Լրահոս

Բուխարեստում ընթանում է ազատ ոճի ըմբշամարտի Եվրոպայի պատանեկան առաջնությունը: Այսօր մրցագորգ է դուրս եկել 4 հայ ըմբիշ: Ինչպես արդեն տեղեկացրել ենք՝ 48 կգ քաշային Սաշա Պետրոսյանն ու 55 կգ քաշային Արտավազդ Հարությունյանը դուրս են եկել կիսաեզրափակիչ: Սակայն մեր մյուս 2 ըմբիշները՝ 65 կգ քաշային Նարեկ Նիկողոսյանը և 80 կգ քաշային Պապին Հունանյանը, պարտություններ են կրել և չեն հասել կիսաեզրափակիչ փուլ: Կիսաեզրափակիչ գոտեմարտերը կկայանան երեկոյան:

Հատուկ կադաստրի պետի հիշողությունը վերականգնելու համար

Հայաստանում նպաստ ստացող ընտանիքների թիվը 2021 թվականին կրճատվել է 10 000-ով։ Այժմ նպաստ է ստանում մոտ 84 000 քաղաքացի։ Այս մասին վերջերս Ազգային ժողովում 2021 թվականի բյուջեի կատարողականի քննարկման ժամանակ հայտարարել էր աշխատանքի և սոցիալական հարցերի նախարար Նարեկ Մկրտչյանը։ Ստացողների թիվը, նախարարի խոսքով, կրճատվել է այս ընտանիքների սոցիալական կարիքների իրատեսական գնահատման հիման վրա։ Ասել է թե՝ 10 հազար մարդ սկսել է արդեն լավ ապրել և նպաստի կարիք չունի: Եթե հին ու բարի ժամանակները լիներին, Փաշինյանը հավանաբար սա կներառեր իր 100 կետերի մեջ: Իշխանության գալու առաջին իսկ օրից Փաշինյանն ասում էր, որ մարդկանց պետք է փող տանք ոչ թե աղքատ մնալու, այլ աղքատությունը հաղթահարելու համար: Հետո ասում էր, որ մարդիկ անգամ հեռուստացույց չեն գնում կամ էլ կովն են վաճառում, որ նպաստ ստանան: «Մարդկանց պետք է օգնենք, որ խեղճությունը հաղթահարեն և դառնան հպարտ քաղաքացի»,- ասում էր նա: Հետագայում Փաշինյանի վերաբերմունքը նպաստ ստացողների հանդեպ ավեի ագրեսիվ դարձավ: Կառավարության նիստերից մեկին նա կասկածներ էր հայտնում, որ նպաստ են ստանում, բայց Բրաբուս են գնում: «Նպաստ ստացող ունենք, որ ամիսը 1 միլիոն դրամ վարկ է փակում։ 1 միլիոն, 800 հազար, 500 հազար… Այսինքն` պետությունից որպես անապահով ակնկալում են 30 հազար դրամ ամիսը, բայց հետո ամիսը 700 հազար դրամ վարկ են փակում։ Ասենք, օրինակ` ավտոմեքենա է առել, «Բրաբուս» է առել ու վարկ է փակում»: Փաստացի հիմա այս մարդկանց թիվը կրճատվեց, բայց անհասկանալի է, թե կոնկրետ ինչ միջոցներով է կառավարությունը կարողացել նման արդյունք գրանցել, եթե բացի աղքատությունն ատելուց որևէ այլ գործուն քայլ այդպես էլ չի արվել: «Ատեք աղքատությունը և հանեք այն ձեր գլխից». մոտավորապես նման բանաձև էր առաջարկում Փաշինյանը: Բայց այս բանաձևը կարծես թե այդքան էլ արդյունավետ չէ: Այսպես եթե՝ Հայաստանի բնակչության 23.5%-ն է աղքատ եղել, ապա 2019-ին այդ ցուցանիշը եղել է 26.4%: Իսկ 2020 թվականին աղքատության մակարդակը Հայաստանում գնահատվել է 27%: Այսինքն Փաշինյանի իշխանության գալուց հետո աղքատության մակարդակը գնալով ավելացել է: Հարց է առաջանում, ինչպես է նպաստառուների թիվը կրճատվել, եթե ավելացել է աղքատ մարդկանց թիվը, եթե նախկին նպաստառուների վիճակը իսկապես լավացել է, ապա աղքատացած քաղաքացիները ինչո՞ւ չեն ներառվել նպաստառուների ցանկում:

Հունիսի 3-ին Դեմիրճյան-Պռոշյան խաչմերուկում «Սվիրել ԱՍԶ-40» տեսակի լուսաձայնային կրակոց արձակելու վերաբերյալ ոստիկանության ներքին անվտանգության վարչությունում ծառայողական քննություն է կատարվում: Այս մասին հայտնել է Հայաստանի ոստիկանությունը՝ «Հայլուր»-ի հարցմանը պատասխանելով: Ոստիկանությունը չի պատասխանել «Հայլուր»-ի այն հարցին, թե արդյո՞ք այդ նռնակը կիրառելու համար եղել է ոստիկանապետի գրավոր հրաման: Այդ մասին ոստիկանությունը կարող է հայտնել ծառայողական քննության ավարտից հետո: Ոստիկանությունը մերժել է տեղեկություն տրամադրել նաև այն մասին, թե երբ էին ձեռք բերվել այդ նռնակները:

Նորվեգիան ԵՄ-ի երկրներից անմիջապես հետո պատժամիջոցների հերթական փաթեթը կսահմանի Ռուսաստանի իշխանությունների դեմ, որը ներառում Է ծովով փոխադրվող նավթի ներմուծման արգելք եւ այլ միջոցներ: Այդ մասին, ինչպես տեղեկացնում Է «Արմենպրես»-ը, ասվում Է թագավորության կառավարության հայտարարության մեջ: «Մենք աջակցում ենք ԵՄ-ին Ռուսաստանի դեմ պատժամիջոցների հարցում, որպեսզի պահպանվի ճնշումը երկրի կառավարության եւ ընտրախավի վրա: Մենք արգելում ենք նավթի ներմուծումը, որը Ռուսաստանից ծովով փոխադրվում Է Նորվեգիա»,-հաղորդագրության մեջ բերվում են արտաքին գործերի նախարար Աննիկեն Հյուիթֆելդտի խոսքերը: Նշվում Է, որ Ռուսաստանից նավթահումքի եւ մյուս նավթամթերքների արգելքն ուժի մեջ Է մտնում անհապաղ, բայց մինչեւ 2022 թվականի դեկտեմբերի 5-ն անցումային ժամանակաշրջաններ են նախատեսված նավթահումքի եւ մինչեւ 2023 թվականի դեկտեմբերի 5-ը՝ նավթամթերքների համար: Բացի այդ, նոր պատժամիջոցների ներքո Է հայտնվել 65 մարդ եւ 18 ընկերություն: Այսպիսով՝ ցուցակում ընդհանուր առմամբ հայտնվել Է 1158 մարդ եւ գրեթե 100 ձեռնարկություն ու կազմակերպություն: Բացի նավթի գնման, ներմուծման եւ ծովով փոխադրման արգելքից, նաեւ սահմանվում Է տեխնիկական օգնության, ֆինանսավորման եւ այլ բաների արգելք, որոնք կապված են նավթի գնման, ներմուծման եւ փոխադրման հետ, իրավական անձանց կամ ՌԴ կառավարությանը մի շարք ծառայություններ ցուցաբերելու արգելք, ինչպիսիք են ստուգումը եւ հաշվապահական հաշվառումը, ֆինանսական կոնսուլտացիաները եւ այլն, հաղորդել Է ՌԻԱ Նովոստին:

Քրիստինե Առուշանյանը որոնվում է որպես անհետ կորած

Փաստինֆո-ն գրում է. Աննա Վարդապետյանն ընդունելով ՀՀ գլխավոր դատախազի պաշտոնում իր թեկնածությունն առաջադրելու առաջարկը՝ վերահաստատել է, որ ունի բարեվարքության բացակայություն։ Այս մասին «Փաստինֆո»-ի հետ զրույցում ասաց փաստաբան Արամ Օրբելյանը։ Ինչպես արդեն տեղեկացրել ենք՝ Արթուր Դավթյանի պաշտոնավարման ժամկետն ավարտվում է սեպտեմբերի 16-ին։ ԱԺ իշխող խմբակցությունը հայտարարել է ՀՀ գլխավոր դատախազի պաշտոնում Նիկոլ Փաշինյանի օգնական Աննա Վարդապետյանի թեկնածությունն առաջադրելու մասին, որը հայտնի է քննիչների գործունեությանը, այսինքն՝ անկախ քննությանը միջամտելով ։ Մասնավորապես, շուրջ մեկ տարի առաջ մամուլում տարածվեց տեսանյութ, համաձայն որի՝ ՀՖՖ նախկին նախագահ Ռուբեն և Ռաֆիկ Հայրապետյանների գործով Աննա Վարդապետյանի կողմից առերևույթ ապօրինի միջամտություն է եղել, վերջինս խմբագրել է քննիչի կողմից կայացված որոշումը և էլեկտրոնային եղանակով հետ ուղարկել։ Դեպքի առթիվ քրեական գործ չի հարուցվել, իսկ իրավապահ մարմինները Վարդապետյանի առերևույթ ապօրինի միջամտությունը մեկնաբանել են որպես «խորհրդատվական, փորձագիտական» կարծիք, թեև քրեադատավարական որևէ նորմով նման կարգավորում առկա չէ։ Արամ Օրբելյանը, անդրադառնալով Վարդապետյանի թեկնածության առաջադրմանը, արձանագրեց, որ այստեղ Գլխավոր դատախազի պաշտոնում առաջադրվել-չառաջադրվելու հարցը չէ, ինքը բարեվարքության լրջագույն խնդիրներ է տեսնում։ Նրա գնահատմամբ՝ ինքնին այն հանգամանքը, որ անձը հնարավորություն է ունեցել ցուցումներ տալու քննիչին՝ կապ չունի ընկերական, թե ոչ, այն պայմաններում, երբ դրա լիազորությունները չուներ, ավելին՝ հասանելիություն է ունեցել բանկային գաղտնիք հանդիսացող տեղեկատվությանը, որը սահմանափակ հասանելիություն ունի և առնվազն իր պաշտոնի ուժով նման հնարավորություն Վարդապետյանը չուներ, կասկածելի է դարձնում անձի՝ մարդու իրավունքների գերակայության հետևորդ լինելու տեսակետից։ Օրբելյանը հիշեցրեց, որ դատախազն ունի հատուկ գործառույթ, նա պետական մեղադրողը չէ, ունի օրինականություն ապահովող շատ կարևոր գործառույթ, նախաքննության նկատմամբ հսկողություն, պատժի կատարման նկատմամբ հսկողություն, մեղադրանքի ապահովում և այդ ամենը հաշվի առնելով՝ անձը պետք է լինի ոչ միայն լավ իրավաբան, այլև՝ համապատասխանի բարեվարքության ստանդարտներին։ «Լրջագույն խնդիրներ եմ տեսնում՝ հիմք ընդունելով ձայնագրությունները և այդ ձայնագրությունների մեջ խնդիր չտեսնելը։ Այսինքն՝ մի բան է, երբ ձայնագրությունները հրապարակելուց հետո քննչական մարմիններն ասում են, որ հանցագործություն չկա, ինչի հետ համաձայն չեմ, բայց այլ հարց է, որ դու ինքդ այդտեղ որևէ էթիկական խնդիր չես տեսնում և դա համարում ես նորմալ գործընթաց»,- նշեց Օրբելյանը՝ հավելելով, որ Աննա Վարդապետյանը հաստատել է, որ դա ինքն է, ինքն է ուղարկել, ունի ընկերներ, տարբեր իրավաբանական հարցերով աջակցում է քննիչին և դատախազին, կոնկրետ քրեական գործով քրեադատավարական փաստաթղթերի վրա աշխատել է և, եթե պայմանականորեն ընդունենք, որ քրեադատավարական դաշտում խնդիր չկա, ապա բարեվարքության խնդիրներ առնվազն առկա են, տվյալ անձը չպետք է հավակնի նման բարձր բարեվարքություն պահանջ ենթադրող պաշտոնի. «Եթե բարեվարքության ստանդարտը համապատասխաներ, ինքը պետք է հրաժարվեր ինքնուրույն՝ հասկանալով իր կողմից նախկինում էթիկական խախտում թույլ տալը»։ Դիտարկմանը, որ ինչու են առաջադրել նման խոցելի մարդու, որի նկատմամբ փաստացի կոմպրոմատ կա, ցանկացած պահի կարող է քրգործ հարուցվել, Օրբելյանն արձագանքեց՝ «Այս կառավարության ամեն ինչը տեղում էր, բոլորը բարձր բարեվարքությամբ և մասնագիտական գիտելիքներով մարդիկ էր, միայն ի՞նքն էր խանգարում։ Ինչու են իրեն առաջադրել՝ ենթադրությունների դաշտից է։ Դուք կարող եք ենթադրություն անել, որ իրեն առաջադրել են, որովհետև անկախ չի լինի, ես կարող եմ այլ բան ենթադրել, բայց փաստը մնում է փաստ, որ առաջադրվել է մի թեկնածու, որն առաջարկությունն ընդունելով հանդերձ վերահաստատել է իր բարեվարքության բացակայությունը»։

Հիվանդությունների վերահսկման եւ կանխարգելման կենտրոնների տվյալներով՝ 2018թ. յուրաքանչյուր վեցերորդ մահը սիրտ-անոոթային հիվանդություններից առաջ է եկել կաթվածի պատճառով, գրել է Eat This, Not That!-ը։ «Միշտ տարածված է եղել այն կարծիքը, որ այս հիվանդությունը բնորոշ է տարեց մարդկանց, եւ ընդհանուր առմամբ վտանգն իսկապես սկսվում է 60-65 տարեկանից հետո»,- ասել է նյարդաբան Շազամ Հուսեյնը։- Ցավոք, կան կաթվածի այլ տեսակներ եւս, որոնք կարող են առաջանալ շատ երիտասարդ տարիքում»։ Ահա թե ինչպես կարելի է, ըստ փորձագետների կարծիքի, զգալիորեն նվազեցնել կաթվածի հավանականությունը։ Գոյություն ունի կաթվածի երկու հիմնական պատճառ՝ իշեմիկ եւ հեմոռագիկ։ «Կաթվածը նյարդաբանական դիսֆունկցիայի հանկարծակի սկսվելն է՝ կապված գլխուղեղի, աչքի կամ ողնուղեղի հետ»,- բացատրել է բժիշկ Հուսեյնը։- Ըստ էության, «կաթված»՝ ինսուլտ բառը հունարեն է, որը նշանակում է «հարված», որովհետեւ այն իսկապես մարդկանց խոցում է հանկարծակի հայտնվելով եւ հաշմանդամություն է առաջացնում։ Ընդհանուր առմամբ, կաթվածները երկու հիմնական կարգի են։ Մենք խոսում ենք կաթվածի իշեմիկ եւ հեմոռագիկ տեսակների մասին։ Իշեմիկը կաթվածի այն տեսակն է, երբ արյան խտացում է առաջանում մարմնի ինչ-որ մասում, որը փակում է ուղեղի արյունատար անոթը, ինչն այն զրկում է արյունից, որի կարիքն իսկապես ունի, ուստի, առաջանում են խնդիրներ, իսկ հեմոռագիկ կաթվածի դեպքում արյունատար անոթը պատռվում է՝ առաջ բերելով արնազեղում ուղեղում»։ Ավելորդ քաշ կամ ճարպակալում ունեցող մարդիկ կաթված ստանալու ավելի մեծ հավանականություն ունեն, վկայում են հետազոտությունները։ Հետազոտությունները նաեւ ցույց են տալիս, որ COVID-19-ով վարակվելը նույնպես սերտորեն կապված է կաթվածի բարձր հավանականության հետ։ «Ընդհանուր առմամբ, տղամարդկանց եւ կանանց մոտ հավանականության գործոնները բավական նման են,- ասել է բժիշկ Հուսեյնը։- Այնուամենայնիվ, գոյություն ունեն ռիսկի բազմաթիվ գործոններ, որոնք մենք կարող ենք վերահսկել, երբ խոսքը կաթվածի մասին է. դրանցից ամենամեծը արյան բարձր ճնշումն է»։ Սան Դիեգոյի պետական համալսարանի նոր հետազոտությունը ցույց է տվել, որ նստակյաց մարդկանց մոտ, որոնք օրական 13 եւ ավելի ժամ նստած են անցկացնում, կաթվածի հավանականությունն ավելանում է 44 տոկոսով։ Պարզ ամենօրյա վարժություններն արդյունավետորեն իջեցնում են կաթվածի հավանականությունը, նշել են մասնագետները։ Հետևեք NEWS.am Medicine-ին Facebook-ում և Twitter-ում

Հունիսի 17-ին Շանհայում տեղի Է ունեցել ՉԺՀ-ի ռազմածովային ուժերի ամենաժամանակակից, երրորդ ավիակրի ջրարկման արարողությունը: Այդ մասին, ինչպես տեղեկացնում Է «Արմենպրես»-ը, հաղորդել Է Associated Press (AP) գործակալությունը: Ավիակիրը, որն ստացել Է «Ֆուցզյան» անվանումը, լքել Է չոր նավաշինարանը եւ կառանվել մոտակա նավամատույցում: «Ֆուցզյանը» չինական առաջին ավիակիրն Է դարձել, որը սարքավորվել Է Էլեկտրամագնիսական կատապուլտով՝ տարբեր տեսակի ինքնաթիռների գործարկման համար: Նավի լրիվ ջրատարողությունը, չինական կողմի տվյալներով, կազմում Է 80 հազար տոննա: Այժմ ավիակիրը պետք Է հանդերձվի սարքավորումներով, որը պետք Է տեւի երկուսից մինչեւ վեց ամիս: Դրան կհաջորդեն նավի փորձարկումները նավահանգստում եւ ծովային ընթացային փորձարկումները, որոնք, հավանաբար, կտեւեն վեց ամիս՝ նախքան ր ինժեներներն սկսեն թեստավորել Էլեկտրամագնիսական կատապուլտը: ՉԺՀ-ի ռազմածովային ուժերը վերջին տարիներին մեծացրել են ներկայությունը Հնդկական օվկիանոսում եւ Խաղաղ օվկիանոսի արեւմտյան մասում, առաջին արտասահմանյան բազան են ստեղծել Ջաբուտիում, որտեղ նաեւ ռազմական ներկայություն ունեն ԱՄՆ-ը եւ Ճապոնիան: Ներկայում ՉԺՀ-ի ռազմածովային ուժերն ունեն 355 նավ, ներառյալ սուզանավերը: Ամերիկյան կողմի գնահատմամբ, Չինաստանը նավատորմի կազմը մինչեւ 2025 թվականը կհասցնի 420, իսկ մինչեւ 2030 թվականը՝ 460 նավի: AP-ն նշում Է, որ ՉԺՀ-ի ռազմածովային ուժերի նավերը քանակությամբ ամենախոշորն են աշխարհում. դրանք հնարավորություններով զիջում են միայն ԱՄՆ-ի ռազմածովային ուժերին: Այսպես, ԱՄՆ-ի սպառազինության մեջ կա 11 ավիակրներ, ինն ունիվերսալ դեսանտային նավեր, որոնք կարող են կրել ուղղաթիռներ եւ ուղղահայաց թռիչքի ինքնաթիռներ: Բացի այդ, ԱՄՆ-ն ավելի ու ավելի մեծ ուշադրություն Է հատկացնում Չինաստանի շուրջ տարածաշրջանին, ներառյալ Հարավ-չինական ծովը, որտեղ ՉԺՀ-ն եւ մի քանի այլ պետություններ տարածքային վեճեր ունեն, հաղորդել Է «Ինտերֆաքս»-ը:

Երևանում հունիսի 22-ին կկայանա Orion Summit 2022-ը, որի առանցքային ուղղվածություններից մեկն էկոհամակարգային լուծումների ներկայացումն է ու դրանց ներդրման խրախուսումը հայկական ընկերություններում: Էկոհամակարգային լուծումները հնարավորություն են ընձեռում բիզնեսներին և ֆիզիկական անձանց, անկախ ոլորտից, ներկայանալ ծառայությունների առավել լայն շրջանակով: Կարևորելով Orion Summit-ի դերը հայաստանյան էկոհամակարգերի ստեղծման ու զարգացման գործում` Հայաստանի առաջատար ֆինանսական-տեխնոլոգիական կառույցը` Ամերիաբանկը, որպես Platinium հովանավոր միանում է Orion Summit 2022-ին` համատեղելու ջանքերը թվային էկոհամակարգերի դերն ու նշանակությունը ներկայացնելու համար։ Ամերիաբանկը Հայաստանի ֆինանսական շուկայում միակն է, որ ներդրել է թվային էկոհամակարգերի և լուծումների համախումբ: Դրանով իսկ Ամերիան առաջինը Հայաստանում ապահովում է հաճախորդի անհատական խնդրի ամբողջական լուծմանն ուղղված հարմարավետ ուղի էկոհամակարգերի` թվային նպատակային հարթակների միջոցով: «Գնահատելով Orion Summit-ի դերը հայաստանյան էկոհամակարգերի ստեղծման ու զարգացման գործում` մենք մեծ պատրաստակամությամբ միացել ենք Summit-ին` մեկ անգամ ևս խոսելու այս ուղու կարևորության մասին և կիսվելու թվային էկոհամակարգերի ու լուծումների համախմբի ստեղծման մեր արդեն իսկ անցած ճանապարհով ու փորձով: Օրիոնն աջակցում է անկախ ստարտափների առաջխաղացմանը, իսկ մենք ստեղծում ենք ստարտափային միջավայր, հիմնում ենք ստարտափներ հենց ընկերության ներսում։ Եվ այժմ միավորում ենք մեր ուժերը Հայաստանի թվային ներուժն արժևորելու և այդ մասին բարձրաձայնելու համար: Մասնակցելով գագաթնաժողովին` միաժամանակ ցանկանում ենք ընդգծել, որ անհրաժեշտ է փոփոխություն նաև մարդկանց մտածելակերպի, աշխարհայացքի և ընկերությունների կորպորատիվ մշակույթի մեջ»,- նշել է Ամերիաբանկի Ինովացիաների և թվայնացման գծով տնօրեն Արտյոմ Շամցյանը: Երևանում կայանալիք գագաթնաժողովին կմասնակցեն նաև տեխնոլոգիական, ֆինանսական և այլ ոլորտների ընկերություններ, բիզնեսի և միջազգային ճանաչում ունեցող ստարտափների հիմնադիրներ, ներդրողներ, խորհրդատուներ և փորձառու մասնագետներ: Գագաթնաժողովի այցելուները հնարավորություն կունենան լսելու բանախոսների համաշխարհային առաջատար ընկերություններ Adobe-ից, SADA-ից, Embodied-ից, cognaize-ից, Scylla-ից, Grand Thornton-ից, Startup Lithuania-ից և այլն: «Գագաթնաժողովը կքննարկի տեխնոլոգիական բիզնես-աշխարհի ամենաարդիական թեմաները, որոնք կարևոր են նաև հայաստանյան ստարտափների համար: Orion Summit-ը գործարքներ կնքելու հարթակ է դառնում: Սկսում ենք Երևանից, մյուս տարի այն տեղի կունենա Նյու Յորքում, իսկ հաջորդ տարի՝ Ֆրանկֆուրտում: Նպատակն է հայկական ծագում ունեցող ստարտափներին խոշորագույն համաշխարհային ընկերությունների տեսադաշտում հայտնվելու, համագործակցելու հնարավորություն տալ»,- նշել է Orion Worldwide Innovations Armenia-ի համահիմնադիր Դիանա Արզումանյանը: Գագաթնաժողովի գլխավոր բանախոսն է ներդրումային բանկերի և ֆինանսական խորհդատվության ոլորտում ճանաչված մասնագետ Մարկ Չենյանը: Միջոցառումը կբացեն Orion Worldwide Innovations-ի հիմնադիր Էմմա Առաքելյանը, Orion Worldwide Innovations Armenia-ի համահիմնադիր Դիանա Արզումանյանը, ՀՀ բարձր տեխնոլոգիական արդյունաբերության նախարար Ռոբերտ Խաչատրյանը: Բանախոսներին կմիանա նաև ՀՀ կենտրոնական բանկի նախագահ Մարտին Գալստյանը:

«Strana.today»-ը հայտնում է, որ Ուկրաինայի նախագահ Վլադիմիր Զելենսկին Փարիզում VivaTech առևտրային ցուցահանդեսում հանդես է եկել հոլոգրամի տեսքով։ «Անսովոր է, որ նախագահները հոլոգրամա օգտագործեն մարդկանց դիմելու համար, բայց դա «Աստղային պատերազմների» միակ կողմը չէ, որը մենք գործնականում կկիրառենք: Մենք նաև կհաղթենք կայսրությանը», - ասել է Զելենսկին:

Իշխանությունները հերքում են, որ Ադրբեջանին Հայաստանի տարածքներ են զիջվել։ Հայաստանի կադաստրի կոմիտեի նախագահ Սուրեն Թովմասյանը լրագրողների հետ զրույցում վստահեցրեց, թե չի հիշում, որ 2020 թվականի դեկտեմբերին Սյունիքի մարզի (Շուռնուխ, Որոտան) տարածքներ են զիջվել թշնամուն։ «Այդպիսի բան չի եղել»,- ասաց պաշտոնյան:

Վահագն Խաչատուրյանը Ռուսաստանի հայ համայնքի ներկայացուցիչների հետ հանդիպման ժամանակ ասել է, թե ռուսական կողմն ընդունել է, որ Փառուխում իր պարտավորությունը չի կատարել: Մինչև հիմա դեռևս չպարզաբանված հանգամանքներում, ռուս խաղաղապահների ներկայությամբ, ադրբեջանցիները կարողացել են որոշակի բարձունք գրավել, ասել է նա: Հայաստանի նախագահը նշել է նաև, որ քննարկումների ժամանակ իրենք շատ կոշտ դիրքորոշում են հայտնել և այդ դիրքորոշման արդյունքում ի վերջո ռուսական կողմը ընդունել է, որ բացթողում կա, և հիմա, ըստ Խաչատուրյանի, ներքին քննություն են անցկացնում՝ հասկանալու պատճառը:

Ապօրինի զենք-զինամթերքի կամավոր հանձնման ուղղությամբ ոստիկանության տարածքային ստորաբաժանումների ծառայողների բացատրական աշխատանքը շարունակվում է։ Օրերս Գեղարքունիքի մարզային վարչության ենթակա ստորաբաժանումներում արձանագրվել է մի քանի դեպք։ Հատկապես արդյունավետ էր Մարտունու բաժնի քրեական հետախույզների, համայնքային ոստիկանների և հերթապահ մասի ծառայողների բացատրական աշխատանքը, ինչի շնորհիվ բաժնում արձանագրվել են պայթուցիչներով նռնակների, տարբեր հրազենների ու տրամաչափի 100-ից ավելի փամփուշտի և այլ ռազմամթերքի կամավոր հանձնման դեպքեր։ Պայթուցիչով նռնակի և փամփուշտների կամավոր հանձնման դեպք է արձանագրվել նաև Գավառի բաժնում՝ շնորհիվ համայնքային ոստիկանների բացատրական աշխատանքի։ Բացատրական աշխատանք են իրականացրել նաև Ճամբարակի համայնքային ոստիկանները, ինչի արդյունքում արձանագրվել է ռազմամթերքի կամավոր հանձնման դեպք: Հորդորում ենք ապօրինի զենք-զինամթերքը կամավոր հանձնել ոստիկանություն՝ քրեական պատասխանատվությունից խուսափելու համար։

Բուխարեստում ընթանում է ազատ ոճի ըմբշամարտի Եվրոպայի պատանեկան առաջնությունը: Այսօր մրցագորգ է դուրս եկել 4 հայ ըմբիշ: Ինչպես արդեն տեղեկարցել էինք, 48 կգ քաշային Սաշա Պետրոսյանն եկու հաղթանակ է տարել և դուրս է եկել կիսաեզրափակիչ: Իսկ քիչ առաջ կիսաեզրափակիչ դուրս եկավ նաև 55 կգ քաշային Արտավազդ Հարությունյանը: 1/8 եզրափակչում հայ ըմբիշը ժամանակից շուտ 10-0 հաշվով հաղթեց չեխ Դանիել Գուրբովիչին, այնուհետ 1/4 եզրափակչում 8-3 հաշվով առավելության հասավ մոլդավացի Իոն Բուլգարուի նկատմամբ: Կիսաեզրափակչում Արտավազդը կմրցի ադրբեջանցի Ջամալ Աբբասովի հետ:

Թուրքիայի ազգային պաշտպանության նախարար Հուլուսի Աքարը Բրյուսելում լրագրողների հետ զրույցում Ֆինլանդիային և Շվեդիային կրկին մեղադրել է Թուրքիայում ահաբեկչական հռչակված Քրդստանի աշխատավորական կուսակցությանը (PKK) և նրա սիրիական թևին (YPG) օժանդակելու մեջ: Այս մասին, ինչպես հաղորդում է «Արմենպրես»-ը, հայտնում է թուրքական «Անադոլու» լրատվական գործակալությունը: «Շվեդիայի և Ֆինլանդիայի կողմից ահաբեկիչներին տրամադրված քաղաքական և ֆինանսական աջակցությունը (YPG-ն PKK-ի սիրիական թևն է համարվում.-խմբ.), ինչպես նաև զենքի մատակարարումը զինյալներին, որոնք սպառնում են Թուրքիայի ազգային անվտանգությանը, այս սկանդինավյան երկրները վերածել են իրական սպառնալիքի ՆԱՏՕ-ի համար նույնպես»,- հայտարարել է Թուրքիայի ազգային պաշտպանության նախարար Հուլուսի Աքարը՝ Բրյուսելում ՆԱՏՕ-ի անդամ երկրների պաշտպանական գերատեսչությունների ղեկավարների երկօրյա հանդիպման արդյունքների վերաբերյալ լրագրողների հետ զրույցում։ Աքարն ընդգծել ՆԱՏՕ-ի դաշնակիցների, այդ թվում՝ պաշտպանական արդյունաբերության ոլորտում պատժամիջոցների կիրառման անթույլատրելիությունը։ «Նման սահմանափակումները վնասում են ՆԱՏՕ-ին որպես ամբողջություն՝ հակադրվելով ռազմաքաղաքական բլոկի շրջանակում դաշինքի ոգուն։ Թուրքիան Դաշինքի շրջանակում բոլոր պարտավորությունները կատարում է 70 տարի և կշարունակի կատարել։ Միաժամանակ մենք պաշտպանում ենք մեր սեփական ազգային շահերը»,- ասել է Աքարը։ Թուրք նախարարն ընդգծել է, որ Անկարան երբեք դեմ չի եղել Հյուսիսատլանտյան դաշինքի ընդլայնմանը` միանգամայն իրավացիորեն ակնկալելով հարգանք դաշնակիցներից և հաշվի առնելով Թուրքիայի շահերը։ «ՆԱՏՕ-ն անվտանգության կառույց է, որի ջանքերի կարևոր ուղղություններից է ահաբեկչության դրսևորումների դեմ պայքարը։ Դա պահանջում են դաշինքի սկզբունքներն ու գաղափարները։ Թուրքիան միակ երկիրն է, որը պայքարում է միանգամից մի քանի ահաբեկչական կազմակերպությունների դեմ։ Մեր երկիրը պատնեշ է դեպի Եվրոպա ահաբեկչության ճանապարհին: Սիրիայում և Իրաքում ահաբեկիչների դեմ մեր պայքարը նաև հնարավորություն է տալիս կանխել գրոհայինների ներթափանցումը եվրոպական երկրներ»,- ասել է Աքարը։ Նա սպառնալիք է անվանել Հելսինկիի և Ստոկհոլմի վերաբերմունքը ահաբեկչության դեմ պայքարի նկատմամբ։ «Անտեսելով ահաբեկիչներին, ովքեր սպանում են ՆԱՏՕ-ի դաշնակցի քաղաքացիներին, դուք հակասում եք բարեկամության սկզբունքներին և ընդհանուր ռազմաքաղաքական բլոկի ոգուն։ Թուրքիայի դեմ ահաբեկչական հարձակումներ իրականացնող ահաբեկիչների մի մասը հետագայում փախել է սկանդինավյան երկրներ՝ այնտեղ ապաստան ստանալով։ Սա ակնհայտորեն անընդունելի քայլ է։ Կարո՞ղ է լինել նման դաշինք»,- ասել է Աքարը։ Նա հիշեցրել է, որ թուրքական բանակը հյուսիսային Իրաքում և Սիրիայում հակաահաբեկչական գործողությունների ժամանակ առգրավել է շվեդական արտադրության AT-4 հակատանկային նռնականետեր։ «Մենք բանակցությունների ընթացքում ցույց տվեցինք AT-4-ի նկարները և սերիական համարները»,- հայտարարել է նա։

Բուխարեստում մեկնարկել է ազատ ոճի ըմբշամարտի Եվրոպայի պատանեկան առաջնությունը: Այսօր մրցագորգ է դուրս եկել 4 հայ ըմբիշ: Նրանցից 48 կգ քաշային Սաշա Պետրոսյանն արդեն եկու հաղթանակ է տարել և դուրս է եկել կիսաեզրափակիչ: Որակավորման փուլում Սաշան 11-6 հաշվով հաղթել է վրացի ըմբիշ Գեորգի Ռոմելաշվիլիին: Այնուհետ 1/4 եզրափակչում 10-0 հաշվով, ժամանակից շուտ հաղթել է լեհ Դանիել Պիետրոնին: Կիսաեզրափակչում մեր ըմբիշը կմրցի ադրբեջանցի Վասիֆ Բաղիրովի հետ:

Հայաստանյայց Առաքելական Սուրբ Եկեղեցին Կաթողիկե Սուրբ Էջմիածնի տոնն այս տարի նշելու է հունիսի 19-ին։ Այն Սուրբ Գրիգոր Լուսավորչի տեսիլքով Կաթողիկե Սուրբ Էջմիածնի հիմնադրման հիշատակության տոն է։ Տոնի առիթով Սուրբ և Անմահ Պատարագ կմատուցվի Սուրբ Գայանե վանքում, որից հետո կկտարվի Հայրապետական մաղթանք։ Սուրբ Պատարագի սկիզբը 11։00-ին։

Եվրահանձնաժողովն այսօր վերջնական որոշում կկայացնի՝ տա՞լ Ուկրաինային Եվրամիության անդամի թեկնածուի կարգավիճակ, թե՝ ոչ: Ուկրաինայի, նաև Մոլդովայի և Վրաստանի դիմումների քննարկումը դեռ 4 օր առաջ է սկսվել: Բայց պաշտոնական եզրակացությունները կներկայացվեն հունիսի 23-24-ին՝ Բրյուսելում նախատեսվող Եվրոպական միության գագաթնաժողովում:

Ֆոտոռեցեպտորային բջիջների փոխպատվաստումը խոստումնալից միջամտություն է, որն ապագայում կարող է օգնել վերականգնել այն մարդկանց տեսողությունը, որոնք տառապում են կուրություն առաջացնող հիվանդություններով։ Հետազոտողների խումբը՝ Դրեզդենի տեխնիկական համալսարանի ռեգեներատիվ թերապիայի կենտրոնի պրոֆեսոր Մարիուս Ադերի գլխավորությամբ, տեղեկացրել է հերթական մինչկլինիկական ձեռքբերման մասին։ Նրանց հետազոտությունը հրապարակվել է Journal of Clinical Investigation-ում։ Գիտնականների թիմը ստեղծել է մարդու ֆոտոռեցեպտորային բջիջների մեծ քանակություն ստանալու հուսալի մեթոդ։ Հետազոտողները ցույց են տվել, որ մարդու այդ ֆոտոռեցեպտորները կարող են զանգվածաբար տեղադրվել մկան դեգեներացված ցանցաթաղանթում։ Ներդրվող ֆոտոռեցեպտորները ձեռք են բերել նորմալ ֆոտոռեցեպտորների բնութագրեր եւ թույլ են տվել վնասված տեսողություն ունեցող մկներին տարբերել ցերեկային լույսը։ Նոր հետազոտությունն առաջընթաց է ֆոտոռեցեպտորների փոխպատվաստման ոլորտում՝ այն պացիենտների համար, որոնք տառապում են կուրություն առաջացնող հիվանդություններով։ «Որքան տեղյակ ենք, առաջին անգամ է հաջողվել հասնել ցանցաթաղանթում պատվաստված ֆոտոռեցեպտորների այսքան մասշտաբային ինտեգրման»,- նշել է Ռեգեներատիվ թերապիայի կենտրոնի պրոֆեսոր, հետազոտական խմբի ղեկավար Մարիուս Ադերը։