Լրահոս

ՀՀ ՊՆ-ն հայտնում է, որ զորամիավորումներում դեկտեմբերի 29-ին իրականացվել են մարտական հերթապահության հերթափոխի նախապատրաստական աշխատանքներ: Ստորաբաժանումների ղեկավարները ստուգել են զինծառայողներին կցագրված զենքն ու զինամթերքը, համապատասխան փաստաթղթերի առկայությունը, հրահանգավորել անձնակազմին անվտանգության կանոնների պահպանման վերաբերյալ։

Յոլյանի անվան արյունաբանական կենտրոնում բուժվող երեխաների համար «Գեոպրոմայնիգը» տոն է կազմակերպել:

ԻԱ Նովոստիին տված հարցազրույցում ՌԴ փոխարտգործնախարար Անդրեյ Ռուդենկոն ասել է, որ Ռուսաստանը պատրաստ է միջնորդ դառնալ Հայաստանի և Թուրքիայի միջև հարաբերությունների կարգավորման շուրջ երկխոսության հարցում։ Նա մասնավորապես նշել է. «Հայ-թուրքական հարաբերությունների կարգավորումն անկասկած կնպաստեր տարածաշրջանի ընդհանուր իրավիճակի առողջացմանը։ Այս տեսանկյունից ողջունում ենք երկխոսություն սկսելու տրամադրվածությունը, որը վերջին շրջանում դրսևորում են Անկարան ու Երևանը։ Գոհունակությամբ ենք նշում կարգավորման բարդ հարցի քննարկման համար հատուկ ներկայացուցիչների նշանակումը»: Ըստ Ռուդենկոյի՝ Մոսկվան պատրաստ է հնարավորինս աջակցություն ցուցաբերել կողմերի միջև հարաբերությունների կարգավորման հարցում:

Փետրվարի մեկից մեր քաղաքացիների համար հոսանքի սակագինը միջինում կբարձրանա 4,7 դրամով, հանրային ծառայությունները կարգավորող հանձնաժողովն այսօր միաձայն որոշում է ընդունել, որը չի ազդի միայն սոցալապես անապահով մարդկանց վրա:

Ադրբեջանցիները գերեվարել են Ասկերանի շրջանի Այգեստան գյուղի 50-ամյա բնակչին: Արցախի ազգային անվատանգության ծառայությունը հայտնում է, որ այսօր առավոտյան 7-ն անց 30-ի սահմանում՝ հաղորդում են ստացել՝ Արմեն Աբրիկի Վերդյանի անհետանալու մասին:

Վրաստանի խորհրդարանի նախագահ է ընտրվել Շալվա Պապուաշվիլին՝ 88 կողմ և 1 դեմ ձայնով: Պապուաշվիլին մինչև վերջերս գլխավորել է կրթության և գիտության կոմիտեն։

Ճապոնական Տագա քաղաքը ծածկվել է ձյան հաստ շերտով: Վերջին օրերին այնտեղ ռեկորդային տեղումներ են:

Թուրքիայի իշխանություններն արշավ են սկսել Ստամբուլի ընդդիմադիր քաղաքապետ Էքրեմ Իմամօղլուի դեմ։

«Ռուսաստանն ակտիվորն աջակցել ու աջակցում է Բաքվի ու Երևանի միջև հարաբերությունների կարգավորմանը»: Այս մասին Ռուսաստանի արտգործնախարարությունն է հայտարարել՝ «2021-ի արտաքին քաղաքական արդյունքները» ամփոփելիս:

«Հայաստան» համահայկական հիմնադրամը հերքել է մամուլում տարածված տեղեկությունները, թե պատրաստվում է դադարեցնել գործունեությունը Արցախում:

«Շենգավիթ» բժշկական կենտրոնից հայտնում են, որ 53-ամյա կինը դիմել էր «Շենգավիթ» ԲԿ, Վերարտադրողական առողջության կենտրոնի գինեկոլոգ֊ռեպրոդուկտոլոգ Աննա Խաչատրյանին։ Որոշ դժվարություններ հաղթահարելուց հետո, արտամարմնային բեղմնավորման (эко) փորձից հետո գրանցվել էր երկար սպասված հղիությունը։ Հղիության ողջ ընթացքում կինը գտնվել է «Շենգավիթ» ԲԿ մանկաբարձական ծառայության ղեկավար, մանկաբարձ-գինեկոլոգ Աշոտ Սիրունյանի անմիջական հսկողության տակ։ Հաշվի առնելով կնոջ տարիքը և ԱԲՄ հանգամանքը Աշոտ Սիրունյանի կողմից իրականացվել է կեսարյան հատում։ Ծնվել է աղջիկ, ում անվանակոչել են Անահիտ։ Երջանիկ մայրիկն ու նորածին Անահիտն արդեն տանն են: 53-ամյա կինը շնորհակալություն է հայտնում «Շենգավիթ» ԲԿ-ի բուժանձնակազմին:

ԱԺ «Պատիվ ունեմ» խմբակցության ղեկավար Արթուր Վանեցյանի նկատմամբ քրեական հետապնդումը դադարեցվել է, այս մասին տեղեկացնում են փաստաբաններ Լուսինե Սհակյանն ու Երվանդ Վարոսյանը։ Պաշտպանների հայտարարությունում մասնավորապես ասվում է հետևյալը․ «Մեկ տարի, մեկ ամիս և 10 օր... Ուղիղ այսքան ժամանակ ՀՀ ԱԱԾ նախկին տնօրեն, «Հայրենիք» կուսակցության ղեկավար, ԱԺ պատգամավոր, «Պատիվ ունեմ» խմբակցության ղեկավար Արթուր Վանեցյանը հանիրավի քրեական հետապնդման ենթարկվեց պետական գործչի (Նիկոլ Փաշինյան) սպանության նախապատրաստության և իշխանությունը յուրացնելու նախապատրաստության համար։ Այս քրեական հետապնդումը զուգորդվեց Արթուր Վանեցյանի ձերբակալությամբ, նրա նկատմամբ կալանավորումը որպես խափանման միջոց ընտրելու վերաբերյալ դատարան ներկայացված միջնորդությամբ, որն ի դեպ դատարանում անձամբ ներկայացնում էր ՀՀ գլխավոր դատախազի տեղակալը, այնուհետև Արթուր Վանեցյանին կալանավորելու փորձերը շարունակվեցին նաև վերաքննիչ ու վճռաբեկ ատյաններում։ Խուզարկություններ իրականացվեցին ոչ միայն Արթուր Վանեցյանի բնակարանում, այլ նաև նրա ծնողների բնակարանում, «Հայրենիք» զարգացման հիմնադրամի գրասենյակում։ Հեռուստատեսությամբ պարբերաբար եթեր էր հեռարձակվում ահասառսուռ ձայնով մի տեսահոլովակ, որ պատմում էր Նիկոլ Փաշինյանի սպանությունը նախապատրաստող խմբի մասին։ Այս ողջ ընթացքում Արթուր Վանեցյանի նկատմամբ կիրառված էր խափանման միջոց, սահմանափակված էր նրա սահմանային տեղաշարժը։ Այս քրեական գործի քննության առաջին իսկ օրվանից ակնհայտ էր, որ գործ ունենք մտացածին, որևէ բանական հիմք չունեցող մեղադրանքների հետ։ Արթուր Վանեցյանի նկատմամբ կալանավորումը որպես խափանման միջոց ընտրելու մասին միջնորդությունը մերժելու վերաբերյալ դատարանի կողմից կայացված որոշմամբ էր անգամ հաստատվել, որ առկա չէ հիմնավոր կասկածը, թե Արթուր Վանեցյանը հնարավոր է առնչություն ունենա իրեն վերագրվող արարքներին։ Եւ նման պայմաններում է, որ միայն 2021 թվականի դեկտեմբերի 24-ին ՀՀ ԱԱԾ Քննչական դեպարտամենտի քննիչի կողմից կայացված որոշմամբ դադարեցվել է Արթուր Վանեցյանի նկատմամբ ՀՀ քրեական օրենսգրքի 35-300-րդ հոդվածի 1-ին մասով և 35-305-րդ հոդվածով իրականացվող քրեական հետապնդումը` հանցակազմի բացակայության պատճառաբանությամբ, միաժամանակ վերացվել է նրա նկատմամբ ընտրված խափանման միջոցը։ Կայացված որոշմամբ փաստվել է, որ Նիկոլ Փաշինյանի սպանության նախապատրաստություն կամ իշխանության յուրացման նախապատրաստություն առկասարակ տեղի չի ունեցել»։

Կորոնավիրուսային հիվանդության նոր «Օմիկրոն» մանրէահիմքի արագ տարածումը կապված է դրա առանձնահատկությունների՝ ավելի արագ վերարտադրության և պատվաստանյութի պաշտպանության հաղթահարման հետ։ Այս մասին ՌԻԱ Նովոստիին հայտնել է վիրուսաբան, Նովոսիբիրսկի պետական համալսարանի բիոնանոտեխնոլոգիայի, մանրէաբանության և վիրուսաբանության լաբորատորիայի վարիչ Սերգեյ Նետեսովը։ «Առաջին հերթին «Օմիկրոն» մանրէահիմքը բավականին տարբերվում է վարակված մարդու օրգանիզմում արագ վերարտադրության շնորհիվ։ Երկրորդ՝ այն բավականին փոփոխված է մակերեսային սպիտակուցի հակածինների առումով, և այդ պատճառով այն մեծամասամբ հաղթահարում է գոյություն ունեցող պատվաստանյութերի նկատմամբ իմունիտետը, հատկապես եթե մարդիկ պատվաստվել են ավելի քան կես տարի առաջ»,– ասել է գործակալության զրուցակիցը: Երրորդ պատճառը, ըստ նրա, ընդհանուր առմամբ բնակչության իմունիզացիայի ցածր տեմպերն են։ «Մարդիկ անընդհատ մտածում են, որ իրենց ինչ-որ կախարդական բան է դուրս բերելու իրավիճակից, իսկ իրականում պատվաստանյութից բացի ոչինչ չի օգնում։ Ամեն դեպքում, պատվաստվածների մոտ հիվանդությունն ավելի հեշտ ընթացք է ունենում, իսկ չպատվաստվածների պարագայում՝ ոչ այդքան. նրանց ավելի քան 90 տոկոսը ծանր հիվանդների շրջանում է»,- ասել է գիտնականը: Ավելի վաղ սիբիրցի գիտնականները Նովոսիբիրսկի ագլոմերացիայի նոր թեստ-համակարգի փորձարկումների արդյունքներով պարզել էին, որ «Օմիկրոն» մանրէահիմքը հունվարի առաջին երկու շաբաթում դարձել է գերիշխող՝ գրեթե դուրս մղելով կորոնավիրուսի նախորդ մանրէահիմքերը:

ԱԻՆ-ը տեղեկացնում է, որ ՀՀ տարածքում կա փակ ավտոճանապարհ: Փակ է Արագածոտնի մարզում Ամբերդ ամրոցից դեպի Քարի լիճ տանող ավտոճանապարհը։ Վարդենյաց լեռնանցքում, Շիրակի մարզի Գյումրի-Բավրա, Գյումրի-Վանաձոր և Սյունիքի մարզի ավտոճանապարհներին տեղ-տեղ առկա է մերկասառույց։ Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար։ Վարորդներին խորհուրդ է տրվում երթևեկել բացառապես ձմեռային անվադողերով։

ԱՄՆ Ներկայացուցիչների պալատի անդամ Ֆրանկ Փալոնն իթ թվիթերյան էջում գրառում է արել՝ անդրադառնալով ԱՄՆ նախագահ Ջո Բայդենի կողմից ստորագրված ԱՄՆ ազգային պաշտպանության մասին օրենքին։ Փալոնի գրառման մեջ մասնավորապես ասվում է, որ Բայդենի կողմից ստորագրված օրենքը Թուրքիային և Ադրբեջանին առնչվող կարևոր դրույթներ է պարունակում: «Ազգային պաշտպանության մասին օրենքը, որը ստորագրեց Բայդենը, կարևոր դրույթներ է ներառում, որոնք ուղղված են Ադրբեջանին և Թուրքիային պատասխանատվության ենթարկելուն Արցախում կատարած ռազմական հանցագործությունների համար: Ես կհետևեմ, որ պահանջվող զեկույցները ճշգրիտ լինեն այդ հանցագործությունները փաստագրելիս»,–գրել է Փալոնը։

Գորիսի համայնքապետ Առուշ Առուշանյանը կմնա կալանքի տակ: Դատարանը մեժել է նրան 30 միլիոն դրամ գրավի դիմաց ազատելու միջնորդությունը:

Միանգամից երկու հանդիպում է նախատեսվում Մոսկվայի ու Վաշինգտոնի միջև՝ երկու երկրների սպառազինությունների վերահսկումը և Ուկրաինայի շուրջ իրավիճակը քննարկելու համար:

ՔՊ-ականները գրեթե հունից դուրս են գալիս, երբ ընդդիմությունը իշխանության պրոադրբեջանական դիրքորոշումների մասին է խոսում: Փորձագետները նկատում են, որ երկրորդ նախագահ Ռոբերտ Քոչարյանի ասուլիսը կրկին սրել է ՔՊ-ի ցավերը, երբ Քոչարյանը պնդել է՝ հայ-ադրբեջանական սահմանների զատումը վտանգավոր է Արցախի ամբողջականության համար:

Մամուլը գրում է, թե Փաշինյանը Սամվել Բաբայանի միջոցով փորձել է գլխատել Արցախը՝ Արայիկ Հարությունյանի իմպիչմենթի գործընթաց սկսել: Արցախի նախագահ Արայիկ Հարությունյանը Հայաստանի վարչապետի ասուլիսից հետո հայտարարել էր, թե «միայն Արցախի իշխանություններն են լիազորված խոսելու Արցախի բնակչության անունից»: Արտգործնախարար Դավիթ Բաբայանը հույս ունի, որ Փաշինյանի խոսքերը պաշտոնական Երևանի դիրքորոշումները չեն:

Կառավարության մոտ այսօր բողոքի ակցիա են արել Հադրութից, Շուշիից բռնի տեղահանվածները: Նրանք պահանջում են կա՛մ վերադարձ Հադրութ, կա՛մ փախստականի կարգավիճակ: