Լրահոս

ՀՀ նախագահի հրամանագրով Յուրի Խաչատուրովի զինվորական որդուն շնորհվել է գեներալ-մայորի կոչում։

Սեպտեմբերի 2-ին Բաքվի բնակչությանը տեղեկացրել են, որ արդեն գործում է «բարոյականության ոստիկանություն», որը զբաղվելու է բնակչության «բարոյական արժեքների» եւ «ազգային մտածելակերպի» պահպանման հարցերով, տեղեկացնում է globalvoices.org կայքը: Այսուհետ կանայք չեն կարողանալու կարճ կիսաշրջազգեստ կրել, քանի որ այն, ըստ իրավապահների, համարվելու է ազգային մտածելակերպի խախտում: 

Քաղաքապետարանից մեզ չպատասխանեցին, թե օգոստոսին գիծ դուրս եկած՝՝ Նոր Նորքը սպասարկող ավտոբուսները կշարունակեն աշխատել, թե՝ ոչ: Իսկ գերմանական ավտոբուսները Երեւան բերած ընկերության տնօրենը հայտարարել էր, որ 100 դրամով որակյալ սպասարկում ապահովել հնարավոր չէ:

Շվեդուհի դեռահասը գլոբալ տաքացումը պատերազմից վտանգավոր է համարում: Դասը թողած կանաչների ճամբարն անցած աղջիկը այսօր խպորհուրդներ է տալիս աշխարհի մեծամեծերին, թե ինչպես տարբերակել առաջնային խնդիրները երկրորդականից:

Շրջակա միջավայրի նախարարը կարծում է, որ Հայաստանում ոչխարների թվաքանակի աճը սպառնում է բնությանը: Կառավարության նիստին առաջարկել է ոչխարներ ու այծեր բուծելուց առաջ ՇՄԱԳ անել:

Սահմանադրական դատարանի նախագահ Հրայր Թովմասյանի լիազորությունները դադարեցնելու մասին նախագիծն արդեն պատրաստ է ու կուղարկվի Ազգային ժողովի պետաիրավական հարցերի հանձնաժողով քննարկման: «Իմ քայլը» խմբակցության ղեկավար Լիլիթ Մակունցը հայտարարել է, որ Թովմասյանին հեռացնելու ծանրակշիռ իրավական հիմքեր կան, որոնք կցված են նախագծին:

Օրենսդիրում գործադիրի փոփոխություններին նորմալ են վերաբերվում: Իմ քայլից Հովիկ Աղազարյանի կարծիքով, կառավարության կաբինետը ձևավորվել է այնպիսի պայմաններում, որ հնարավոր է, ոչ բոլորն են արդարացրել սպասելիքները: Պատգամավորի կարծիքով, օրինակ Օսիպյանը կարող է լավ խորհուրդ տալ, բայց նրա գիտելիքները գուցե բավարար չէ ոստիկանապետի համար:

Վարչապետի մամուլի քարտուղարը չի մեկնաբանում նոր հնարավոր հրաժարականների մասին լուրերը: Գնացածների հետեւից էլ չի խոսում, որովհետեւ անցած էտապ են: Վլադիմիր Կարապետյանը, որ Արթուր Վանեցյանի հրաժարականի տեքստում սպային ոչ հարիր տողեր էր տեսել ու կասկածել, թե այն գրել է ԱԱԾ արդեն նախկին տնօրենը, իրականությունն իմանալուց հետո՝ դրա մասին էլ չի ուզում խոսել:

Ծառայության ընթացքում զոհված կամ վիրավորված զինվորների մայրերը այսօր առավոտից բողոքի ակցիա են անում Կառավարության դիմաց: Իրենց անտեսված են զգում, հարցնում են` ինչպե՞ս է, որ Մարտի 1-ի տուժածներին 30 միլիոնի փոխհատուցում են տալիս, իսկ իրենց չեն էլ հիշում: «Զինվոր» հասարակական կազմակերպության խորհրդի նախագահ Մարգարիտա Խաչատրյանը մի քանի ժամ փակ է պահել կառավարության մուտքը:

Երեւանում քննարկում են՝ հայ գերիներին ադրբեջանցի դիվերսանտների հետ փոխանակելու Բաքվի առաջարկը: Ադրբեջանից հայտարարել են, որ պատրաստ են Ադրբեջանում իբր ահաբեկչության փորձ անելու համար դատապարտված Կարեն Ղազարյանին եւ մեկ ամիս առաջ անհայտ պայմաններում սահմանը հատած Արայիկ Ղազարյանին փոխանակել՝ Արցախում սպանության եւ լրտեսության համար դատապարտված ադրբեջանցիներ Դիլհամ Ասկերովի եւ Շահբազ Գուլիեւի հետ: Պաշտոնական Երեւանը մարդասիրության կողմնակից է, բայց դեռ 4 ամիս առաջ հայտարարում էր, որ նման փոխանակումը անընդունելի է:

Երկրորդ նախագահի կողքին նստած են հաղթանակների ու մարտունակ բանակի մյուս հիմնադրիրները՝ գեներալներ Սեյրան Օհանյանն ու Յուրի Խաչատուրովը։ Մարդիկ, ովքեր 90-ականներին սակավաթիվ ուժերով կազմակերպեցին գրագետ ինքնապաշտպանություն, 2000-ականներին՝ հազար տարի պետականություն չունեցող ժողովրդի համար՝ կանոնավոր բանակ, իսկ պաշտոնավարման վերջում այդ բանակը համալրեցին գերժամանակից իսկանդերներով, որից աշխարհում հատուկենտ պետություններ ունեն։

Թուրք հայտնի դերասան, կատակերգու, ծաղրանկարիչ և սցենարիստ Ջեմ Յըլմազը, թուրքական մամուլի բնութագրմամբ, մի ամբողջ կարողություն է վճարել հայ գեղանկարիչ Տարոն Մուրադյանի կտավները գնելու համար: