Լրահոս

Երեկ «Պատիվ ունեմ» խմբակցության ղեկավար Աթրուր Վանեցյանը Ազատության հրապարակում հայտարարել է անժամկետ գործողությունների մեկնարկի մասին և հայտնել, որ ընդդիմությունից հասարակությունը միշտ գործողություններ է պահանջել, հիմա դրանք սկսված են։ Արթուր Վանեցյանը հայտարարել է, որ ինքը տուն չի գնալու Ազատության հրապարակից։

Վերջին տարիներին մեր սրբությունները պղծելու դեպքեր շատ ենք լսում։ Եռաբլուրը բոլորդ եք հիշում։ Թե ովքեր, ինչ սև ձեռքեր էին պղծությունը մեր երկիր մտցնում, այդպես էլ անհայտ է մնում։ Այնպիսի մարդկանց անուններ են հրապարակվում, որոնք հետո գետնի տակն են անցնում ու չես էլ հասկանում՝ լավ, բա առաջ ինչու՞ մեր հերոսների արձանները, դիմաքանդակները չէին պղծվում, ինչու՞ առաջ սրբացվում էր զինվորը, հերոսը, մեր մեծերը, իսկ այսօր․․․ Հիմա էլ պղծել են Կոմիտասի դիմաքանդակը։ Գիտե՞ք ինչու։ Կոմիտասը մեր ժողովրդի հավաքական կերպարն է։ Հայ ժողովուրդն էլ ապրիլյան 44 –օրյա պատերազմից հետո Կոմիտաս է դարձել՝ իր հոգեվիճակով։ Հասել է խելագարության աստիճանի։ Հիմա այդ ցավն են պղծում, ծիծաղում, ծաղրում են ազգի թշվառությունը։ Եթե ի սկզբանե մեր հերոսների, մեծերի արձանները , գերեզմանները պղծելուն քաղաքական գնահատական տային ու չհավատային էժանագին բացատրություններին, այսօր սև ձեռքը չէր հասնի Կոմիտասին։ Սա զազրելի քրքիջ է մի ողջ ազգի, նրա ցավի նկատմամբ։ Ու մեկին գտնելու էջանագին սցենարներին էլ հավատալու տեղ չունենք։ Ով ուզում է լինի, բերեք հրապարակ՝ ժողովրդի առաջ և ողջ ժողովրդի ցասումի թուքը թող դրոշմվի նրա ու իր ողջ գերդաստանի վրա։ Այլապես ,, իբր հայտնաբերելն ու մոռացության տալը,, չի անցնելու։ Նույնի բազում կրկնություններից եզրահանգում չեն անում միայն մեռած ազգերը։ Ամբողջական հոդվածը կարող եք կարդալ այս հասցեով՝ : https://hraparak.am/post/3269a959ebbc4410520642c6d66bd697 © 2008 - 2021 «Հրապարակ օրաթերթ»

Առաջիկա օրերին Թուրքիան նոր ռազմական գործողություն է սկսելու Իրաքի հյուսիսում` անվտանգության բուֆերային գոտին մեծացնելու նպատակով: Բնականաբար, այդ բուֆերային գոտին նշանակում է Իրաքի միջազգայնորեն ճանաչված սահմաններից ներս նոր տարածքի նոր, հերթական նվաճում թուրքական զինված ուժերի կողմից: Այսինքն` որպեսզի «խաղաղություն դարաշրջան» բացվի, Թուրքիան նոր տարածքներ պետք է նվաճի Իրաքից` գումարելով արդեն եղածին: Իմիջիայլոց, թուրք բարձրաստիճան պաշտոնյաներն ասում են, որ այս նոր գործողությունը «կազատագրի Իրաքը և Սիրիան ԱՄՆ ճիրաններից»: Այս տակտիկան հաճախակի է կիիրառվում Թուրքիայի կողմից: Չզարմանաք, որ ապագայում նույնը տեսնեք նաև Հայաստանի Հանրապետության միջազգային սահմանների նկատմամբ, քանի որ եթե սահմանը զորք չի պահում, այլ միայն թուղթ, այն թղթի պես ճզմելով էլ նվաճում են: Ավելին, այդ գործում Թուրքիային կօգնեն թուրքամետ կապիտուլիացիոն խմբավորման ներկայացուցիչները, ինչպես դա լինում է Իրաքի պարագայում, երբ Իրաքյան Քրդստանի ղեկավարը գնում է Անկարա` «տեղեկանալու», որ շուտով իր տարածքում թշնամական երկրի բանակ է մտնելու:

Արսեն Բաբայանը ֆեյսբուքյան իր էջում գրել է․ «Առավոտյան Ազատության հրապարակ եկան 44-օրյա պատերզմի մասնակիցներ, որոնք երեկ հայտարարել էին անժամկետ հացադուլի և Արթուր Վանեցյանին միանալու մասին»։

ՀՀ պաշտպանության նախկին նախարար Դավիթ Տոնոյանը հայտարարություն է տարածել Ազգային Ժողովում Նիկոլ Փաշինյանի ելույթի վերաբերյալ, որում ՀՀ վարչապետը նշել է, որ բանակում առկա սաղավարտի եւ զրահաբաճկոնի խնդրի մասին առաջին անգամ իմացել է պատերազմից մի քանի օր անց։ Հայտարարության մեջ, մասնավորապես, ասված է․ «ՀՀ վարչապետ Նիկոլ Փաշինյանը ս.թ. ապրիլի 13-ին Ազգային Ժողովում ասել է, որ «առաջին անգամ պատերազմից մի քանի օր անց իմացա, որ բանակում կա սաղավարտի եւ զրահաբաճկոնի խնդիր»: Պատասխանատու կերպով հայտարարում եմ, որ ՀՀ զինված ուժերի սպառազինության եւ ռազմական տեխնիկայի, ներառյալ սաղավարտների եւ զրահաբաճկոնների պահանջարկը մանրամասն ներկայացված են «Սպառազինությունների եւ ռազմական տեխնիկայի զարգացման ծրագրում», որը վերջին անգամ վերահաստատվել է ՀՀ կառավարության կողմից՝ Նիկոլ Փաշինյանի պաշտոնավարման ժամանակ: Շարունակելի...»։

Նախկին պատգամավոր Գևորգ Պետրոսյանը ֆեյսբուքյան իր էջում գրել է. «Ի՞նչ կարծիքի եք, վաղը մեռելոց ա, ազգովի չգնա՞նք Պռոշյան փողոցի կառավարական առանձնատուն…»:

Արթուր Վանեցյանը ինչ-որ հիմա անում է, ճիշտ է անում, մենք ողջունում ենք. Իշխան Սաղաթելյան

«Յուրաքանչյուր հայի պարտականությունն է միանալ այս պայքարին, դիմադրել, թույլ չտալ, որ այս իշխանությունները կուրորեն Հայաստանը մտցնեն թուրք-ադրբեջանական խաբկանքի, խորամանկության մեջ և Արցախը տանեն հայաթափման, ադրբեջանականացման, Հայաստանը տանեն թրքացման»,- Ազատության հրապարակում ընթացող հանրահավաքի ժամանակ հայտարարեց ՀՀ պաշտպանության նախկին նախարար, ԱԺ «Հայաստան» խմբակցության ղեկավար Սեյրան Օհանյանը։ Սեյրան Օհանյանը շեշտեց՝ ոչ ոք Նիկոլ Փաշինյանին մանդատ չի տվել՝ միայնակ որոշելու Արցախի ճակատագիրը, իսկ Փաշինյանի թրքանպաստ քաղաքականության դեմ բողոքի, դիմադրության շարժմանը բոլորը պետք է մասնակից լինեն։ «Շարժմանը պետք է մասնակից լինենք բոլորս։ Ուզում եմ հարց տալ ՀՀ քաղաքացուն՝ արդյոք իրեն դու՞ր է գալիս այս իրավիճակը, երբ ՀՀ կառավարության ղեկավարը ստում է և կուրորեն տրվում թուրք-ադրբեջանական խաբկանքին, գումարած դրան՝ ամեն ինչ անում են, որ ժողովուրդը վախեցած լինի՝ այն դեպքում, երբ առաջին հերթին հենց ինքը՝ Փաշինյանն է վախեցած։ Որպեսզի երկիրն այս վիճակից դուրս գա, պետք է ժողովրդին համախմբել։ Այս շարժումը մեկ մարդու, մեկ քաղաքական ուժի, մեկ օրվա, մեկ ամսվա շարժում չէ․ պետք է համախմբվել բոլոր ուժերով։ Շարժմանը պետք է մասնակից լինենք բոլորս»,- շեշտեց Սեյրան Օհանյանը։

Արթուր Ավագյանը ֆեյսբուքյան իր էջում գրել է․ Ես և Նվեր Կիրակոսյանը, չլինելով կուսակցականապես և ֆինանսապես մոտիվացված, առանց իշխանական և կարգավիճակային շարժառիթների, որպես Անկախության սերնդի ներկայացուցիչներ հայտարարում ենք ԱՆԺԱՄԿԵՏ ՀԱՑԱԴՈՒԼ և առավոտյան ժամը 09։00֊ից լինելու ենք Ազատության հրապարակում։ Հացադուլի նպատակը մեր սերնդի ներկայացուցիչների ուշադրության սևեռումն է Արցախի շուրջ ստեղծված իրավիճակին և կոնկրետ՝ ԳՈՐԾՆԱԿԱՆ ՔԱՅԼԵՐԻ կատարման ուղղորդումը։ Քայլը ծայրահեղական է, ինքնաբուխ, բայց համարժեք իրավիճակին։ Այն ԿՈՉ Է, ծառայելու օրինակ։ Մեր լավ և ազնիվ ընկերներ, կարող եք միանալ մեզ ցանկացած՝ ձեր հնարավորությունների սահմանների կարգավիճակով։ Արցախում ապրում են մեզ պես և մեզնից ուժեղ մարդիկ, ընտանիքներ, երեխաներ՝ ՀԱՅՐԵՆԿԻՑՆԵՐ։ Հիմա ոչինչ չանելը հավասար է ուրացման։ Կամքը ուժ է։ Երիտասարդությունը կարգավիճակ։ Եկե՛ք միավորենք անհրաժեշտը, որովհետև «թշնամին նույն թշնամին է..., մենք էլ՝ նույն մենք»։ © ORAGIR.NEWS https://oragir.news/hy/material/2022/04/17/37966

Panorama.am ի ֆիքսած վարկյանները

ԱՀ ներքին գործերի նախարարության ոստիկանությունը գրում է.

Թուրքերը հաղթել են, դրա համար էլ Անահիտը տխուր է: Բայց 10-ամյա Շահենը որոշել է՝ զինվոր է դառնալու, որ Անահիտը երբեք չտխրի, արդեն խրամատ է փորել: Լավատեսության և հուսալքության կռիվը՝ կարմիր կտուրների տակ: Հայաստանն Արցախին կապող Աղավնո գյուղը:

«Հայրենիք» կուսակցության նախագահ Արթուր Վանեցյանը ֆեյսբուքի իր էջում գրել է. «Վստահ եմ՝ Գուրգեն Մելիքյանին ներկայացնելու կարիք չկա: Սերունդներ է կրթել ու իր ամենօրյա վարքագծով բարձր պահել մեր մեջ իրական ազգային արժեքները: Իսկ քիչ առաջ 85 ամյա Գուրգեն Մելիքյանը մեզ հետ միասին, ուս ուսի կռվում էր ոստիկանների հետ: Սիրելի հայրենակիցներ, վեր կացեք և եկեք հրապարակ: Մեր գործն արդար է: Մենք պետք է կասեցնենք օրվա իշխանությունների այս կործանարար ընթացքը»:

Ստեփանակերտցիների մեծ մասը համոզված է՝ Հայաստանի իշխանությունը մաս-մաս և թաքուն-թաքուն հանձնում է Արցախը, բայց ի՞նչ է անում ընդդիմությունը և արդյոք մեղավոր համարո՞ւմ է իրեն: Արցախցիների հարցերն ընդդիմության ներկայացուցչին է ուղղել «Հայլուրի» թղթակիցը:

Արթուր Վանեցյանի կոչ-հորդորից հետո օպերայի հրապարակում եմ։ Այս ընթացքում մեծ թվով քաղաքացիների հետ եմ հանդիպել, բովանդակային զրույցներ ունեցել, ֆեյսբուքի իր էջում գրել է պատգամավոր Տիգրան Աբրահամյանը։ «Բոլորի մտահոգությունները տարբեր ձևակերպումներով նույնն է՝ ինչպե՞ս հեռացնել այս իշխանություններին, ինչպե՞ս կանխել Արցախի և Հայաստանի անկումը։ Ճանապարհը մեկն է՝ մի կողմ թողնել նեղ անձնական շահերը և որքան հնարավոր է արագ համախմբվել մեկ ընդհանուր նպատակի շուրջ։ Հ.Գ. Ոստիկանական համազգեստով մի խումբ անհասկանալի դեմքեր փորձում էին ինձ բերման ենթարկել, երբ փորձում էի պաշտպանել մեր մի քանի քաղաքացու՝ ոստիկանական ուժի ապօրինի կիրառումից»։

Ալիևը հայտարարում է՝ արցախցիները հանգիստ կարող են ապրել, բայց միայն Ադրբեջանի դրոշի տակ: Փաշինյանը ներողություն է խնդրում Աստծուց: Ժողովրդի՝ տասնամյակներով բարձրացրած նշաձողն իջեցնում է մեկ մարդ: Փաշինյանի սկանդալային նահանջը՝ բանակցային սեղանի շուրջ և Արցախի համախմբված տարակուսանքը: «Հանձնում են Արցախը»,- ասում են Երևանում, «Արցախը չի կարող հանձնվել»,- պնդում են Ստեփանակերտում:

Այսօր՝ ապրիլի 17-ին, խոշոր ու շղթայական ավտովթար է տեղի ունեցել Երևանում: Ժամը 15:30-ի սահմաններում «Լամբադա մոստի» հարևանությամբ՝ Արաբկիրի եղեկեցու դիմաց, բախվել են BMW, Nissan X-Trail, Mitsubishi Pajero, 2 Nissan Teana, Nissan Bluebird, Toyota Prius մակնիշի ավտոմեքենաները: Ինչպես տեղեկացնում է shamshyan.com-ը, վթարի հետևանքով 1 հոգի մարմնական վնասվածքներով տեղափոխվել է թիվ 1 համալսարանական հիվանդանոց: Վթարի մասինն պարեկային ծառայության Երևանի գնդից տեղեկությունը փոխանցել են պարեկային ծառայության Երևան քաղաքի գնդի ճանապարհատրանսպորտային պատահարների գործերով հետաքննության և վարչական վարույթի իրականացման բաժանմունք։

Իրավապաշտպան Ռուբեն Մելիքյանը ֆեյսբուքյան էջում գրել է. «Կենտրոնի բաժնում՝ 4 ձերբակալված քաղաքացի։ Ըստ բաժնի պատասխանատու աշխատակիցների՝ նրանց բռնել են ավանդական՝ «ոստիկանության օրինական պահանջը չկատարելու» հոդվածով (ՎԻՎՕ 182 հոդված)։ Սպասում ենք, թե երբ կավարտեն թղթաբանությունը։