Լրահոս

Ինչպես Հայաստանում աշխարհում էլ բժշկական դիմակների ու ախտահանիչ նյութերի դեֆիցիտ կա: Մենք ահազանգեր ենք ստանում, որ մեր երկրի որոշ պոլիկլինկաներում նույնիսկ բուժաշխատողները ապահովված չեն դիմակներով: Դեղատներում էլ դիմակների ու ալկոգելերի դեֆիցիտը պահպանվում է, եղածն էլ մի քանի անգամ թանկ է: Բայց այս խնդիրներով Հայաստանը միակ երկիրը չէ. Ֆրանսիայում ալկոգելի պահանջարկի ավելացման ֆոնին 7 անգամ թանկացել է դրա գինը:

Խորհրդարանում կարծես թե դեմ չեն, որ զինապահովագրության 1000 դրամների հիմնադրամի շահառուներ դառնան նաեւ այն զինծառայողները, որոնք հակառակորդի հանկարծակի հարձակումից տուժել են ոչ առաջնագծում մարտական գործողության ժամանակ, այլ ասենք զորամասում, որտեղ ներթափանցել է հակառակորդի դիվերսիոն խումբը: Նախագիծն այսօր առաջին ընթերցումն է անցել:  

Արցախում քարոզարշավի 7-րդ օրն է: Նախագահի թեկնածուները շարունակում են իրենց ծրագրերը ներկայացնել քաղաքացիներին: Նախագահի թեկնածու, Արցախի հերոս Վիտալի Բալասանյանը շատ է կարեւորում սահմանամերձ գյուղերի բնակեցումը:  

Հանրապետության երկորդ նախագահ Ռոբերտ Քոչարյանի փաստաբանները 3-րդ անգամ են ինքնաբացարկի միջնոդություն ներկայացրել դատավոր Աննա Դանիբեկյանին: Փաստաբանները կասկածներ ունեն, որ դատավորը օբյեկտիվ չէ որոշումներ կայացնելիս:

Այսօր հաստատվեց, որ Իրանի հետ սահմանը փակ կմնա ոչ թե 2 շաբաթ, այլ 4 մինչեւ մարտի 24-ը: 

Արցախյան հակամարտության վերաբերյալ Թուրքիայի արտգործնախարար Մեւլութ Չավուշօղլուի խորհուրդը ԵԱՀԿ Մինսկի խմբի համանախագահներին Հայաստանի արտգործնախարարին ստիպել է հիշել Ավետարանը: Զոհրաբ Մնացականյանը թվիթ է արել Ղուկասի ավետարանից՝ բժշկելու մասին հայտնի տողերը: Մինսկի խմբի Հայաստանի համար անակնկալ այցը Անկարա երեկ իմացանք թուրքական լրատվամիջոցներից:

Երեկ, մարտի 2-ին, ԵԱՀԿ Մինսկի խմբի համանախագահներ` Իգոր Պոպովը, Էնդրյու Շոֆերը և ԵԱՀԿ գործող նախագահի անձնական ներկայացուցիչ Անջեյ Կասպրշիկը այցելեցին Անկարա, որտեղ հանդիպում ունեցան Թուրքիայի արտգործնախարար Մևլութ Չավուշօղլուի հետ:

ՀՀ երկրորդ նախագահ Ռոբերտ Քոչարյանի փաստաբանական թիմի անդամ, պաշտպան Հայկ Ալումյանն ինքնաբացարկի միջնորդություն ներկայացրեց սահմանադրական կարգի ենթադրյալ տապալման գործով նախագահող դատավոր Աննա Դանիբեկյանին։ Պաշտպանները հիմնավոր կասկած ունեն դատավորի անաչառության հարցում։
Նշենք, որ ի հայտ եկած նոր հանգամանքների հիման վրա ներկայացված այս միջնորդությունն ստացվել է դատարան դեռևս հունվարին։

Երևանի ընդհանուր իրավասության դատարանը՝ դատավոր Աննա Դանիբեկյանի նախագահությամբ, որոշեց այսօր ՀՀ երկրորդ նախագահ Ռոբերտ Քոչարյանի և մյուս նախկին պաշտոնյաների փաստաբանների միջնորդությունների լուծումը հետաձգել մինջև դրանց լուծման համար էական հանգամանքների պարզումը, գործում առկա բոլոր ապացույցների հետազոտումը։

Հայկական երկրորդ հանրապետությունը շարունակում է պատրաստվել նախագահական ու խորհրդարանական ընտրություններին: Թեժ ընտրապայքարի ընթացքում նաև խախտումների ահազանգեր են լինում: Օրինակ՝ արդեն լուր կա, որ անհայտ մեկը հարձակվել է նախագահի թեկնածու, Արցախի հերոս Վիտալի Բալասանյանի երիտասարդ աջակիցների շտաբի վրա, պոկել ու գողացել պաստառները: արցախի օմբուդսմենը սա անվանել է ոտնձգություն ընտրական իրավունքի դեմ: Արտակ Բեգլարյանը դատապարտել է պատահածը: Արցախի Քարոզարշավի 6-րդ օրը:

Նիկոլ Փաշինյանը սիրում է բոլորիդ, բայց էլ չի համբուրում: Այդպիսնն է սերը՝ կորոնավիրուսի օրերին: Մարտի 1-ի երթը չեղարկելուց հետո ինչպես անցավ վարչապետի մեկ օրը՝ ըստ ֆեյսբուքյան ժամանակագրության:

Մեր երկրում շարունակվում է Սահմանադրական դատարանի նախագահ Հրայր Թովմասյանից ու ընկերներից ազատվելու համար նախաձեռնած հանրաքվեի քարոզարշավը: Իշխող քաղաքական ուժը դեռ հանրաքվե նշանակելու նիստի օրը խորհրդարանում փոխխոսնակի բերանով մեսիջ ուղարկեց նրանք, որ կհավաքվեն ոչ-ի շտաբում, ըստ էության, կպիտակավորվեն, որպես հին Հայաստանի հետ կապ ունեցող ուժեր:

Աշխարհում լռել են կառնավալների, համերգների ձայները, անգամ պատարագների ոչ ոք չի գնում: Երկրների առաջնորդները պաշտոնական այցեր են հետաձգում: Ամերիկացի վերլուծաբանները այս տարի hամաշխարհային տնտեսության փլուզում են կանխատեսել: Ըստ մասնագետների՝ 2009 թվականից հետո այս տարին վատթարագույնը կլինի: