Լրահոս

68-ամյա երգչուհի Լյուբով Ուսպենսկայային մեղադրել են հարևանի բուլդոգի վրա հարձակվելու համար։ Այս մասին հայտնում է Starhit-ը։ Միջադեպը տեղի է ունեցել այն ժամանակ, երբ երգչուհին դստեր՝ Տատյանայի և իր յորքշիրյան տերիերի հետ զբոսնելիս է եղել: Այդ ժամանակ նրանց ընդառաջ է դուրս վազել երեք ամսական ֆրանսիական բուլդոգը։ Դրանից հետո, ըստ ականատեսների, Ուսպենսկայան հարձակվել է քոթոթի վրա։ Շանը հալածելով՝ նա վազել է հարևան տան տարածք, որտեղ մեկ այլ ֆրանսիական բուլդոգ կար։ Միջադեպի ականատեսներից մեկը պատմել է, որ Ուսպենսկայան «սկսել է թոկից բռնակով հարվածել շան գլխին», որից հետո երգչուհին սկսել է վիրավորել հարևանուհուն։ Բացատրելով իր արարքը՝ երգչուհին հայտարարել է, որ բուլդոգը կծել է իր ոտքը և իր ընտանի կենդանուն։ Տուժած կենդանու տերն արդեն դիմել է փաստաբանի օգնությանը։ Նա մտադիր է դատի տալ Ուսպենսկայային։

Վաղ առավոտյան ուկրաինական Մելիտոպոլ քաղաքի կենտրոնում ավտոմեքենա է պայթել: «Ռիա Նովոստին» հայտնում է, որ պայթյունը տեղի է ունեցել մարդասիրական օգնություն բաժանելու ժամանակ: Նախնական տվյալով՝ 2 կամավոր է վիրավորվել:

ՀՀ քննչական կոմիտեի Շիրակի մարզային քննչական վարչությունում կատարված քննչական և դատավարական այլ գործողությունների, ինչպես նաև ՀՀ ոստիկանության աշխատակիցների հետ համատեղ ձեռնարկված անհրաժեշտ միջոցառումների արդյունքում պարզվել են Գյումրի քաղաքի Երևանյան խճուղում, քաղաքական ընդդիմության կողմից կազմակերպված ավտոերթի ընթացքում, տարեց տղամարդկանց նկատմամբ բռնություն գործադրելու դեպքի բոլոր հանգամանքները: Քննչական կոմիտեից հայտնում են, որ քննությամբ ձեռք բերված փաստական տվյալների համաձայն՝ 2022 թվականի մայիսի 8-ին՝ ժամը 12:30-ի սահմաններում, մի խումբ երիտասարդներ, Գյումրիում կայանալիք հանրահավաքին մասնակցելու նպատակով, ավտոերթով Երևան քաղաքից ժամանել են Գյումրի: Երբ ավտոերթը հասել է Գյումրի քաղաքի Երևանյան խճուղում գտնվող հասարակական տրանսպորտի կանգառ, ավտոերթի մասնակիցները նշված կանգառում կանգնած՝ ավտոերթի ընթացքին հետևող տարեց տղամարդկանց կոչ են արել միանալ իրենց: Ստանալով բացասական պատասխան՝ երիտասարդները վիրավորական արտահայտություններ են հնչեցրել, այնուհետև իջնելով ավտոմեքենայից՝ մոտեցել են հիշյալ տարեց տղամարդկանց, սկսել են վիճաբանել նրանց հետ, հայհոյանքներ են հնչեցրել, ձեռքերով և ոտքերով հարվածներ հասցրել նրանց մարմնի տարբեր մասերին: ՔՊ-ից նշում են, որ վերոնշյալ երիտասարդների հանցավոր արարքներից տուժած տղամարդիկ 74, 56, 72 և 84 տարեկան քաղաքացիներ են: Ձեռք բերված բավարար ապացույցների համակցությամբ՝ 7 անձի մեղադրանք է առաջադրվել՝ ՀՀ քրեական օրենսգրքի 258-րդ հոդվածի (Խուլիգանությունը) 3-րդ մասի 1-ին կետով: Մեղադրյալներից հինգը կալանավորվել են: Նախաքննությունն ավարտվել է, և քրեական գործը, մեղադրական եզրակացությունը հաստատելու և դատարան ուղարկելու միջնորդությամբ, ուղարկվել է դատավարական հսկողություն իրականացնող դատախազին:

Երևանում շարունակվող բռնցքամարտի Եվրոպայի առաջնության կիսաեզրափակիչ մենամարտերին հետևելու է գնացել Նիկոլ Փաշինյանը կնոջ ու երկու երեխաների հետ: Փաշինյանների դահլիճ մտնելուց հետո անվտանգության աշխատակիցները սկսել են հանդիսատեսի մոտից հավաքել շշերը:

Մայիսի 30-ին, ժամը 15։42-ին Արարատի մարզային ճգնաժամային կառավարման կենտրոն ահազանգ է ստացվել, որ Այգավան գյուղի հողատարածքներում քաղաքացին ընկել է տրակտորից: Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։ Պարզվել է, որ Այգավան գյուղի հողատարածքներից մեկում տրակտորը շրջվել է քաղաքացու վրա:

Այսօր Վերաքննիչ քրեական դատարանում շարունակվել է պետական դավաճանության գործով նիստը, բայց տևել է ընդամենը 30 րոպե, փաստաբանն անգամ չի հասցրել միջնորդություն ներկայացնել, որպեսզի նախորդ շաբաթվանից, դատարանի որոշմամբ, դռնփակ անցկացվող նիստին նորից կարողանան մասնակցել զոհված զինծառայողների հարազատները: Նրանք, դժգոհ դատավոր Բիշարյանի որոշումից, գնացել են Բարձրագույն դատական խորհուրդ:

Ոստիկանության Էրեբունու բաժնի մուտքն է: Վառ վկայությունն է այսօր ոստիկանների կողմից կատարված բազմաթիվ հանցագործությունների, գրել է :

Ոստկականության գործողությունները այսօր ավելի շատ խուլիգանության էին նման, քան կարգ պահպանելու: Ընդդիմադիր քաղաքացիների բոլոր փորձերը Ոստիկանությունը իշխանության հետ չնույնացնելու ոստիկանները հաջողությամբ տապալում են: Չմտածե՛ք երբեք, որ անվերջ կարող եք բիրտ ուժի առավելություն ունենալ: Բիրտ ուժի գերկիրառումը և անբարո վարքագիծը ուշ, թե շուտ առաջացնելու է հակառեակցիա, դա՝ բնություն է: Մի վերցրեք ձեզ վրա ո՛չ երկիրը քանդելու, ո՛չ էլ նոր հանցագործություններ անելու պատախանատվությունը: Ժողովուրդը ապօրինությունները երբեք չի մոռանում և ուշ թե շուտ պատասխանում է դրանց:

Քաղաքացիներից մեկի ոտքն է կոտրվել ոստիկանների հետ հրմշտոցի ժամանակ: «Հայլուրի» տեսախցիկն է ֆիքսել, թե ինչպես են քաղաքացիները ու մի ոստիկան տղամարդուն առաջին օգնություն ցույց տալիս, ապա նրան ձեռքերի վրա մոտեցնում շտապօգնության մեքենային:

​ «Oragir.news»-ը գրել է․ «Ալեն Սիմոնյանի մայրը ոստիկանությանը պարզաբանել է, որ ցուցարարներին միջնամատ ցույց տալով՝ ինքը ցույց է տվել իր անպարտելիությունը: Ըստ Սիմոնյանի մայրիկի` Մարիա Հովհաննիսյանի՝ միջնամատը անպարտելիության ժեստ է, ընդ որում` պատմական ժեստ: Այս մասին նա հայտնել է ոստիկանությանը տված իր բացատրության մեջ: Ինչ վերաբերում է ցուցարարների վրա թքելու դրվագին, ապա Մարիա Հովհաննիսյանն ասել է, թե չի թքել, ուղղակի թքելու ձև է տվել: Ոստիկանությունը մերժել է Ալեն Սիմոնյանի դեմ քրգործ հարուցելու միջնորդությունը»:  ​

Քաղաքական գործիչ Արթուր Թովմասյանը գրել է․ «Կառավարության 3-րդ մասնաշենքը և «Ժողովրդավարության բաստիոնը» պաշտպանելիս, ոստիկանների կողմից բիրտ ուժով հեռացված այս անմեղ աղջնակը տեղափոխվեց «Հերացի» թիվ 1 հիվանդանոցային համալիր, ըստ շտապ բժշկական օգնության ծառայության աշխատակցի բալիկի մոտ կար կոտրվածք: Ամոթ այն Հայ տղամարդուն (ոստիկանին) ով ձեռք է բարձրացրել բալիկի վրա. ԱՄՈ՛Թ»։

Ոստիկանությունը փորձել է բերման ենթարկել նաև ընդդիմադիր պատգամավոր Գեղամ Մանուկյանին: Քաղաքացիները, բառի ուղիղ իմաստով, խլել են ոստիկանների ձեռքից պատգամավորին:

Սիրայի Հալեպ քաղաքում` հայ համայնքի կողմից կազմակերպված համերգի ժամանակ, Նիկոլ Փաշինյանի հրաժարականի պահանջով հավաք է տեղի ունեցել, հայտնում է News.am-ը։ Հայ համայնքի ներկայացուցիչները պահանջել են, որ Նիկոլ Փաշինյանը թողնի վարչապետի պաշտոնը։ Հավաքի ընթացքում պարզել են Հայաստանի և Արցախի դրոշները, «Զարթնի՛ր, Լաո'» գրությամբ պաստառներ։ Ակցիան ուղեկցվել է «Առանց Նիկոլ Հայաստան» վանկարկումներով։

ԱԺ «Հայաստան» խմբակցության պատգամավոր, իրավաբան Արամ Վարդևանյանը գրել է. «Ոստիկանական խումբ ապօրինի, քրեորեն հետապնդելի արարքներ թույլ տան, իսկ հարուրավոր ակցիայի մասնակիցների բերման են ենթարկել ու ամենամեծ խայտառակությունը` փորձում են խուլիգանություն կարել: Այո հենց սա է կոչվում ԿԵՂԾ ժողովրդավարություն: Այո հենց սա է կոչվում ԲՌՆԱՊԵՏՈւԹՅՈւՆ: Սա իրավական բեսպրեդել է»։

Կառավարության 3-րդ մասնաշենքի մոտից բերման ենթարկվածները ոստիկանական մեքենայից ուղիղ եթերի միջոցով են շարունակել մասնակցել Դիմադրության շարժման պայքարին:

«Հայլուր»-ի թղթակից Էդգար Ղուշչյանը Ֆրանսիայի հրապարակում է, ակտիվիստներն այսօրվա անհնազանդության գործողություններից հետո այնտեղ են վերադարձել:

Մայիսի 16-ից սկսած իրազեկման ավտոերթ իրականացնող քաղաքացիներից պարբերաբար ստանում էի ահազանգեր, որ ոստիկանության ծառայողների կողմից վերջիններիս տրանսպորտային միջոցները առանց հիմնավորման տարվել են հատուկ պահպանվող տարածք եւ ՀՀ օրենքով նախատեսված ժամկետներում չեն վերադարձվել սեփականատերերին։ Ընդ որում, ոստիկանության աշխատակիցների կողմից որեւէ արձանագրություն չէր կազմվել կամ կազմելու դեպքում էլ վարորդներին այդ արձանագրության օրինակը չէր տրամադրվել, մինչդեռ օրենքով սահմանված է, որ իրավասու պաշտոնատար անձը պետք է կազմի արձանագրություն եւ օրինակը տրամադրի ինչպես վարորդին, այնպես էլ հատուկ պահպանվող տարածքում պահպանությունն իրականացնող անձանց՝ մինչև դրա պահպանությունը ստանձնելը։ Վերոնշալ խնդիրների կարգավորման վերաբերյալ դիմել էի ՀՀ ոստիկանապետին, պահանջել էի բացատրություն եւ քաղաքացիների տրանսպորտային միջոցների անհապաղ վերադարձ: Ստացել եմ պատասխան, ըստ որի՝ մայիսի 16-ից մինչ 24-ն ընկած ժամանակահատվածում հատուկ տարածք է տեղափոխվել ավտոերթ իրականացնող քաղաքացիների 53 տրանսպորտային միջոց, որոնց հատուկ տարածք տեղափոխելու կամ բերման ենթարկելու պատճառներից է եղել երթևեկության մասնակիցների համար խոչընդոտ ստեղծելը կամ կայանումն արգելված տեղերում կանգնելը, որից 50-ը հանվել են արգելանքից և հանձնվել են վարորդներին (սեփականատերերին), 2-ը դեռևս արգելանքի տակ են, քանի որ գտնվում են հետախուզման մեջ՝ ՀՀ ԱՆ հարկադիր կատարումն ապահովող ծառայության կողմից, իսկ մեկի վարորդը հրաժարվել է տրանսպորտային միջոցը հանել հատուկ տարածքից, քանի որ համաձայն չէ, որ իր նկատմամբ կազմվի վարչական իրավախախտման վերաբերյալ արձանագրություն։ Ոստիկանության ուղիղ նպատակը պետք է լինի ՀՀ քաղաքացիների իրավունքների պաշտպանությունը, այլ ոչ թե նրանց պատժելը՝ զանց առնելով ՀՀ օրենքը եւ վերջիններիս իրավունքները, այս դեպքում՝ ՀՀ Սահմանադրությամբ պաշտպանված սեփականության իրավունքը։

Ռուսաստանի Քննչական կոմիտեն քրեական գործ է հարուցել երեխայի դիակով պայուսակի հայտնաբերումից հետո, հայտնել է գործակալության Ռոստովի մարզի բաժնի ներկայացուցիչը, գրում է ՌԻԱ «Նովոստի»-ն: «Տեմերնիկ գետի հատակում տոպրակի մեջ հայտնաբերվել է 5-7 տարեկան տղայի դի՝ բռնի մահվան նախանշաններով էր»,- մանրամասնել են ՔԿ-ից։ Հարուցվել է քրեական գործ՝ «Սպանություն» հոդվածով։ Ռոստովի մարզի դատախազությունը վերահսկողության տակ է վերցրել հետաքննությունը։