Լրահոս

Հայաստանի երկնքով՝ Բաքու-Նախիջևան երթուղով, այսօր ադրբեջանական ինքնաթիռ է թռել՝ ճանապարհ բացելով թյուրքական միջանցքի համար, որ, ըստ փորձագետների, Մեղրիով բացվելիք միջանցքի օդային տարբերակն է:

Օրվա մամուլի հրապարակումները ժ.11-ին, 5-րդ ալիքի ուղիղ եթերում «Օրագիր» հաղորդման հեղինակ Մարիաննա Ղահրամանյանը կքննարկի բիզնես խորհրդատու Արեն Ապիկյանի հետ:

Մեկ ամսում Բաքուն 6-րդ զորավարժությունն է անում Թուրքիայի հետ: Թուրքական կործանիչները թռիչքներ են արել Նախիջևանի երկնքում: Իրանի արտգործնախարարը Մոսկվայում ռուս գործընկերոջ հետ բանակցություններից հետո սադրանք է անվանել Ադրբեջանի անցկացրած զորավարժությունները:

Պաշտպանության նախկին փոխնախարար Արտակ Զաքարյանը ասում է, որ պաշտոնական Երևան գոյություն չունի, հայկական դիրքորոշում չկա: Նրա կարծիքով` Ադրբեջանը Հայաստանի օդային տարածքը սկսել է օգտագործել նույնիսկ առանց Հայաստանից թույլտվություն ստանալու:

Զանգեզուրի պղնձամոլիբդենային կոմբինատի 15 տոկոս կապիտալի հանձնումը վարչապետի աշխատակազմին «Հայաստան» դաշինքը համարում է երկրի ամենախոշոր, ամենից գրավիչ ակտիվի կառավարման մեջ փայ մտնելու վառ օրինակ:

Այսօր առավոտից ձյուն է տեղում Հանրապետության լեռնային ու նախալեռնային շրջաններում: Ոստիկանությունը հայտնում է, որ Դիլիջանի ոլորանները փակ են բեռնատարների համար։ Ձյուն է նաև Ապարանում և Ամասիայում:

44-օրյա պատերազմ, օր 10-րդ Ի՞նչու էին ռազմաքաղաքական ղեկավարությունն ու ՔՊ-ական վերնախավն այդ օրն առավել ակտիվ ու ցինիկ գրառումներ անում՝ ծաղրանքի ենթարկելով թշնամուն, այն դեպքում, երբ կրակն ավելի ուժգին էր թափվում Ստեփանակերտի ու Շուշիի վրա: Այդ ու՞մ և ի՞նչ ուղերձ էր ուղարկում այդ ժամանակվա ՀՀ աշխատանքի և սոցիալական հարցերի նախարար Զարուհի Բաթոյանը, երբ առաջարկում էր ամեն օր նույն ժամին երգել։ Ալեն Սիմոնյանի «Ալիևն իր պառվա նախշունով փախնելու է Ադրբեջանից» գրառումից հետո դեպի ու՞ր ներխուժեց Ալիևը, որ Ալեն Սիմոնյանը ԱԺ նախագահ դարձավ:

44-օրյա պատերազմի տարելիցից հետո էլ անորոշության մեջ են տուն-տեղը կորցրած հադրութեցիները: Անտուն մնացած մարդիկ այսօր կառավարության մոտ են հավաքվել ու հայտնել, որ իրենց համաքաղաքացիներից շատերը հիասթափված լքում են երկիրը, արդեն 3 հազար հադրութեցի է հեռացել Հայաստանից:

«Ես այս ամբիոնից տասնյակ անգամ եմ հայտարարել, որ ամեն ինչի մեղավորն էլ, պատասխանատուն էլ ես եմ, էլ քանի՞ անգամ պիտի ասեմ»,- այսպես է պատասխանում Նիկոլ Փաշինյանը «Հայաստան» խմբակցության պատգամավոր Արմենուհի Կյուրեղյանի հարցին:

«Հայաստան» խմբակցության պատգամավոր Արթուր Խաչատրյանը հետաքրքրվեց` եթե սահմանազատման և սահմանագծման աշխատանքներն իրականացնելիս պետք է առաջնորդվեն Սովետական Հայաստանի սահմաններով, ապա արդյոք Հայաստանը պահանջելո՞ւ է Ադրբեջանից իր զորքերը դուրս հանել ԼՂ-ից:

Պատվաստման նպատակը մարդու մոտ հակամարմիններ ձևավորելն է, բայց եթե մարդը հակամարմիններ ունի, ինչո՞ւ պետք է պատվաստվի, ինչո՞ւ պետք է թեստ հանձնի. այս մասին այսօր հարցուպատասխանի ժամանակ «Հայաստան» խմբակցության պատգամավոր Արեգնազ Մանուկյանը հարց ուղղեց առողջապահության նախարար Անահիտ Ավանեսյանին:

Մոսկվան և Թեհրանը պայմանավորվել են կազմակերպել Ռուսաստանի և Իրանի նախագահներ Վլադիմիր Պուտինի և Էբրահիմ Ռայիսիի հանդիպումը: «ՌԻԱ Նովոստի»-ի փոխանցմամբ՝ այս մասին լրագրողներին հայտնել է Իրանի ԱԳ նախարար Հոսեյն Ամիր-Աբդոլլահիանը՝ ռուս պաշտոնակցի հետ համատեղ ասուլիսում:

Վրաստանի նախկին առաջին տիկին Սանդրա Ռուլովսը տեղեկացրել է, որ Միխեիլ Սաակաշվիլիի նոր սիրուհու հայտնվելն իր համար անսպասելի էր, իսկ տեղեկացման տարբերակն՝ անընդունելի, սակայն ինքը հանգստություն է պահպանում:

ԱՄՆ դոլարի փոխարժեքն այսօր՝ հոկտեմբերի 6-ին, կազմել է 483.01 դրամ՝ նախորդ օրվա համեմատ նվազել է 1.66 դրամով: Եվրոյի փոխարժեքը կազմել է 557.44 դրամ (նվազել է 4.83 դրամով), բրիտանական ֆունտի փոխարժեքը կազմել է 654.53 դրամ (նվազել է 5.59 դրամով), իսկ ռուսական ռուբլու փոխարժեքը կազմել է 6.64 դրամ (նվազել է 0.03 դրամով):

Փարիզյան ՊՍԺ-ի հարձակվող Կիլիան Մբապեն աշխարհի չեմպիոն Ֆրանսիայի հավաքականում ստացած բոլոր պարգեւավճարները փոխանցում է բարեգործական նպատակների։ Չորս տարում 22-ամյա ֆուտբոլիստը բարեգործության է հատկացրել 1,5 միլիոն եվրո, հաղորդում է L’Équipe-ը։

Թուրքական կործանիչները թռիչքներ են կատարել Նախիջևանի երկնքում: Այնտեղ շարունակվում են թուրք-ադրբեջանական զորավարժությունները՝ ի պատասխան Ադրբեջանի հետ սահմանին Իրանի անցկացրած զորավարժությունների:

Կառավարության անդամները, ԱԺ կանոնակարգ-օրենքի համաձայն՝ յուրաքանչյուր քառորյայի չորեքշաբթի օրը պատասխանում են պատգամավորների հարցերին:

Քաղաքացիական ավիացիայի կոմիտեն հաստատում է, որ սույն թվականի հոկտեմբերի 6-ին Հայաստանի Հանրապետության օդային տարածքով իրականացվել է Բաքու-Նախիջևան երթուղով թռիչք: