Լրահոս

Ինչու՞ է Ազգային անվտանգության ծառայությունը օգնում Փաշինյանի հակաեկեղեցական արշավին, եթե Փաշինյանը վստահեցնում է, որ ոչ թե որպես վարչապետ, այլ շարքային հավատացյալ է ձեռնարկել եկեղեցու, իր բառերով, բարենորոգման պրոցեսը: Փաշինյանը՝ չի հերքել, որ ԱԱԾ-ն ներգրավված է այդ գործընթացում, իսկ նրա թիմակից Լիլիթ Ստեփանյանը հասկացրել է, որ ԱԱԾ-ն հոգևորականներին վարկաբեկող նյութեր է հավաքել ու դրանք հիմա Փաշինյանի ձեռքին են: Լրագրող Բորիս Մուրազին հանցագործության մասին հաղորդում է ներկայցրել այս դեպքով: Ըստ նրա՝ Ստեփանյաննը պետք է հարցաքննվի, ԱԱԾ-ն էլ պարզաբանի, թե ինչո՞ւ է հոգևորականների անձնական կյանքի մասին տեղեկություններ տալիս Փաշինյանին:

Արդեն 177 օր կալանավորված բարերար Սամվել Կարապետյանի գործով սկանդալային բացահայտումներ են արել նրա փաստաբաններն այսօր: Բարերարի պաշտպանական թիմը, որ շարունակ քննիչների անգործությունից է դժգոհում, հայտարարել է, որ ճնշումներ կան ոչ միայն դատավորների այլև փորձագետների վրա: Իրավապահները այն լեզվաբանի տունն են խուզարկել, որը կոչ, առավել ևս բռնության կոչ չի նկատել Սամվել Կարապետյանի հայտնի՝ «Եկեղեցու պաշտպանությանը մասնակցելու ենք մեր ձևով» հայտարարության մեջ: Փաստաբանները նաև աննախդեպ խայտառակություն են անվանում այն, որ վերաքննիչ դատարանը մերժել է նրանց բողոքը ու չի բեկանել կալանքը երկարաձգելու Հակակոռուպցիոն դատարանի վերջին որոշումը:

Հայլուր 20։30 Վտանգավոր սցենար՝ նախընտրական Հայաստանի համար.Փաշինյանը Մոլդովայից սովորելու բան ունի՞

Կենտրոնական ընտրական հանձնաժողովը դեկտեմբերի 12-ին գումարել է արտահերթ նիստ՝ ատեստավորումը չանցած ընտրատարածքային ընտրական հանձնաժողովի անդամների լիազորությունները վաղաժամկետ դադարեցնելու և ԿԸՀ 2022 թվականի դեկտեմբերի 2-ի թիվ 89-ա որոշման մեջ փոփոխություն կատարելու օրակարգով։ Այս մասին հայտնում են ԿԸՀ-ից:

Դեկտեմբերի 12-ին՝ ժամը 19:45-ի դրությամբ, Արարատի, Սիսիանի, Վարդենիսի, Թալինի, Արթիկի, Հրազդանի, Արագածի և Սպիտակի տարածաշրջաններում ձյուն է տեղում։ 

ՆԳՆ քրեական ոստիկանության ծառայողները, իրականացնելով օպերատիվ-հետախուզական ծավալուն միջոցառումներ և համագործակցելով Քննչական կոմիտեի գործընկերների հետ, այսօր ձերբակալել են 4 անձանց, որոնք կասկածվում են դեկտեմբերի 8-ին մոլերից մեկի հարակից ավտոկայանատեղիում կատարված հանցագործության մեջ։

Թուրքիայի նախագահի աշխատակազմի հաղորդակցության վարչությունը հայտարարել է, որ Պուտինն ու Էրդողանը քննարկել են թուրք-ռուսական հարաբերությունները, Ուկրաինայի և Ռուսաստանի միջև պատերազմում խաղաղություն հաստատելու ջանքերը, ինչպես նաև Եվրամիության կողմից ռուսական ակտիվների սառեցման հարցը, հաղորդում է APA-ի թուրքական բյուրոն։

Գիժ չի, զակատ արած կռիվ ա. 4 մարդու կյանք խլած հրացանավորի եղբայրն էլ է պահանջում խիստ պատիժ

Լեհական «Լեգիա» ֆուտբոլային ակումբի 17 երկրպագու է ձերբակալվել Երևանի կենտրոնում հասարակության հանդեպ բացահայտ անհարգալից վերաբերմունք դրսևորելու և խուլիգանություն կատարելու կասկածանքով։

ՊԾ Երևան քաղաքի գնդի 4-րդ գումարտակի 3-րդ վաշտի ծառայողները դեկտեմբերի 11-ի գիշերը՝ ժամը 1․15-ին, Սիլիկյան թաղամասի 4-րդ փողոցում հայտնաբերել, ապօրինի զենք կրելու և պահելու կասկածանքով ձերբակալել և Համայնքային ոստիկանության Մաշտոցի բաժին են տեղափոխել 26-ամյա մի երիտասարդի:

Հայլուր 18։30 Տագնապ՝ հայ-ադրբեջանական ոսկի հարևանության շուրջ. Սոթքը՝ սահմանազատման նոր հասցե՞

ԱՄՆ դոլարի փոխարժեքն այսօր՝ դեկտեմբերի 12-ին, կազմել է 381.77 դրամ՝ նախորդ օրվա համեմատ նվազել է 0.07 դրամով: Այդ մասին տեղեկանում ենք Կենտրոնական բանկի պաշտոնական կայքից։

Ամենայն Հայոց կաթողիկոս Գարեգին Բ-ի դեմ ապստամբած, Նիկոլ Փաշինյանին միացած և դրանով «տիրադավ» անվանումը ստացած 10 բարձրաստիճան հոգևորականների թվում է նաև Արցախի թեմի առաջնորդ Վրթանես եպիսկոպոս Աբրահամյանը։

Ռուսները ճակատում հերթական բնակավայրն են վերցրել: Սևերսկ են մտել ռուս զինվորները՝ իրենց եռագույնով: Այդ մարտի ընթացքից Մոսկվան մանրամասներ չի հայտնում. տվյալներ չկան կողմերի կորուստների մասին: Կրեմլը 7 վիրավորի մասին է հայտնել Տվերին ուկրաինացիների հասցրած հարվածներից հետո: Անօդաչուների գրոհ է եղել, ռուսները, ըստ այդ երկրի պաշտպանության նախարարության, 9 տասնյակ անօդաչու են խոցել:

Համայնքային ոստիկանության Արմավիրի բաժնի ծառայողները օպերատիվ տեղեկություններ էին ստացել, որ Նալբանդյան գյուղի բնակիչը թմրամիջոց է պահում։

Գորիսի պետական քոլեջի նախաձեռնող խումբը դատարան է դիմել՝ պահանջելով պարտավորեցնել ԿԳՄՍ նախարարությանը տրամադրել նորանշանակ տնօրենի հավաստագրման քննության արդյունքները։ Այս մասին «Փաստինֆո»-ի փոխանցմամբ՝  հայտնել է քոլեջի նախկին տնօրեն Կարեն Լազարյանը։

Վերաքննիչ Վարչական դատարանը մերժեց Երևանի ավագանու բողոքը` վերահաստատելով, որ կարմիր գծերի թանկացումը ոչ իրավաչափ էր։ Այս մասին ֆեյսբուքյան իր էջում գրել է փաստաբան Վահե Գրիգորյանը:

Դեկտեմբերի 12-ին, ժամը 14։53-ին Ճգնաժամային կառավարման ազգային կենտրոն տեղեկություն  է ստացվել, որ Արմավիրի մարզի Նորակերտ գյուղի նախկին անասնագոմերի տարածքում զոդման աշխատանքներ իրականացնելիս դիզվառելիքի երկաթե գլանատակառում (40 տ, դատարկ) տեղի է ունեցել պայթյուն՝ հրդեհի բռնկմամբ:

Գազայում պատերազմի պատճառով ավերված տներում անտանելի կյանքից են բողոքում պաղեստինցիները: Նրանց մեծ մասն էլ վրաններում է ապրում՝ անձրևի տակ: Ավելի քան 250 հազար ընտանիքի մասին է խոսքը: Իսկ օդերևութաբանները նախազգուշացնում են՝ ցուրտ ձմեռ է սպասվում պաղեստինցիներին:

Հայաստանի Հանրապետության արտաքին գործերի նախարարությունը շնորհավորական ուղերձ է հղել Քենիային՝ Անկախության տոնի կապակցությամբ։