերաբերյալ բանաձեւ են ընդունել: Այն ստորագրել են նաեւ մեր պատվիրակության անդամները:

Չինաստանում զգուշացնում են միսն ու ձուկը եփելուց առաջ լավ լվացեք: Այստեղ կորոնավիրուսից մահացածների թիվը հասել է 132-ի:Հայաստանում կորոնավիրուսի վտանգ չկա: Առողջապահության նախարարությունից վստահեցնում են, իրենք հեշտությամբ կարող են տարբերել կորոնավիրուսը սովորական թոքաբորբից:

Սահմանադրական դատարանի նախագահը մոռացել էր, որ վարչապետին գրիչ է տվել: Երբ Փաշինյանը այդ դրվագը հանրայնացրեց գրիչ տալը քծնանք որակելով Հրայր Թովմասյանը հիշել է՝ այդ օրը Հայաստան համահայկական հիմնադրամի նիստին գրիչ էր նվիրել վարչապետին, որովհետեւ վարչապետը գրիչ էր փնտրում:«Որոշ մարդիկ քաղաքավարության կանոնները շփոթում են քծնանքի հետ»: 168-էյեմի Պրեսսինգ հաղորդման ժամանակ ասել է Թովմասյանը:

Վաղը խորհրդարանական Իմ քայլը խմբակցությունը փակ քննարկում կունենա ոստիկանապետի ժամանակավոր պաշտոնակատարի հետ: Արման Սարգսյանից կհետաքրքրվեն, թե այդ ի՞նչ պատմություն էր, ինչո՞ւ էին երեկ որտեղից պատահի բերման ենթարկում Ադեկվադ միաբանության ու ՎԵՏՕ նախաձեռնության անդամներին, ապա ազատ արձակում: Ոստիկանության գործողություններում հիմքեր չի տեսել «Լուսավոր Հայաստանից» Տարոն Սիմոնյանը: Իսկ ԲՀԿ-ից փորձում են իմ քայլականների աչքերը բացել, տեսեք թե ինչ են գրում Երեւանի ավագանու իմ քայլական անդամները:

«Հրայր Թովմասյանը խախտումով է դարձել ՍԴ նախագահ» ասելով վարչապետը՝ ըստ իմ քայլականների քաղաքական հայտարարություն է արել: Խորհրդարանական «Լուսավոր Հայաստանը» պնդում է. վարչապետը խախտել է անմեղության կանխավարկածը՝ Հրայր Թովմասյանի հասցեին կոշտ հայտարարություններ անելով: Չարաբաստիկ գրչի պատմության մեջ որեւէ քաղաքական բովանդակություն չեն տեսնում նաեւ ԲՀԿ-ում:

Համար 52 դպրոցի մոտ ավտովթարից 11-ամյա երեխայի ողբերգական մահից հետո դպրոցի աշակերտների ծնողները պահանջում են վերանայել այդ հատվածում երթեւեկության կանոնները: Շենգավիթի թաղապետարանից վստահեցրել են շուտով հարցը կլուծվի: Բայց Շիրակի փողոցում եւս մեկ դպրոց կա, նույն խնդիրներով: Աշակերտները փողոցը հատելուց առաջ շատ երկար աջ ու ձախ պետք է նայեն:

Կոնսենսուս մինուս մեկը կայացել է, հասարակության էյֆորիան՝ անցել: Երեւան Թըդեյ լրատվական կայքի հետ զրույցում ասել է հանրապետության երկրորդ նախագահ Ռոբերտ Քոչարյանը: «Իր էությամբ ու գործողություններով իշխանությունն ինձ վերադարձրեց քաղաքականություն, իսկ անազատության մեջ պահելով՝ ինձ հաջողությամբ դարձնում է իր ապաշնորհ կառավարմանը դիմակայելու խորհրդանիշ»,- ասել է նա: Հարցազրույցում Քոչարյանը անդրադարձել է նաեւ երկրի տնտեսական ցուցնիշներին կանխատեսել 2020 տնտեսական տարին:

«Բաց հասարակության հիմնադրամ-Հայաստանի» գործադիր տնօրենը այսօր հայտարարել է, որ վարչապետի հետ հեռախոսազրույց չի ունեցել: Լարիսա Մինասյան-Նիկոլ Փաշինյան կոշտ հեռախոսազրույցի մասին 6-րդ վարչությունից դուրս գալուց հետո ՎԵՏՕ շարժման հիմնադիր Նարեկ Մալյանն էր պնդում: