Լրահոս

Մեկ ամսից խստացվելու է մուտքը ժամանցի ու արվեստի փակ հաստատություններ։ Հունվարի 1-ից անգամ ռեստորան մտնելու համար կամ պետք է պատվաստված լինենք, կամ ՊՇՌ թեստի բացասական պատասխան ունենաք: Բայց ո՞վ է ստուգելու՝ ունե՞նք փաստաթղթերի փաթեթը թե ոչ: Այսօր Ազգային ժողովում լրագրողների հարցերին է պատասխանել տեսչական մարմինների աշխատանքը համակարգող գրասենյակի ղեկավարը:

Հայաստանի խանութներից մեկում վաճառքի է հանվել խաղալիք՝ թուրքական դրոշով: Մարդկանց ամենաշատը հուզել է պատասխանատուների լռությունը: Տպավորություն է, թե նորմալ է պատահածը՝ թեպետ հենց այս պահին արգելված է թուրքական ապրանքների ներկրումը Հայաստան:

Այսօրվանից Համաշխարհային Օլիմպիադայի եռակի չեմպիոն ու աշխարհի կրկնակի գավաթակիր, գրոսմայստեր Լևոն Արոնյանը պաշտոնապես հանդես կգա ԱՄՆ դրոշով:

Ադրբեջանցի զինվորները կարողանում են դիտարկել Կապան-Ճակատենի այլընտրանքային ճանապարհը: Այս մասին Մարդու իրավունքների պաշտպանն է հայտարարել: Ըստ Արման Թաթոյանի՝ Կապանից դեպի 6 գյուղ տանող այլընտրանքային ճանապարհը դիտարկում են թշնամու զինված ծառայողները:

«Սիսական» ջոկատի հրամանատար Աշոտ Մինասյանը կալանավորվել է: Այս մասին հայտնել է փաստաբան Միհրան Պողոսյանը։ Որոշումը կայացրել է վերաքննիչ քրեական դատարանի դատավոր Տիգրան Սիմոնյանը։

Օքսֆորդի ավագ դպրոցում 15-ամյա տղան կրակ է բացել ու սպանել 3 աշակերտի: Եվս 8-ը ծանր վիրավոր են:

Թուրքիայում ուժեղ փոթորիկներից զոհերի թիվը հասել է 7-ի, վիրավորներինը՝ 63-ի: Փոթորկից տուժած վայրերում փրկարարները շարունակում են աշխատել:

Հունվարի 1-ից խմելու ջրի 1 խորանարդ մետրի համար 180 դրամի փոխարեն կվճարենք 200 դրամ: Հանրային ծառայությունները կարգավորող հանձնաժողովն այսօր է ընդունել խմելու ջրի սակագինը փոխելու «Վիոլա ջրի» հայտը:

Խորհրդարանական ընդդիմությունը պահանջում է, որ Հայաստանի իշխանությունը պարզի՝ ի՞նչ է Ադրբեջանը Նախիջևան տանում Հայաստանի օդային տարածքով՝ գուցե զենք կամ ահաբեկիչնե՞ր:

Ադրբեջանի զինված ուժերը հեռացել են Իշխանասարի տարածքից: Թե ի՞նչ պայմանավորվածության արդյունքում են ադրբեջանցիները դուրս եկել մեր սուվերեն տարածքից, պաշտպանության փոխնախարարը հրաժարվել է պատասխանել։

Թուրքիայում փոթորիկ ու հորդառատ անձրևներ են: Ստամբուլից ու Իզմիրից փոթորիկը հասել է մինչև Հարավային Անթալիա:

Ուրբաթ հայրենիքում կհուղարկավորվեն Ցորի զորամասի 11 զինծառայողները: Նրանց մարմինները վերադարձնելուց հետո համացանցում լուրեր տարածվեցին, թե հերոսների աճյունները ստանալու համար նրանց ծնողներն արտերկրում ապրող քրեական հեղինակությունների են դիմել ու փրկագին վճարել: Զինծառայողներից մեկի հարազատը «Հայլուրի» հետ զրույցում հերքել է այդ լուրերը:

Էրդողանը աջ ձեռքով բայրաքթարներ է ուղարկում Կիև ու բորբոքում ռուս-ուկրաինական հակամարտության կրակը, ձախ ձեռքով՝ խաղաղության ժեստեր ցույց տալիս Պուտինին:

Երկրորդ նախագահ Ռոբերտ Քոչարյանը չի մասնակցել «Հայաստան» համահայկական հիմնադրամի հոգաբարձուների խորհրդի 30-րդ նիստին, որովհետև անընդունելի է համարել, որ հիմնադրամի աուդիտը հաստատվի այն պայմաններում, երբ Ազգային Ժողովում ստեղծվել է քննիչ հանձնաժողով:

Իշխանական պատգամավորները վստահ են, որ վարչապետը քարոզարշավին զբաղվել է «շինիչ» քննադատությամբ:

Դեկտեմբերի 5-ին Երևանի ժամանակով 24:15-ին, Նյու Յորքում՝ 15:15-ին, Փարիզում 21:15-ին, Մոսկվայում 23:15-ին միջզգային երկու՝ liveauctioneers.com և invaluable.com հանրայհայտ էլեկտրոնային հարթակներում տեղի կունենա «Փասադենա անտիկ վերհաուսի» կազմակերպած հայազգի դասական և ժամանակակից նկարիչների աշխատանքների «Monolog» աուկցիոնը: Աուկցիոնի ընթացքը կհեռարձակվի Յութուբով, որի ընթացքում կազմակերպիչները ուղիղ կապի մեջ կլինեն և հարցերի դեպքում կպատասխանեն մասնակիցների հարցերին: Մինչ այդ կարող եք էլեկտրոնային` [email protected] նամակով դիմել և աուկցիոնի կազմակերպիչներից ստանալ «Monolog» կատալոգի տպագիր տարբերակը: Ձեզ ընդամենը պետք է այցելել liveauctioneers.com կամ invaluable.com կայքեր,փնտրել բաժնում գրել Pasadena Antique Warehouse և ծանոթանալ մասնակիցների աշխատանքներին և դեկտեմբերի 5-ին Ձեր ընտրած նկարչի գործը կարող է մի քանի օրից զարդարել Ձեր բնակարանը: Բոլոր մանրամասներին նախապես կարող եք ծանոթանալ liveauctioneers.com և invaluable.com կայքերում և հիշել, որ Դեկտեմբերի 5-ին Երևանի ժամանակով 24:15-ին, Նյու Յորքում՝ 15:15-ին, Փարիզում 21:15-ին, Մոսկվայում 23:15-ին հնարավոր է իրականան Ձեր երազանքները և ամանորի տոները դիմավորեք Ձեր սիրելի ստեղծագործողի նկարի հետ միասին:

Ամանորից մեկ ամիս առաջ քաղաքապետարանը տատանվում է՝ տոնածառ դնե՞լ հանրապետության հրապարակում, թե ոչ:

Ռուսաստանը խոստանում է կորոնավիրուսի նոր շտամի դեմ պատվաստանյութ ստեղծել ընդամենը 10 օրում: Մոսկվայի Գամալեայի անվան համաճարակաբանության ինստիտուտը հայտնել է, որ կսկսեն նոր վակցինա արտադրել, միայն երբ այս շտամը ամբողջապես ուսումնասիրվի:

«Հայաստան» խմբակցության պատգամավոր Արթուր Ղազինյանը պաշտպանության փոխնախարար Արման Սարգսյանից հետաքրքրվել է, թե Ադրբեջանը Հայաստանի օդային տարածքով ի՞նչ կամ ո՞ւմ է տեղափոխում Բաքվից Նախիջևան կամ հակառակ ուղղությամբ: Ղազինյանը նկատել է, որ քաղաքացիական ինքնաթիռների թռիչքները մեր երկրի տարածքով ֆիքսված են: «ՊՆ-ն վստա՞հ է, որ այդ ինքնաթիռով ահաբեկիչներ չեն տեղափոխվել»,- հետաքրքրվել է պատգամավորը: Հանձնաժողովի նախագահ Անդրանիկ Քոչարյանը փոխնախարարին հուշել է, որ կարող է չպատասխանել հարցին:

Արգենտինայի ազգային հավաքականի և ֆրանսիական ՊՍԺ-ի հարձակվող Լիոնել Մեսսին արժանացել է 7-րդ «Ոսկե գնդակին»: