Լրահոս

Բրազիլիայի նախագահ Ժաիր Բոլսոնարուի կորոնավիրուսի ստուգման առաջին թեստը դրական է: Ռուսական մամուլը հղում անելով բրազիլական լրատվամիջոցներին հիշեցնում են, որ կորոնավիրուսով վարակվել է Բրազիլիայի նախագահի աշխատակազմի հանրային հաղորդակցության ղեկավարը , ինչից հետո նախագահը եւ նրա կինը թեստ են հանձնել: Այս տեղեկությունը պաշտոնապես դեռ չեն հաստատել: Ինչպես գիտեք, Բրազիլիայի նախագահի տիկնոջ հետ մարտի 6-ին հանդիպել էր Հայաստանի վարչապետի տիկին Աննա Հակոբյանը: Վարակը հաստատվել է նաեւ Կանադայի վարչապետ Ջասթին Թրյուդոյի կնոջ մոտ: Երբ կինը վերադարձել էր Մեծ Բրիտանիայից ու վիրուսի ախտանշաններ ունեցել՝ Թրյուդոն ինքնամեկուսացվել էր:

Պայմանավորված ներկայիս իրավիճակով` «Նորք» ինֆեկցիոն հիվանդանոցը վերապրոֆիլավորվել է և այսուհետ սպասարկելու է միայն կորոնավիրուսային հիվանդության կասկածով և հաստատված պացիենտներին:

Ն.Ս.Օ.Տ.Տ. Արամ Ա. Կաթողիկոսը ֆեյսբուքյան իր էջում հաղորդագրություն է տարածել.

Մարտի 13-ի, ժամը 14։00-ի դրությամբ Հայաստանում իրականացվել է Կորոնավիրուսային հիվանդության 292 հետազոտություն` 8 դրական արդյունքով, որից 2-ը հաստատվել է քիչ առաջ: Պացիենտները հոսպիտալացված են ինֆեկցիոն հիվանդանոցում: Ջերմում է միայն թոքաբորբով հիվանդը, մնացած 7-ը գանգատներ չունեն:

Կորոնավիրուսի կանխարգելման նպատակով իրականացվող միջոցառումների շրջանակում Հայաստանի Հանրապետության կենտրոնական բանկը ևս մեկ անգամ հորդորում է հնարավորինս լայնորեն օգտվել անկանխիկ վճարամիջոցներից և առցանց բանկային ծառայություններից:

Իրենց հեղափոխության պահապաններ կոչող երիտասարդներն այցելում են վարչապետի հասցեին վատ խոսքեր ասողներին ու սպառնում ներողություն խնդրել՝ հակառակ դեպքում կպատժվեն: Համացանցում նման մի տեսանյութի տարածումից հետո իրավաբանները հեղափոխության պաշտպաններից պաշտպանվելու հորդորով դիմեցին իրավապահներին: Պատգամավոր Անի Սամսոնյանը դատախազություն է դիմել: Երիտասարդների գործողությունները դատապարտել է վարչապետ Փաշինյանը:

Ինչպես պաշտպանվել կիբերհարձակումներից:

Եղեգնաձորում ծեծված սպայի հարազատներն այսօր ցույց են արել կառավարության դիմաց: Գործադիրի մի որոշման փոփոխության համար պայքարը շարունակում են նաեւ ՁԻԱՀ-ի կենտրոնի շահառուներն ու բժիշկները:

Արցախում նախագահի ու խորհրդարանի ընտրությունների քարոզարշավի ակտիվ փուլն է: Նախագահի 14 թեկնածուները շարունակում են հանդիպումները ընտրողների հետ:

Առողջապահության նախարարը հավատացնում է, որ նոր կորոնավիրուսով վարակված 3 նոր անձանց սերտ շփման ամբողջ շրջանակը հայտնաբերված է: Չնայած կոնորավիրուսի դեմ պայքարին թափ հաղորդելու միջազգային հորդորներին եւ հասարակական պահանջին, կառավարությունը դեռ չունի ուսումնական հաստատությունները փակելու որոշում: Հանրաքվեի քարոզարշավն էլ չեն ընդհատի՝ վարչապետ Փաշինյանն ասել է դրա կարիքը չկա:

Ադրբեջանում կորոնավիրուսից առաջին մահն է գանցվել: 51-ամյա կինը Իրանից էր վերադարձել երկիր ու բացի կորոնավիրուսից այլ հիվանդություններ էլ է ունեցել: Մեր մյուս հարեւան Վրաստանում կորոնավիրուսով վարակվածների թիվը հասել է 25-ի:

Արգենտինայում կորոնավիրուսի տնտեսական վնասներն են հաշվում: Ֆերմերները ամեն րոպե զգում են, թե ինչպես է իրենց ապրանքը արժեզրկվում: Ստիպված միսն ու բանջարեղենը ջրի գնով են տալիս:

Չնայած Թուրքիայի հետաքրքրությունը Արցախի նկատմամբ նոր չէ, հայ փորձագետներին անհանգստացնում է ռուս-թուրքական հարաբերությունների նոր սրացման հնարավոր հետեւանքները: Քաղաքագետներ կարծում են, որ Թուրքիան փոքր եղբոր միջոցով կարող է դուրս գալ Ռուսաստանի դեմ: «Պոլիտէկոնոմիա» հետազոտական ինստիտուտն այսօր քննարկում է կազմակերպել Արցախի թեմայով:

Հայաստանում կորոնավիրուսի կասկածով մեկուսացվածների թիվը հասնում է 9 տասնյակի: Պաշտոնական տվյալով, վարակակիր է չորս մարդ, որոնցից մեկը ժամանել է Իրանից, մյուսները՝ Իտալիայից: Այդ երկու երկրները համաճարակի գլխավոր օջախներն են՝ Չինաստանից հետո: Ենթադրվում է, որ այսօր մեկուսացվածներից շատերը Էջմիածնից են: Կորոնավիրուսով վարակված Էջմիածնի բնակչուհին, Իտալիայից ժամանելուց հետո, ջերմել է, բայց որդու նշանադրությունը չի հետաձգել: Մարտի 8-ին տեղի ունեցած այդ արարողության մասնակիցներին՝ երեք- չորս օր անց մեկուսացրել են: