Լրահոս

Ուկրաինայից մեդալներով են վերադարձել Հայաստանի ըմբշամարտի մանկապատանեկան հավաքականը: Մրցաշարին մասնակցող 7 մարզիկներն էլ՝ մեդալ են բերել:

Արտգործնախարար Զոհրաբ Մնացականյանը Ադրբեջանցի գործընկեր Մամեդյարովի հետ հանդիպումից առաջ Վաշինգտոնում հանդիպել է ԵԱՀԿ Մինսկի խմբի համանախագահներին: Մնացականյանին կընդունի նաև Միացյալ նահանգների նախագահի Անվտանգության հարցերով խորհրդականը: Ջոն Բոլթոնն իր թվիթերյան էջում գրել է, որ Միացյալ Նահանգները պատրաստ է աջակցելու տարածաշրջանում խաղաղության հարցի առաջխաղացմանը: 

Խորհրդարանում Լուսավոր Հայաստանից Անի Սամսոնյանը Կրթության և Գիտության նախարարից փորձել է պարզել, թե որն է հայոց լեզվի միասնական քննությունից՝ դիմորդների մոտ 20 տոկոսի կտրվելու պատճառը, նկատելով, որ աչքի տեղը ունքն էլ են հանել: Արայիկ Հարությունյանն ասել է, որ թեստերում փոփոխություններ անելով փորձել են գալ ՙնորմալ շողուլային վիճակի՚: Նախարարի հետ համաձայն չեն նաև Գիտությունների ազգային ակադեմիայում գործող՝ Լեզվի երիտասարդ պաշտպանների խորհուրդը:

 Ազգային ժողովում քննարկվում էր 2018-ի պետական բյուջեի կատարման տարեկան հաշվետվությունը, որը նախորդ օրերին անցել է հանձնաժողովներով: Հաշվետվությունը ներկայացնելու համար խորհրդարանում էր կառավարության ողջ կազմը, բացի բյուջեի կատարողականի գլխավոր պատասխանատու Նիկոլ Փաշինյանից: Լրագրողները նաև նկատել են, որ բյուջեի հաշվետվության վերաբերյալ պատգամավորների կողմից ընդամենը 5 հարց է հնչել: 88 հոգանոց խմբակցությունից՝ միայն մեկը:

Ազգային ժողովում բարկացրել են Ծառուկյանին: ԲՀԿ ղեկավարին հունից հանել են լրագրողների հարցերը՝ Աբովյանի ընտրություններից առաջ՝ իշխող կուսակցության թեկնածուի մեքենան ու տան մուտքը հրդեհելու գործով: 

Դատարանի բակում հավաքվել էին Քոչարյանի աջակիցներն ու հակառակ թևը: Առավոտյան միջադեպ էր եղել այս երկու խմբի միջև: Նրանցից մի քանիսին ոստիկանները բերման էին ենթարկել:

Վերաքննիչ դատարանում այսօր շարունակվել է երկրորդ նախագահ Ռոբերտ Քոչարյանի և մյուսների գործով բողոքների քննությունը: Մինչեւ դատախազների բողոքի ճառերը լսելը, դատարանը՝ արդեն 3-րդ անգամ մերժել է դատավոր Արմեն Դանիելյանին ինքնաբացարկ հայտնելու՝ Քոչարյանի պաշտպանների միջնորդությունը: Մեղադրող դատախազը միջնորդել է՝ կրկին կալանավորել Քոչարյանին:

2019թ. հունիսի 20-ին տեղի կունենա «Ադեկվադ» ՀԿ նախաձեռնած «Ադեկվադ դիսկուրս» կոնֆերանսը, որի ընթացքում հրավիրված փորձագետներն ու քաղաքական գործիչները կխոսեն Հայաստանում և տարածաշրջանում ստեղծված իրավիճակի մասին։

Որպես քաղաքացի և որպես ԱԺ պատգամավոր, խնդրում եմ Ձեր հանձնարարականը Ճանապարհային ոստիկանությանը՝ ժամ առաջ արգելել այդպիսի տրանսպորտային միջոցների շահագործումը՝ կիրառելով օրենսդրությամբ նախատեսված անհրաժեշտ միջոցառումներ:
 

ՀՀ երկրորդ նախագահ Ռոբերտ Քոչարյանի, Սեյրան Օհանյանի, Յուրի Խաչատուրովի և Արմեն Գևորգյանի վերաբերյալ բողոքի գործով դատական նիստը հետաձգվեց և նշանակվեց հունիսի 20-ին՝ ժամը 14:00-ին:

ՀՀ պաշտպանության նախարարի հրամանով ՀՀ պաշտպանության նախարարին կից հասարակական խորհրդի հովանու ներքո ստեղծվել է 2019թ. ամառային զորակոչի ընթացքում քաղաքացիների դիմումների և բողոքների քննարկման հանձնաժողով: Հանձնաժողովի նախագահ է նշանակվել պաշտպանության նախարարի խորհրդական Գ. Հարությունյանը:

Կենտրոն վարչական տարածքի Գրիգոր Լուսավորիչ փողոցում իր BMW մակնիշի 03 NN 003 համարանիշի կայանված ավտոմեքենայի դռան ապակին կոտրել են և այնտեղից հափշտակել ձեռքի պայուսակը, փաստաթղթեր և այլ իրեր։

Ընդհանրապես Վահե Գրիգորյանը մեր պատմության մեջ արդեն իր ուրույն տեղն ունեցող անհատ է. նա այն եզակին է (դեռևս իհարկե), որ Սահմանադրությամբ երկրի գլուխ հանդիսացող պաշտոնյային ստորացրել է և հենց վերջինիս կողմից` սուս ու փուս, գլուխը կախ նշանակվել է կոնկրետ պաշտոնի թեկնածու: Ապրի Վահե Գրիգորանը:

Անցյալ շաբաթ Գրինլանդիայում տեղի է ունեցել ռեկորդային քանակությամբ հալոցք: Մեկ օրվա ընթացքում հալվել է 2 միլիարդ տոննա սառույց: Հալոցքը տեղի է ունենում ամեն տարի՝ հունիս եւ օգոստոս ամիսներին, իսկ հուլիսին հասնում է ամենաբարձր չափի: Մասնագետները հայտնում են, որ այսչափ հալոցքը նշանակում է, որ գլոբալ տաքացման վտանգը ավելի է բարձրացել, տեղեկացնում է CNN-ը: