Լրահոս

Ի տարբերություն հակառուսական ակցիայի մասնակիցների, ոստիկանության եռաշարք շղթան փակել է ՎԵՏՕ-նախաձեռնության անդամների ճանապարհը ու թույլ չի տվել մոտենալ Բաղրամյան 26-ին: Ակցիայի մասնակիցները ԵԱՏՄ անդամ-պետությունների ղեկավարներին, Իրանի նախագահին ցանկացել են իրազեկել սորոսականության վտանգների մասին:

Արարատի մարզպետ Գարիկ Սարգսյանը այսօր խուսափել է հանդիպել Նորաշեն գյուղի բնակիչների հետ: Առավոտից նրա աշխատասենյակի դիմաց բողոքի ակցիա անող գյուղացիներին պարզաբանեումներ տալու փոխարեն, նա աշխատեսենյակից դուրս է եկել, ինչ որ փաստաթղթեր փոխանցել լրատվամիջոցներին ու արագ հեռացել մարզպետարանի շենքից: Նորաշենցիները երկրորդ օրն է Գարիկ Սարգսյանից պահանջում են պարզաբանել, թե ինչու է դադարեցրել արձակուրդում գտնվող գյուղապետի լիազորությունները: Մարզպետարանի դիմաց առավոտը սկսված բողոքի ակցիան անսպասելի ընթացք է ունեցել՝ ոստիկանությունը մարզպետարանի բակից բերման է ենթարկել մարզպետի նշանակած գյուղապետի ժամանակավոր պաշտոնակատարին ու մի քանի նորաշենցու:

Հրայր Թովմասյանից ազատվելու խորհրդարանական արշավը մոտենում է վերջնագծին: Սահմանադրական դատարանի նախագահին անվստահություն հայտնելու՝ քաղաքական մեծամասնություն որոշման նախագիծը՝ Ազգային ժողովի՝ այսօր սկսված նստաշրջանի օրակարգում է: «Իմ քայլը» խմբակցության ղեկավար Լիլիթ Մակունցը այսօր հայտարարել է, թե այս գործընթացը քաղաքական որոշում չէ և չեն ցանկանում Հայր Թովմասյանի փոխարեն Սահմանադրական դատարանի նախագահ դարձնել իրենց մարդուն՝ Վահե Գրիգորյանին:

Վերաքննիչ քրեական դատարանը դատավոր Մհեր Արղամանյանի նախագահությամբ որոշել է առանց քննության թողնել երկրորդ նախագահ Ռոբերտ Քոչարյանի պաշտպանների բողոքը՝ նրա խափանման միջոցն անփոփոխ թողնելու առաջին ատյանի դատարանի որոշման դեմ՝ պատճառաբանելով, որ այդ որոշումը բողոքարկման ենթակա չէ: Սահմանադրական դատարանում Ռոբերտ Քոչարյանի ներկայացուցիչ Արամ Վարդևանյանը անտրամաբանական ու հակաիրավական է համարում այս որոշումը՝ նշելով, որ արդար դատաքննության բաղադրիչներից մեկը բողոքարկման իրավունքն է, իսկ դատավորն ինքը նշել էր, որ որոշումը կարող է բողոքարկվել 10 օրյա ժամկետում, ինչը նշանակում է, որ Մհեր Արղամանյանը առնվազն պարտավոր էր քննել բողոքը:

Հանրապետական ծննդատանը հրաժարվում են ծնողներին տալ մահացած երեխայի մարմինը: Նորածին տղան, ըստ բժիշկների, սեպտեմբերի 24-ին ծնվել է արդեն մահացած: Դեպքից օրեր անց՝ շոկից դուրս գալուց հետո, երեխային ծնողները նկատել են, որ հիվանդանոցի ղեկավարությունը կասկածելի վարքագիծ ունի իրենց նկատմամբ: Մահացած տղայի հարազատները կարծում են, որ բժիշկները խաբում են իրենց՝ մահվան փաստթղթերից մինչև երեխայի մահացած ծնվելու փաստը:

Սիրիա հումանիտար առաքելության կարող է մեկնել հայ մասնագետների երրորդ խումբը: Նրանք պատրաստվում են ականից հեռու խաղալու մասին դասընթացներ անցկացնել սիրիական դպրոցներում: Այս մասին Երևանում հայտնել են պաշտպանության նախարարության ներկայացուցիչները: Պատմել՝ արդեն Սիրիա մեկնած հայկական հումանիտար առաքելության խմբի աշխատանքի մասին:

ՀՀ վերաքննիչ քրեական դատարանը՝ դատավոր Մհեր Արղամանյանի նախագահությամբ, առանց քննության է թողել ՀՀ երկրորդ նախագահ Ռոբերտ Քոչարյանի պաշտպանների՝ նրա խափանման միջոցն անփոփոխ թողնելու որոշման դեմ բողոքը։ Վերաքննիչը գտել է, որ առաջին ատյանի դատարանի այդ որոշումը բողոքարկման ենթակա չէ:

Հոկտեմբերի 6-ին, Ազնավուրի հուղարկավորության օրը, Հայաստանում հայտարարված է սգո օր:

Մեր տեղեկություններով՝ Պետական վերահսկողական ծառայությունը մի քանի օր է՝ ստուգումներ է սկսել ԱԱԾ-ում։ Հրահանգված է ուսումնասիրել ԱԱԾ ֆինանսատնտեսական գործունեությունը եւ հայտնաբերել այնպիսի խախտումներ եւ չարաշահումներ, որոնք հիմք կհանդիսանան ԱԱԾ նախկին տնօրեն Արթուր Վանեցյանի դեմ քրեական գործ հարուցելու համար։

Նիկոլ Փաշինյանը պետք է րոպե առաջ հրաժարական տա։ Ն. Փաշինյանի կառավարությունը րոպե առաջ պետք է հրաժարական տա։ ԱԺ-ն տուն պետք է գնա։

Դատավորի ինստիտուտի հանդեպ անարգանքի առաջին քայլերն արվել են ամենաբարձր մակարդակով: Այսօր Քոչարյանի աջակիցները հիշեցրել են, թե ինչպես էր վարչապետ Փաշինյանը հայտարարում, որ որոշ դատավորներ շների պես վնգստալով տերեր են փնտրում: