Լրահոս

Կառավարության 3-րդ մասնաշենքի առաջ ծածանվում է Արցախի դրոշը

Վարդևանյանը

​ «Yerevan.Today»-ը գրում է․ «Ոստիկանության այս գնդապետը կառավարության երրորդ մասնաշենքի մոտ քաղաքացիներին քաշքշելու օպերացիային մասնակցում էր Նյու Յորքի ոստիկանության գլխարկով։ Որ Երևանում տեղի ունեցող ակցիաները ցրելու համար ՀՀ բոլոր մարզերից ոստիկանական ուժեր են բերվել, դա երևում է հենց նրանց հագուստներից, բայց որ մասնակցում է նաև Նյու Յորքի ոստիկանությունը, սա արդեն նորություն էր»։ ​

«Դիմադրության» շարժման ակտիվիստներից մեկը հիվանդանոցում է

Վրաստանի արմատական ընդդիմությունը հունիսի վերջին կարող է պետական հեղաշրջման փորձ իրականացնել, եթե ԵՄ-ն հանրապետությանը չշնորհի կազմակերպությանն անդամակցելու թեկնածուի կարգավիճակ։ ՏԱՍՍ-ի փոխանցմամբ՝ այդ մասին երկուշաբթի օրը կայացած ճեպազրույցում հայտարարել է իշխող «Վրացական երազանք-Ժողովրդավարական Վրաստան» կուսակցության նախագահ Իրակլի Կոբախիձեն։ «Արմատական ընդդիմությունը շարունակում է հրապարակայնորեն հայտարարել, որ Վրաստանն արժանի չէ Եվրամիության անդամության թեկնածուի կարգավիճակին: Ինչպես գիտեք, նրանք նման հայտարարություններով շփվում են նաև օտարերկրյա գործընկերների հետ»,-ասել է Կոբախիձեն և հավելել. «Նրանց հաշվարկով՝ Վրաստանը Ուկրաինայից և Մոլդովայից հետո չպետք է ստանա Եվրամիության անդամության թեկնածուի կարգավիճակ, դրան, ըստ իրենց պլանի, կհաջորդի «Ազգային շարժման» և նրա արբանյակների կողմից կազմակերպած հասարակական անկարգությունները և հեղաշրջումը»: Նա հավելել է, որ ԵՄ-ն պատճառ չունի Վրաստանին թեկնածուի կարգավիճակ չտալու, քանի որ դա չի պարտավորեցնում Բրյուսելին լրացուցիչ միջոցներ հատկացնել հանրապետությանը կամ անմիջապես ընդունել նրան։ Բացի այդ, ըստ Կոբախիձեի, Վրաստանը առաջ է թե՛ Մոլդովայից, թե՛ Ուկրաինայից՝ ԵՄ-ի հետ մերձեցման և Ասոցացման համաձայնագրի կատարման առումով, որը ստորագրվել է 2014թ. Մարտի 3-ին Վրաստանի վարչապետ Իրակլի Ղարիբաշվիլին դիմում էր ուղարկել ԵՄ, որպեսզի երկիրը ստանա Միությանը միանալու թեկնածուի կարգավիճակ։ Սրան ի պատասխան՝ ապրիլի 11-ին Եվրամիությունը հարցաշար է փոխանցել Վրաստանին։ Մայիսի 2-ին հանրապետությունը լրացված փաստաթղթի առաջին մասը ուղարկեց Եվրամիություն, իսկ մայիսի 10-ին՝ երկրորդը։

ՀՀ կառավարության շենքի շրջակայքից «Հերացի» թիվ 1 համալսարանական հիվանդանոց շտապօգնության մեքենայով տեղափոխվել է 4 քաղաքացի: Տեղեկությունը ֆեյսբուքի իր էջում հայտնել է ԵՊԲՀ աշխատակազմի ղեկավար Շուշան Դանիելյանը։ Ներկա պահին նրանք գտնվում են հետազոտման փուլում: Չորս քաղաքացիների վիճակը գնահատվում է կայուն, կյանքին սպառնացող վտանգ ներկա պահին չկա: 📌4 քաղաքացիներից 2-ը` ոստիկանության ծառայողներ են:

ՀՀ ոստիկանությունը հաղորդագրություն է տարածել՝ հայտնելով, որ Այսօր Կառավարության 3-րդ մասնաշենքի դիմաց տեղի ունեցած հասարակական ակցիայի ընթացքում մի խումբ անձինք բախում են հրահրել հասարակական կարգի պահպանություն իրականացնող ոստիկանության ծառայողների հետ, ինչի հետևանքով ոստիկանության զորքերի 2 ծառայող տեղափոխվել է բուժհաստատություն։ 5 անձ խուլիգանություն կատարելու կասկածանքով բերման են ենթարկվել ոստիկանության Կենտրոնական բաժին «Կրկին հորդորում ենք, հասարակական ակցիաների ընթացքում դրսևորել բացառապես իրավաչափ վարքագիծ և ենթարկվել ոստիկանության ծառայողների օրինական պահանջներին»,- ասված է հաղորդագրության մեջ։

«Արտ լանչն» է՞լ է ոստիկաններին սնունդ մատակարարում․ Լուսանկար

Այս րոպեներին լարված իրավիճակ է Կառավարական երրորդ մասնաշենքի մոտ: Իրավիճակը լարվել է, երբ Դիմադրության շարժման մասնակիցները փորձել են մտնել շենք՝ նախարարությունների աշխատակիցներին ծանոթացնելու Արցախի ժողովրդի ինքնորոշման իրավունքի իրականացմանն աջակցող ընդդիմության ծրագրին:

Միություն, պայքար, հաղթանակ". շարժման մասնակիցները` Կառավարության 3-րդ շենքի մոտ

5 անձ խուլիգանություն կատարելու կասկածանքով բերման է ենթարկվել ոստիկանության Կենտրոնական բաժին, ArmDaily.am-ին հայտնեց Ոստիկանության հասարակայնության հետ կապի և լրատվության վարչության ԶԼՄ-ների հետ կապի, վերլուծության և լրատվության բաժնի պետ Զարզանդ Գաբրիելյանը։ Նա նաև փոխանցեց, որ ոստիկանության 2 ծառայող տեղափոխվել են հիվանդանոց։

Ոստիկանների հրմշտոցի հետևանքով քաղաքացիներից մեկը վնասվածք է ստացել

Կոչ եմ անում քաղաքացիներին գալ Կառավարության 3-րդ մասնաշենքի մոտ

Դիմադրության" մասնակիցների և ոստիկանների միջև հրմշտոց սկսվեց. կրկին բռնի ուժ են կիրառում

«Ոստիկան, մարդ եղի», «Արցախը չի լինելու ադրբեջանի կազմում» գրությամբ թռուցիկներ են նախարարությունների աշխատակիցներից նետել նախարարությունների շենքի պատուհանից։

ՀՀ ԱԺ ընդդիմադիր շուրջ 20 պատգամավորները ոստիկանությանը հայտնեցին, որ բացառապես պատգաավորները ցանկություն ունեն մտնելու Կառավարության շենք և հանդիպել նախարարներին։ Հիշեցնեմ, որ Պատգամավորն սեղմ ժամկետում ընդունելության իրավունք ունի կառավարության ցանկացած անդամի մոտ։ Միաժամանակ անհրաժեշտ է նշել, որ Պատգամավորներն ունեն անարգել մուտքի իրավունք բոլոր պետական և տեղական ինքնակառավարման մարմիններ։ Ոստիկանությունն անտեսելով Սահմանադրությունը և օրենքները արհեստական խոչընդոտ ստեղծեց հայտնելով, թե իբր իրենք իրավունք ունեն թույլ չտալու պատգամավորների մուտքն այնքան ժամանակ, քանի դեռ չունեն ընդունելության մասին մյուս կողմի համաձայնությունը։ Պատգամավոր Ագնեսա Խամոյանը հստակ ներկայացրեք անարգել մուտքի Պատգամավորի օրենսդրական լիազորությունը, որը կրկին անտեսվեց ոստիկանության կողմից։ Այնուհետև ԱԺ փոխնախագահ Իշխան Սաղաթելյանը, բանակցությունների տրամաբանությամբ, հինգ րոպես ժամանակ տվեց ոստիկանությանը, որպեսզի կատարեն ճշտումներ և ապահովեն Պատգամավորի օրենսդրական լիազորության իրացումը։ Կրկնեմ, որ տվյալ իրավիճակում տրված հինգը րոպեն ավելին էր, քան օրենսդրությամբ նախատեսված սեղմ ժամկետը։ Տևական ժամանակ ոստիկանությունը շարունակեց թույլ չտալ Պատգամավորների մուտքը պետական շենք, որն էլ առաջացրեց լարվածություն քաղաքացիների և ոստիկանության ծառայողների միջև։ Անհրաժեշտ էր, որ ոստիկանության ծառայողները պահպանեին Սահմանադրությունը և օրենքները, միայն այդ դեպքում էր հնարավոր կանխել տեղի ունեցած բախումները։ Ոստիկանությանը հորդորում եմ ղեկավարվել բացառապես Սահմանադրությամբ և օրենսդրությամբ իրենց վերապահված լիազորությունների և պարտականությունների շրջանակով, ապահովել օրենսդրությամբ երաշխավորված ազատությունները, իրավունքներն ու առանձին խմբերի անձանց հատուկ լիազորությունները։

Հայաստանում վերջին մեկ շաբաթում կորոնավիրուսով վարակման 24 նոր դեպք է արձանագրվել, վարակվածների ընդհանուր թիվը հասել է 422 963-ի: Այս մասին տեղեկանում ենք ՀՀ առողջապահության նախարարությունից: Կատարվել է 10 307 թեստավորում: Փաստացի բուժում է ստանում 48 պացիենտ: Առ այսօր ապաքինվել է 412 606 մարդ, վերջին մեկ շաբաթում՝ 385: Մեկ շաբաթում կորոնավիրուսի հետևանքով մահացել է 1 քաղաքացի. մահացածների թիվը 8625 է:

Չնայած ոստիկանության արգելքներին` ընդդիմադիր պատգամավորներին հաջողվեց մտնել կառավարության մասնաշենք